• HOME
  • »
  • NEWS
  • »
  • kerala
  • »
  • 'മത്സ്യത്തൊഴിലാളികൾക്കെതിരായ ഉത്തരവ് നേടാൻ അദാനി ഗ്രൂപ്പിന് കൂട്ടുനിന്നു'; സർക്കാരിനെതിരെ ലത്തീൻ അതിരൂപത

'മത്സ്യത്തൊഴിലാളികൾക്കെതിരായ ഉത്തരവ് നേടാൻ അദാനി ഗ്രൂപ്പിന് കൂട്ടുനിന്നു'; സർക്കാരിനെതിരെ ലത്തീൻ അതിരൂപത

വിഴിഞ്ഞം തുറമുഖ നിര്‍മാണം നിര്‍ത്തിവച്ച് പഠനം നടത്തണമെന്നും സർക്കുലറിൽ ആവശ്യപ്പെടുന്നു

'മത്സ്യത്തൊഴിലാളികൾക്കെതിരായ ഉത്തരവ് നേടാൻ അദാനി ഗ്രൂപ്പിന് കൂട്ടുനിന്നു'; സർക്കാരിനെതിരെ ലത്തീൻ അതിരൂപത
  • Share this:
    തിരുവനന്തപുരം: വിഴിഞ്ഞം തുറമുഖത്തിനെതിരെ (vizhinjam port) തിരുവനന്തപുരം ലത്തീൻ അതിരൂപതയ്ക്ക് (Latin Archdiocese ) കീഴിലെ പള്ളികളിൽ വീണ്ടും സർക്കുലർ വായിച്ചു. സർക്കാരിനെതിരെ കടുത്ത വിമർശനമാണ് സർക്കുലറിൽ ഉന്നയിക്കുന്നത്. മത്സ്യത്തൊഴിലാളികൾക്ക് എതിരായ കോടതി ഉത്തരവ് നേടിയെടുക്കാൻ അധികാരികൾ അദാനി ഗ്രൂപ്പിന് കൂട്ടുനിന്നെന്നാണ് വിമര്‍ശനം. വിഴിഞ്ഞം തുറമുഖ നിര്‍മാണം നിര്‍ത്തിവച്ച് പഠനം നടത്തണമെന്നും സർക്കുലറിൽ ആവശ്യപ്പെടുന്നു.

    Also Read- വിഴിഞ്ഞം: തുറമുഖം നിർമ്മാണം നിർത്തിവെച്ച് പഠനം നടത്തണമെന്ന ആവശ്യം അംഗീകരിക്കാനാകില്ലെന്ന് സർക്കാർ

    വിഴിഞ്ഞം തുറമുഖ നിർമാണം മൂലമുള്ള തീരശോഷണത്തിന് ശാശ്വത പരിഹാരം കാണണം. ന്യായമായ ആവശ്യങ്ങൾ നേടിയെടുക്കും വരെ സമരം തുടരണം എന്നാണ് ആർച്ച് ബിഷപ്പ് ഡോ.തോമസ് ജെ നെറ്റോയുടെ സർക്കുലർ. തീരശോഷണത്തില്‍ വീട് നഷ്ടപെട്ടവരെ വാടക നൽകി മാറ്റി പാർപ്പിക്കണമെന്നും സര്‍ക്കുലറില്‍ ആവശ്യപ്പെടുന്നു. മതിയായ നഷ്ടപരിഹാരം നൽകി ഇവരെ പുനരധിവസിപ്പിക്കണമെന്നും സർക്കുലറിലുണ്ട്.

    Also Read- 'വിഴിഞ്ഞം തുറമുഖ നിർമാണം നിര്‍ത്തിവയ്ക്കണമെന്ന ആവശ്യം ഒഴികെ ന്യായമായ ഏതാവശ്യവും പരിഗണിക്കും': മുഖ്യമന്ത്രി

    കൂടാതെ നിരവധി വിഷയങ്ങളും സർക്കുലറിൽ ഉൾപ്പെടുത്തി. മണ്ണെണ്ണ വില വർധന പിന്‍വലിപ്പിക്കാൻ കേന്ദ്ര സർക്കാരിൽ ഇടപെടണം, തമിഴ്നാട് മാതൃകയിൽ മണ്ണെണ്ണ നൽകുക, കാലാവസ്ഥാ മുന്നറിയിപ്പുകൾ മൂലം കടലിൽ പോകാനാകാത്ത ദിവസങ്ങളിൽ മിനിമം വേതനം നൽകുക, മുതലപ്പൊഴി ഹാർബറിന്‍റെ അശാസ്ത്രീയ നിർമാണം മൂലമുള്ള പ്രശ്നങ്ങൾ പരിഹരിക്കുക എന്നിവയാണ് സര്‍ക്കുലറിലെ ആവശ്യങ്ങള്‍. പലവട്ടം ചർച്ചകൾ നടത്തിയെങ്കിലും അധികാരികളിൽ നിന്ന് കൃത്യമായി മറുപടി കിട്ടിയിട്ടില്ലെന്നും ആരോപിച്ചു.

    Also Read- വിഴിഞ്ഞം പദ്ധതി നിര്‍ത്തിവെയ്ക്കാനാകില്ല; പ്രതിഷേധങ്ങള്‍ പദ്ധതി തടസപ്പെടുത്തിയാകരുത്; ഹൈക്കോടതി

    ഇതിനിടെ വിഴിഞ്ഞത്തെ ഉപരോധ സമയം 20ാം ദിവസത്തിലേക്ക് കടക്കുകയാണ്. ഇന്ന് പ്രാർത്ഥന ദിനമായിട്ടാണ് ആചരിക്കുക. നാളെ മുതൽ തുറമുഖ കവാടത്തിൽ തന്നെ ഉപവാസ സമരവും തുടങ്ങും. ആർച്ച് ബിഷപ്പിന്റെയും മുൻ ആർച്ച് ബിഷപ്പിന്റെയും നേതൃത്വത്തിലാണ് നാളെ ഉപവാസസമരം.
    Published by:Rajesh V
    First published: