അലനും താഹയ്ക്കും കോൺഗ്രസിന്റെ രാഷ്ട്രീയ പിന്തുണ നല്‍കില്ല: ടി സിദ്ദീഖ്

സിപിഎം ജില്ലാ സെക്രട്ടറി പി മോഹനന്‍ പറയുന്നതാണോ കോടിയേരി ബാലകൃഷ്ണന്‍ പറയുന്നതാണോ ശരിയെന്ന് സിപിഎം വ്യക്തമാക്കണമെന്ന് സിദ്ദീഖ്

News18 Malayalam | news18-malayalam
Updated: February 25, 2020, 12:53 PM IST
അലനും താഹയ്ക്കും കോൺഗ്രസിന്റെ രാഷ്ട്രീയ പിന്തുണ നല്‍കില്ല: ടി സിദ്ദീഖ്
alan-thaha
  • Share this:
കോഴിക്കോട്: പന്തീരാങ്കാവ് യുഎപിഎ കേസില്‍ അറസ്റ്റിലായ അലൻ, താഹ എന്നിവർക്ക് രാഷ്ട്രീയ പിന്തുണ നല്‍കേണ്ട കാര്യമില്ലെന്ന് കെപിസിസി വൈസ് പ്രസിഡന്റ് ടിസിദ്ദീഖ്. ഇരുവരുടെയും വിഷയം മനുഷ്യാവകാശ ലംഘനമായാണ് കാണുന്നത്. അലനും താഹയും സിപിഎം പ്രവര്‍ത്തകരായിരുന്നിട്ട് കൂടി അവരെ പാര്‍ട്ടി കൈവിടുക മാത്രമല്ല വേട്ടയാടുകയും ചെയ്യുന്നു. ഈ നിലപാടിനെയാണ് കോണ്‍ഗ്രസ് എതിര്‍ക്കുന്നതെന്ന് സിദ്ദീഖ് പറഞ്ഞു.

മനുഷ്യാവകാശ പ്രശ്‌നമെന്ന രീതിയിലാണ് നിയമസഭയില്‍ വിഷയം ഉന്നയിച്ചതും അലന്റെയും താഹയുടെ വീടുകള്‍ പ്രതിപക്ഷ നേതാവ് സന്ദര്‍ശിച്ചതും. ഇക്കാര്യത്തില്‍ യുഡിഎഫിനൊരു നിലപാടുണ്ട്. അതനുസരിച്ച് മുന്നോട്ട് പോകുമെന്നും കെപിസിസി വൈസ് പ്രസിഡന്റ് പറഞ്ഞു.

ALSO READ: സുപ്രീംകോടതിയിൽ പനി പടരുന്നു; ആറ് ജഡ്ജിമാർക്ക് H1N1 എന്ന് സംശയം

സിപിഎം ജില്ലാ സെക്രട്ടറി പി മോഹനന്‍ പറയുന്നതാണോ കോടിയേരി ബാലകൃഷ്ണന്‍ പറയുന്നതാണോ ശരിയെന്ന് സിപിഎം വ്യക്തമാക്കണമെന്ന് സിദ്ദീഖ് ആവശ്യപ്പെട്ടു.

പി.മോഹനന്‍ പറയുന്നു, പാര്‍ട്ടി തെളിവെടുപ്പ് പൂര്‍ത്തിയായില്ലെന്ന്. എന്നാൽ കോടിയേരി പറയുന്നു ഇരുവരെയും പാര്‍ട്ടിയില്‍ നിന്ന് പുറത്താക്കിയെന്ന്. ഇതില്‍ ഏതാണ് വിശ്വാസയോഗ്യമെന്ന് സിപിഎം പറയണം.

ഇരുവര്‍ക്കുമെതിരെയുള്ള അന്വേഷണം തുടങ്ങിയ വേളയില്‍ത്തന്നെ മുഖ്യമന്ത്രി പറഞ്ഞത് അലനും താഹയും മാവോയിസ്റ്റുകളാണെന്നാണ്. പിണറായിയുടെ പരാമര്‍ശം ഏറ്റുപാടുകയാണ് കോടിയേരി ചെയ്തിരിക്കുന്നതെന്നും ടി സിദ്ദീഖ് വ്യക്തമാക്കി.

മനുഷ്യാവകാശ ലംഘനവുമായി ബന്ധപ്പെട്ട വിഷയത്തില്‍ ഇതുവരെ കോണ്‍ഗ്രസ് എടുത്ത നിലപാട് തന്നെയാവും അലന്റെയും താഹയുടെയും വിഷയത്തിലും ഉണ്ടാകുകയെന്നും ടി സിദ്ദീഖ് കൂട്ടിച്ചേര്‍ത്തു.
First published: February 25, 2020, 12:53 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading