കോട്ടയത്തെ കോൺഗ്രസിൽ തമ്മിലടി; ജോസഫ് വാഴക്കനെ വഴിയിൽ തടഞ്ഞ് എ ഗ്രൂപ്പ്

കോട്ടയം: ജില്ലയിലെ കോൺഗ്രസിനുള്ളിൽ ഗ്രൂപ്പ് പോര് ശക്തമായി. ഇതിന്‍റെ ഭാഗമായി ഐ ഗ്രൂപ്പ് നേതാവ് ജോസഫ് വാഴക്കനെ എ ഗ്രൂപ്പുകാർ വഴിയിൽ തടഞ്ഞു. ഈരാറ്റുപേട്ടയിൽ ആണ് ഗ്രൂപ്പ് തർക്കത്തെ തുടർന്ന് ജോസഫ് വാഴക്കനെ നടുറോഡിൽ തടഞ്ഞത്.

യൂത്ത് കോൺഗ്രസ് പ്രവർത്തകരാണ് വാഴയ്ക്കനെ റോഡിൽ തടഞ്ഞുനിർത്തി പ്രതിഷേധിച്ചത്. എ  ഗ്രൂപ്പ് നേതാക്കളുടെ നിർദ്ദേശം അനുസരിച്ചാണ് അണികൾ വാഴക്കനെ തടഞ്ഞത്.

ഏറെക്കാലമായി ഈരാറ്റുപേട്ടയിൽ ഗ്രൂപ്പ് തർക്കം നിലനിൽക്കുകയായിരുന്നു. ഐ ഗ്രൂപ്പുകാരനായ നിയാസിനെ മണ്ഡലം പ്രസിഡണ്ട് ആയി തെരഞ്ഞെടുതിരുന്നു. ഇതിനെതിരെ എ  ഗ്രൂപ്പ് വലിയ പരാതികളാണ് ഉയർത്തിയിരുന്നത്. പരാതികൾക്ക് പിന്നാലെ കെപിസിസി നേതൃത്വം ഇടപെട്ട് നിയമനം റദ്ദ് ചെയ്തിരുന്നു.
TRENDING:ഷംന കാസിം ബ്ലാക്മെയിൽ കേസ് | പോലീസ് ഭീഷണിപ്പെടുത്തുന്നതായി പ്രതിയുടെ ഭാര്യ ഹൈക്കോടതിയിൽ [NEWS]COVID 19| ക​ര്‍​ണാ​ട​ക​യി​ല്‍ SSLC പ​രീ​ക്ഷ​യെ​ഴു​തി​യ 32 കു​ട്ടി​ക​ള്‍​ക്ക് കോ​വി​ഡ്; സമ്പർക്കം പരിശോധിക്കുന്നു [NEWS]UN Sex Act in Tel Aviv | നടുറോഡിൽ ഔദ്യോഗിക വാഹനത്തിൽ സെക്സ്; ഉദ്യോഗസ്ഥരെ സസ്പെൻഡ് ചെയ്തെന്ന് യു.എൻ [NEWS]

പി സി ജോർജിനെ മുന്നണിയിലെടുക്കുന്നതുമായി ബന്ധപ്പെട്ട രോഷവും ഉള്ളതായി പ്രവർത്തകർ പറയുന്നു. ഗ്രൂപ്പ് തർക്കം പരിഹരിക്കുന്നതിനാണ് താൻ എത്തിയതെന്നാണ് വാഴയ്ക്കൻ വ്യക്തമാക്കുന്നത്. പൂഞ്ഞാർ മണ്ഡലം കോൺഗ്രസ് ഏറ്റെടുക്കുന്നതിനുള്ള നീക്കങ്ങളും നടന്നുവരുന്നുണ്ട്. ഐ  ഗ്രൂപ്പാണ് മണ്ഡലത്തിൽ കണ്ണു വെച്ചിരിക്കുന്നത്.