കേന്ദ്രാനുമതി ലഭിച്ചു; എസ്.എസ്.എൽ.സി, പ്ലസ് ടു പരീക്ഷകൾ മുൻ നിശ്ചയിച്ച പ്രകാരം നടക്കുമെന്ന് മുഖ്യമന്ത്രി

തിരുവനന്തപുരം: എസ്.എസ്.എൽ.സി, ഹയർ സെക്കൻഡറി, വൊക്കേഷണൽ ഹയർ സെക്കൻഡറി പരീക്ഷകൾ മുൻനിശ്ചയിച്ച പ്രകാരം ന‌ടക്കുമെന്ന് മുഖ്യമന്ത്രി പിണറായി വിജയൻ. മേയ് 26 മുതൽ 30 വരെയാണ് പരീക്ഷ തീരുമാനിച്ചിരുന്നത്. ഇതിന് കേന്ദ്ര സർക്കാറിന്റെ അനുമതി വൈകിയാണ് ലഭിച്ചത്. അതുകൊണ്ടാണ് നേരത്തെ ചില തടസങ്ങൾ നേരിട്ടതെന്നും മുഖ്യമന്ത്രി വ്യക്തമാക്കി.
You may also like:LIVE Updates | സംസ്ഥാനത്ത് ഇന്ന് 24 പേർക്ക് കോവിഡ് സ്ഥിരീകരിച്ചു; 5 പേർക്ക് രോഗമുക്തി [NEWS]എസ്എസ്എല്‍സി, പ്ലസ് ടു പരീക്ഷകള്‍ നടത്താം; സംസ്ഥാനങ്ങൾക്ക് കേന്ദ്ര സർക്കാരിന്റെ അനുമതി [NEWS]'പോരാളി ഷാജിമാർക്ക് ബിജിഎം ഇട്ട് തകർക്കാനുള്ള ഐറ്റങ്ങൾ ഇട്ടു കൊടുക്കുന്ന കയ്യില് കുത്തലുകളുടെ കാലം കഴിഞ്ഞു': വി.ടി ബൽറാം [NEWS]
പരീക്ഷ നടത്താൻ ആവശ്യമായ മുൻകരുതൽ നടപടികൾ സ്വീകരിക്കുമെന്നും വിദ്യാർഥികൾക്ക് ഗതാഗത സൗകര്യവും സർക്കാർ ഏർപ്പെടുത്തും. കണ്‍ടെന്റ്‌മെന്റ് സോണുകളില്‍ പരീക്ഷാ കേന്ദ്രങ്ങള്‍ ഉണ്ടാകില്ലെന്നും മുഖ്യമന്ത്രി പറഞ്ഞു.

എല്ലാ കുട്ടികൾക്കും പരീക്ഷ എഴുതാനുള്ള സൗകര്യം ഒരുക്കും. ഇക്കാര്യത്തിൽ വിദ്യാർഥികളോ രക്ഷിതാക്കളോ ആശങ്കപ്പെടേണ്ട സാഹചര്യമില്ല. പ്രത്യേകമായ എന്തെങ്കിലും പ്രശ്നങ്ങളുണ്ടെങ്കിൽ ശ്രദ്ധയിൽപ്പെടുത്തിയാൽ പരിഹാരിക്കാമെന്നും മുഖ്യമന്ത്രി അറിയിച്ചു.