ആശുപത്രിയില്‍ കഴിയുന്ന കെ.എം മാണിയെ മുഖ്യമന്ത്രി സന്ദര്‍ശിച്ചു; ആരോഗ്യനിലയില്‍ നേരിയ പുരോഗതി

കൊച്ചി: ശ്വാസകോശ രോഗത്തെ തുടര്‍ന്ന് ആശുപത്രിയില്‍ കഴിയുന്ന കേരള കോണ്‍ഗ്രസ് എം നേതാവും മുന്‍മന്ത്രിയുമായ കെ.എം മാണിയെ മുഖ്യമന്ത്രി പിണറായി വിജയന്‍ സന്ദര്‍ശിച്ചു. അതേസമയം മാണിയുടെ ആരോഗ്യനിലയില്‍ നേരിയ പുരോഗതിയുണ്ടെന്ന് ഡോക്ടർമാർ വ്യക്തമാക്കി.

ശ്വാസകോശ സംബന്ധമായ അസുഖത്തെ തുടര്‍ന്ന് കഴിഞ്ഞ ദിവസമാണ് കെ.എം മാണിയെ കൊച്ചിയിലെ സ്വകാര്യ ആശുപത്രിയില്‍ പ്രവേശിപ്പിച്ചത്.

പരിശോധനയില്‍ വൃക്കകള്‍ക്ക് തകരാറുണ്ടെന്നു കണ്ടെത്തുകയും ഡയാലിസിസിന് വിധേയനാക്കുകയും ചെയ്തു. ഇപ്പോള്‍ ആരോഗ്യനിലയില്‍ നേരിയ പുരോഗതിയുണ്ടെന്നാണ് ആശുപത്രി വൃത്തങ്ങള്‍ അറിയിക്കുന്നത്.

Also Read ദൈവം ചോദിക്കുമെന്ന് പറഞ്ഞ കടകംപള്ളിയോട്  ഇനി ഇത് ആവർത്തിക്കരുതെന്ന് തെരഞ്ഞെടുപ്പ് ഓഫീസർ