മുഖ്യമന്ത്രി ബുധനാഴ്ച വസന്തകുമാറിന്റെ വയനാട്ടിലെ വീട്ടിലെത്തും

ലക്കിടി: പുൽവാമ ഭീകരാക്രമണത്തിൽ വീരമൃത്യുവരിച്ച മലയാളി സൈനികൻ വി.വി വസന്തകുമാറിൻറെ വീട്ടിൽ മുഖ്യമന്ത്രി പിണറായി വിജയൻ ബുധനാഴ്ച എത്തും. വയനാട് ലക്കിടി തൃക്കൈപ്പറ്റയിലെ വീട്ടിലാണ് മുഖ്യമന്ത്രി എത്തുക.

മന്ത്രി എ കെ ബാലൻ ഇന്ന് രാവിലെ വീട് സന്ദര്‍ശിച്ചിരുന്നു. വസന്തകുമാറിന്‍റെ ഭാര്യക്ക് ജോലിയും മക്കളുടെ വിദ്യാഭ്യാസവും ഉറപ്പാക്കുമെന്ന് തൃക്കൈപ്പറ്റയിലെ വീട്ടിലെത്തിയ മന്ത്രി എ കെ ബാലന്‍ അറിയിച്ചു. വസന്തകുമാറിന്‍റെ ഭാര്യ ഷീനയെ പൂക്കോട് വെറ്റിനറി സർവകലാശാലയിലെ ജോലിയിൽ സ്ഥിരപ്പെടുത്തുന്നതും, കുട്ടികളുടെ വിദ്യാഭ്യാസം കേന്ദ്രീയവിദ്യാലയത്തിൽ ആക്കുന്നതും സര്‍ക്കാര്‍ അനുഭാവപൂര്‍വ്വം പരിഗണിക്കുമെന്ന് മന്ത്രി കുടുംബത്തെ അറിയിച്ചു.

Also read: പുൽവാമ: വെബ്സൈറ്റിലേക്ക് ഒരുനാളിൽ ഒഴുകിയെത്തിയത് ഏഴുകോടി

ഫെബ്രുവരി 19ന് ചേരുന്ന ക്യാബിനറ്റ് യോഗത്തിൽ ഇക്കാര്യം തീരുമാനമാകും. നിലവിൽ ദുബായിലുള്ള മുഖ്യമന്ത്രി പിണറായി വിജയൻ കേരളത്തിൽ തിരിച്ചെത്തിയാലുടൻ സൈനികന്‍റെ കുടുംബത്തിനുള്ള എല്ലാ സഹായങ്ങളും ഉറപ്പാക്കുമെന്ന് മന്ത്രി ഇ പി ജയരാജൻ പറഞ്ഞിരുന്നു.