Lightning| ഇടിമിന്നലേറ്റ് തെങ്ങുനിന്നു കത്തി; കാറ്റിൽ തീപ്പൊരി ചിതറി; അടുത്ത് പെട്രോൾ പമ്പും; വൻദുരന്തം ഒഴിവായി

തൊടുപുഴ: ഇടുക്കി (Idukki) തൊടുപുഴയിൽ (thodupuzha)  ഇടിമിന്നലേറ്റ് തെങ്ങ് നിന്നു കത്തി. തൊടുപുഴയിൽ കോളനി ബൈപ്പാസ് റോഡിന് സമീപം ബുധനാഴ്ച വൈകിട്ടായിരുന്നു സംഭവം. തീ പടർന്ന തെങ്ങിൽ നിന്നും തീപ്പൊരികൾ പാറുന്നതും ദൃശ്യങ്ങളിൽ കാണാം. തീപിടിച്ച തെങ്ങിന് സമീപം നിരവധി മരങ്ങളും തൊട്ടടുത്ത് പെട്രോൾ പമ്പും ഉണ്ടായിരുന്നു.

Also Read- Suicide| സിന്ധുവിന്റെ ആത്മഹത്യ; ജോയിന്റ് RTOയെ വിളിച്ചുവരുത്തും; പരാതി ലഭിച്ചിരുന്നുവെന്ന് RTO

തീപിടിച്ച വിവരം അറിഞ്ഞ ഉടൻ തന്നെയെത്തിയ അഗ്നിശമന സേനാംഗങ്ങളുടെ സമയോചിതമായ ഇടപെടലാണ് വൻ ദുരന്തം ഒഴിവാക്കിയത്. തെങ്ങ് തീപിടിച്ച് കത്തുന്നതിന്റെ ദൃശ്യങ്ങൾ സമൂഹ മാധ്യമങ്ങളിൽ വൈറലാണ്. ഇന്നലെ സംസ്ഥാനത്ത് ശക്തമായ ഇടിമിന്നലും മഴയുമാണ് ഉണ്ടായത്.

Also Read- Elephant Attack| 'പടയപ്പ'യുടെ പരാക്രമം; തിന്നുതീർത്തത് ആറ് വാഴക്കുലയും 25 കിലോ പച്ചക്കറിയും; കാട്ടുകൊമ്പന്റെ വരവിൽ നഷ്ടം അരലക്ഷത്തോളം

ബുധനാഴ്ച വൈകുന്നേരം ഉണ്ടായ ശക്തമായ മിന്നലിൽ തൊടുപുഴ കോലാനി ബൈപാസിലെ പമ്പിനോട് ചേർന്ന സ്ഥലത്തെ തെങ്ങിന് തീ പിടിച്ചപ്പോൾ. ഫയർ ഫോഴ്സ് എത്തി തീയണച്ചു. #Thodupuzha pic.twitter.com/d39AElA2X2

— News18 Kerala (@News18Kerala) April 7, 2022

എടപ്പാളിലും  ഇടിമിന്നലിൽ തെങ്ങിന് തീ പിടിച്ചു

എടപ്പാൾ ഇടിമിന്നലിൽ തെങ്ങിന് തീ പിടിച്ചു. കപ്പൂർ പഞ്ചായത്ത് പ്രസിഡണ്ട് ചേക്കോട് ഷറഫുദ്ദീൻ കളത്തിലിൻ്റെ വീടിനോട് ചേർന്നുള്ള തെങ്ങിനാണ് ഇടിമിന്നലിൽ തീ പിടിച്ചത്. ബുധനാഴ്ച വൈകീട്ട് 7.15 ഓടയായിരുന്നു സംഭവം. ഇടിമിന്നലിനോടപ്പം പെയ്ത മഴയിൽ തീ അണയുകയും ചെയ്തു.