പാലാരിവട്ടം പാലത്തിന്‍റെ കോൺക്രീറ്റ് കട്ടിംഗ് തുടങ്ങി; വാഹനഗതാഗതത്തിന് നിയന്ത്രണം ഏർപ്പെടുത്തും

കൊച്ചി: പാലാരിവട്ടം പാലത്തിന്റെ കോൺക്രീറ്റ് കട്ടിംഗ് തുടങ്ങി. ഡിവൈഡറുകളാണ് ആദ്യം നീക്കം ചെയ്യുന്നത്. വരും ദിവസങ്ങളിൽ സ്ലാബുകളും മുറിച്ച് മാറ്റും. അടുത്ത ദിവസം മുതൽ ഈ വഴിയുള്ള വാഹനഗതാഗതത്തിന് നിയന്ത്രണം ഏർപ്പെടുത്താനും തീരുമാനിച്ചിട്ടുണ്ട്.

പാലാരിവട്ടം പാലത്തിലെ ടാർ നീക്കം ചെയ്യുന്ന ജോലികൾ ആയിരുന്നു കഴിഞ്ഞ രണ്ടു ദിവസങ്ങളിൽ. ഇത് പൂർത്തിയായതോടെയാണ് കോണ്ക്രീറ്റ് കട്ടിംഗ് ആരംഭിച്ചത്. ഡയമണ്ട് വയർ സോ കട്ടർ ഉപയോഗിച്ചാണ് ഡിവൈഡറുകൾ മുറിക്കുന്നത്. ഇത് പൂർത്തിയായശേഷം സ്ലാബുകളും ഗർഡറുകളും ഉൾപ്പെടെ കട്ട് ചെയ്യും.

Also Read: 'അഴിമതിയേക്കാൾ വലുതാണ് കരാറുകാരും തൊഴിലാളികളും നടത്തിയ ഭൂമിപൂജ എന്നു കരുതുന്നവരോട് തർക്കിച്ചിട്ട് കാര്യമില്ല': മന്ത്രി സുധാകരൻ

പിന്നീട് ഇവ പൊടിച്ച് നീക്കം ചെയ്യാനാണ് തീരുമാനം. കോൺ ക്രീറ്റ് കട്ട് ചെയ്യുമ്പോൾ പരമാവധി പൊടി ഉയരാതിരിക്കാൻ വെള്ളം ഉപയോഗിക്കുന്നുണ്ട്. കോണ്ക്രീറ്റ് കഷ്ണങ്ങൾ പുറത്തേക്ക് തെറിക്കാതിരിക്കാൻ ഇരുമ്പ് വല വിരിയ്ക്കുകയും ചെയ്യും.