നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • kerala
    • »
    • യുവതിയ്ക്ക് ഒരു കോടി രൂപ നഷ്ടപരിഹാരം നല്‍കാന്‍ കോടതി; വാഹനാപകടത്തില്‍ പരിക്കേറ്റ് ശരീരം തളര്‍ന്നതിന്

    യുവതിയ്ക്ക് ഒരു കോടി രൂപ നഷ്ടപരിഹാരം നല്‍കാന്‍ കോടതി; വാഹനാപകടത്തില്‍ പരിക്കേറ്റ് ശരീരം തളര്‍ന്നതിന്

    അപകടത്തെ തുടര്‍ന്ന് സിന്ധുവിന് തലയ്ക്കും ശരീരത്തിനും ഗുരുതരമായി പരിക്ക് പറ്റിയിരുന്നു.

    പ്രതീകാത്മക ചിത്രം

    പ്രതീകാത്മക ചിത്രം

    • Share this:
      തിരുവനന്തപുരം: വാഹനാപകടത്തില്‍ പരിക്കേറ്റ് ശരീരം തളര്‍ന്നുപോയ യുവതിയ്ക്ക് ഒരു കോടി രൂപ നഷ്ടപരിഹാരം നല്‍കാന്‍ ഉത്തരവിട്ട് കോടതി. തിരുവനന്തപുരം നഷ്ടപരിഹാര കോടതി ജഡ്ജി ശേഷാദ്രിനാഥന്‍ ആണ് ഉത്തരവിട്ടത്. വഞ്ചിയൂരില്‍ വാടകയ്ക്ക് താമസിക്കുന്ന സിന്ധു(41)വാണ് അപകടത്തില്‍ പരുക്കേറ്റ് ശരീരം തളര്‍ന്നു പോയത്.

      കോടതി വിധിയുടെ അടിസ്ഥാനത്തില്‍ 72,46558 രൂപയും 23,18,880 പലിശയും കോടതി ചെലവായ 7,00,000 ചേര്‍ന്നാണ് 1,02,65,438 രൂപ നഷ്ടപരിഹാരം നല്‍കുന്നത്. കേസിനാസ്പദമായ സംഭവം നടക്കുന്നത് 2017 ഏപ്രില്‍ 26നാണ്. മണക്കാടു നിന്നും അമ്പലത്തറ ഭാഗത്തേക്ക് പോകുന്ന വഴിക്ക് കല്ലാറ്റുമുക്ക് ജംഗ്ഷനില്‍ വെച്ച് ഓട്ടോറിക്ഷ മറിഞ്ഞുണ്ടായ അപകടത്തിലാണ് സിന്ധുവിന് പരിക്കേറ്റത്.

      അപകടത്തെ തുടര്‍ന്ന് സിന്ധുവിന് തലയ്ക്കും ശരീരത്തിനും ഗുരുതരമായി പരിക്ക് പറ്റിയിരുന്നു. ഓട്ടോറിക്ഷയുടെ അമിത വേഗതയായിരുന്നു അപകടത്തിന് കാരണമായതെന്നാണ് പൊലീസ് വ്യക്തമാക്കുന്നത്. മാസങ്ങള്‍ നീണ്ട ചികിത്സയ്ക്ക് വിധേയ ആയെങ്കിലും ശരീരം തളര്‍ന്ന അവസ്ഥയിലായി.

      ഭര്‍ത്താവുമായി വേര്‍പിരിഞ്ഞു ജീവിക്കുകയാണ് സിന്ധു. ഇവര്‍ക്ക് രണ്ടു കുട്ടികളുണ്ട്. സിന്ധുവിന് വേണ്ടി കേസില്‍ അഡ്വ. ഹെന്‍ട്രി തോമസ്, സര്‍ജിന്‍ തോമസ്, ആശ സര്‍ജിന്‍ എന്നിവര്‍ ഹാജരായി.

      നേവിസ് യാത്രയായത് ഏഴുപേർക്ക് പുതുജീവൻ നൽകി; ഹൃദയവുമായി ആംബുലൻസ് കോഴിക്കോടേക്ക്

      എറണാകുളം രാജഗിരി ആശുപത്രിയില്‍ വച്ച്‌ മസ്തിഷ്‌ക മരണം സംഭവിച്ച കോട്ടയം വടവത്തൂര്‍ കളത്തില്‍പടി ചിറത്തിലത്ത് ഏദന്‍സിലെ നേവിസ് (25) യാത്രയായത് ഏഴുപേർക്ക് പുതുജീവൻ സമ്മാമനിച്ച്. നേവിസിന്‍റെ ഹൃദയവും വഹിച്ച്‌ കൊണ്ടുള്ള വാഹനം കോഴിക്കോട് മെട്രോ ഇന്റര്‍നാഷണല്‍ ആശുപത്രിയിലേക്ക് പോകുകയാണ്. വാഹനത്തിന് വഴിയൊരുക്കി സഹായിക്കാന്‍ ആരോഗ്യ മന്ത്രി വീണ ജോര്‍ജ് ഫേസ്ബുക്കിലൂടെ അഭ്യര്‍ത്ഥിച്ചു. എത്രയും വേഗം ഹൃദയം കോഴിക്കോട് എത്തിച്ച്‌ ചികിത്സയിലുള്ള രോഗിയില്‍ വച്ച്‌ പിടിപ്പിക്കണമെന്നും ഓരോ നിമിഷവും പ്രധാനമാണെന്നും മന്ത്രി പറഞ്ഞു.

      ഫ്രാന്‍സില്‍ അക്കൗണ്ടിംഗ് മാസ്റ്ററിന് പഠിക്കുകയായിരുന്നു നേവിസ്. കോവിഡ് കാരണം ഇപ്പോള്‍ ഓണ്‍ലൈനായാണ് ക്ലാസ്. കഴിഞ്ഞ 16നാണ് നേവിസിന് മസ്തിഷ്കാഘാതം ഉണ്ടായത്. രാത്രിയുള്ള പഠനം കഴിഞ്ഞിട്ട് ഉണരാന്‍ വൈകിയിരുന്നു. എട്ടാം ക്ലാസില്‍ പഠിക്കുന്ന സഹോദരി വിസ്മയ വിളിച്ചുണര്‍ത്താന്‍ ചെന്നപ്പോള്‍ അബോധാവസ്ഥയില്‍ കിടന്നിരുന്നു. ഉടന്‍ തന്നെ കോട്ടയം കാരിത്താസ് ആശുപത്രിയില്‍ എത്തിക്കുകയായിരുന്നു. രക്തത്തിലെ പഞ്ചസാരയുടെ അളവ് ക്രമാതീതമായി താഴ്ന്നതുമൂലമുള്ള പ്രശ്‌നമായിരുന്നു.

      ആരോഗ്യ നിലയില്‍ വലിയ മാറ്റം വരാത്തതിനാല്‍ 20-ാം തീയതി എറണാകുളം രാജഗിരി ആശുപത്രിയില്‍ എത്തിച്ചു. ഇന്നലെ മസ്തിഷ്‌ക മരണം സ്ഥിരീകരിച്ചതോടെ നേവിസിന്റെ അച്ഛനും അമ്മയും സ്വമേധയാ അവയവദാനത്തിന് മുന്നോട്ട് വരികയായിരുന്നു. ഹൃദയം, കരള്‍, കൈകള്‍, രണ്ട് വൃക്കകള്‍, കണ്ണുകള്‍ എന്നിവയാണ് ദാനം ചെയ്തത്. കേരള സര്‍ക്കാരിന്റെ മരണാന്തര അവയവദാന പദ്ധതിയായ മൃതസഞ്ജീവനി (കെ.എന്‍.ഒ.എസ്.) വഴിയാണ് അവയവദാന പ്രക്രിയ നടത്തിയത്.

      ഏറെ വിഷമ ഘട്ടത്തിലും അവയവദാനത്തിന് മുന്നോട്ട് വന്ന അച്ഛന്‍ സാജന്‍ മാത്യുവിനേയും അമ്മ ഷെറിനേയും സഹോദരന്‍ എല്‍വിസിനേയും സര്‍ക്കാരിന്റെ എല്ലാ ആദരവും അറിയിക്കുന്നതായും ആരോഗ്യമന്ത്രി ഫേസ്ബുക്ക് പോസ്റ്റിൽ അറിയിച്ചു.
      Published by:Jayesh Krishnan
      First published:
      )}