കോട്ടയത്ത് നിയന്ത്രണം നഷ്ടപ്പെട്ട കാർ സ്കൂട്ടറിലിടിച്ച് ദമ്പതികൾ മരിച്ചു

കോട്ടയം: മണിമല കരിമ്പനക്കുളത്ത് നിയന്ത്രണം നഷ്ടപ്പെട്ട കാർ സ്കൂട്ടറിലിടിച്ചുണ്ടായ അപകടത്തിൽ ദമ്പതികൾ മരിച്ചു. കൊക്കപ്പുഴ സ്വദേശികളായ ഉഷ, ഭര്‍ത്താവ് തങ്കച്ചന്‍ എന്നിവരാണ് മരിച്ചത്. വൈകുന്നേരം അഞ്ചു മണിയോടെയാണ് അപകടം ഉണ്ടായത്.

മണിമലയിൽ നിന്ന് റാന്നി ഭാഗത്തേക്ക് പോവുകയായിരുന്ന സ്കൂട്ടറിൽ എതിരെ വന്ന കാര്‍ ഇടിക്കുകയായിരുന്നു. ചിറ്റാർ സ്വദേശികൾ സഞ്ചരിച്ചിരുന്ന കാറാണ് അപകടകത്തിനിടയാക്കിയത്. തങ്കച്ചൻ സംഭവസ്ഥലത്തുവെച്ചും ഭാര്യ ഉഷ ആശുപത്രിയിലേക്കും പോകും വഴിയുമാണ് മരിച്ചത്.