പത്തനംതിട്ടയിൽ കോൺഗ്രസ് കമ്മിറ്റി യോഗത്തിൽ തമ്മിലടി; നേതാവ് അടികൊണ്ട്‌ ആശുപത്രിയിൽ

പത്തനംതിട്ട: മല്ലപ്പള്ളി ബ്ലോക്ക് കോൺഗ്രസ് കമ്മിറ്റി യോഗത്തിൽ തമ്മിലടി. പിജെ കുര്യന്റെ സാന്നിധ്യത്തിൽ ചേർന്ന യോഗത്തിലാണ് പ്രവർത്തകർ ഏറ്റുമുട്ടിയത്. ജില്ലയിൽ നിലനിൽക്കുന്ന വിഭാഗീയതയുടെ ഭാഗമായാണ് തർക്കം തുടങ്ങിയത്. യോഗത്തിൽ പങ്കെടുക്കാൻ എത്തിയ പിജെ കുര്യനെതിരെ പ്രവർത്തകർ ഗോബാക്ക് മുദ്രാവാക്യം വിളിച്ചു.

Also Read-‘ന്യൂനപക്ഷങ്ങളുടെ അട്ടിപ്പേറവകാശം ആരാണ് ജമാഅത്തെക്ക് നൽകിയത്? വർഗീയതകൾ സന്ധിചെയ്ത് മതനിരപേക്ഷതയെ തച്ചുടക്കുന്നു’: മുഖ്യമന്ത്രി

മുതിർന്ന കോൺഗ്രസ്‌ നേതാവും ഐഎൻടിയുസി നേതാവുമായ സുരേഷ് ബാബു പാലാഴിയെ പി ജെ കുര്യൻ അനുകൂലികൾ മർദിച്ചു. കാലിനു ഗുരുതര പരിക്കേറ്റ ഇയാളെ മല്ലപ്പള്ളി താലൂക്ക് ആശുപത്രിയിൽ പ്രവേശിപ്പിച്ചു. പൊലീസെത്തിയാണ് സംഘർഷം നിയന്ത്രിച്ചത്.