COVID 19| തിരുവനന്തപുരത്ത് 3 പേർക്ക് രോഗം സ്ഥിരീകരിച്ചു; സംസ്ഥാനത്ത് രോഗബാധിതരുടെ എണ്ണം 22 ആയി

തിരുവനന്തപുരം: സംസ്ഥാനത്ത് കോവിഡ‍് 19 ബാധിതരുടെ എണ്ണം 22 ആയി. തിരുവനന്തപുരത്ത് 3 പേർക്ക് ഇന്ന് രോഗം സ്ഥിരീകരിച്ചതായി മുഖ്യമന്ത്രി അറിയിച്ചു. ഇന്നലെ സംശയം പ്രകടിപ്പിച്ച കേസിന് പുറമെ ഇന്ന് രണ്ട് കേസുകൾ കൂടി സ്ഥിരീകരിച്ചു. വർക്കലയിൽ റിസോർട്ടിൽ താമസിച്ച ഇറ്റലി സ്വദേശിക്കും യുകെയിൽ നിന്നെത്തിയ വെള്ളനാട് സ്വദേശിക്കുമാണ് രോഗം കണ്ടെത്തിയത്.

സംസ്ഥാനത്ത് 5486 പേർ നിരീക്ഷണത്തിലാണ്. ഇതിൽ 277 പേർ ആശുപത്രിയിലാണ് നിരീക്ഷണത്തിൽ. ഇന്ന് 69 പേരെ ആശുപത്രിയിൽ പ്രവേശിപ്പിച്ചു. പരിശോധനയ്ക്കയച്ച 1132 സാമ്പിളുകൾ നെഗറ്റീവാണ്.

BEST PERFORMING STORIES:സാനിട്ടൈസർ ക്ഷാമം പരിഹരിക്കാൻ സർക്കാർ ഇടപെടൽ; കെഎസ് ഡിപി ഹാൻഡ് സൈനിട്ടൈസർ നിർമാണം ആരംഭിച്ചു [PHOTO]കേരളത്തിൽ വീണ്ടും രണ്ട് പേർക്ക് കോവിഡ് 19 സ്ഥിരീകരിച്ചു; രണ്ടും തിരുവനന്തപുരത്ത് [NEWS]നിരീക്ഷണത്തില്‍ ഉണ്ടായിരുന്നയാള്‍ മരിച്ചത് കോവിഡ് മൂലമല്ല; അഭ്യൂഹങ്ങള്‍ പ്രചരിപ്പിച്ചാൽ നടപടിയെന്ന് കളക്ടര്‍ [NEWS]

സംസ്ഥാനത്ത് പ്രതിരോധ പ്രവർത്തനങ്ങൾ ഊർജിതമാക്കി. റിസോർട്ടുകളിലും, ഹോട്ടലുകളിലും ഉള്ള ആളുകൾക്ക് രോഗമുണ്ടോ എന്ന് പരിശോധിക്കും. കര്‍ണാടകയില്‍ മരണത്തെ തുടര്‍ന്ന് അവിടെയുള്ള മലയാളി വിദ്യാർത്ഥികൾ നാട്ടിലേക്ക് വരാന്‍ ശ്രമിക്കുന്നുണ്ട്‌. നിരവധി പേര്‍ പുറം നാടുകളിലുണ്ട്. വിദ്യാര്‍ഥികള്‍ മറ്റ് രാജ്യങ്ങളില്‍ പോലും പഠിക്കുന്നു. നമ്മുടെ നാടിന്റെ സവിശേഷതകൾ മനസിലാക്കണമെന്നും മുഖ്യമന്ത്രി പറഞ്ഞു.

മറ്റ് സംസ്ഥാനങ്ങളുമായി അതിർത്തി പങ്കിടുന്ന സ്ഥലങ്ങളിൽ പൊലീസ് പരിശോധന നടത്തും.

എല്ലാവരും ഒന്നിച്ച് നിന്നാൽ മഹാമാരിയെയും അതിജീവിക്കാൻ സാധിക്കും. നിയന്ത്രണങ്ങൾ ഭീതി പരത്താനാണെന്ന പ്രചരണം തെറ്റിദ്ധാരണ ഉണ്ടാക്കുന്നതാണെന്നും മുഖ്യമന്ത്രി