ജനാധിപത്യരീതിയിലുള്ള പ്രതിഷേധം:'അയ്യപ്പജ്യോതി'ക്ക് സിപിഐ പിന്തുണ

തിരുവനന്തപുരം : ആചാരസംരക്ഷണത്തിനായി ശബരിമല സമരസമിതി നടത്തുന്ന അയ്യപ്പജ്യോതി പരിപാടിക്ക് സിപിഐയുടെ പിന്തുണ. ജനാധിപത്യ രീതിയിലുള്ള പ്രതിഷേധമാണിതെന്നായിരുന്നു സിപിഐ സംസ്ഥാന സെക്രട്ടറി കാനം രാജേന്ദ്രന്‍റെ പ്രതികരണം.

അതേസമയം സ്ത്രീപ്രവേശന വിഷയത്തിൽ ദേവസ്വം ബോർഡിനെ പിന്തുണക്കുന്ന നിലപാടാണ് കാനം സ്വീകരിച്ചത്. ശബരിമലയിൽ സുപ്രീം കോടതി വിധി നടപ്പാക്കാൻ പറ്റിയ സാഹചര്യമില്ലെന്ന ദേവസ്വം ബോർഡ് നിലപാടിൽ അപാകതയില്ലെന്നാണ് അദ്ദേഹം അറിയിച്ചത്.

Also Read-'അയ്യപ്പ ജ്യോതി' ശക്തി പ്രകടനമാക്കാൻ ഹൈന്ദവസംഘടനകൾ

എല്ലാപ്രായത്തിലുമുള്ള സ്ത്രീകളെ പ്രവേശിപ്പിക്കുക എന്നത് സർക്കാരിന്റെ അജണ്ടയല്ല. എന്നാൽ സുപ്രീം കോടതി വിധി നടപ്പാക്കാൻ ഭരണഘടനാപരമായ ബാധ്യതയുണ്ട്. പക്ഷെ അത് നൂറു ശതമാനം വിജയിക്കണമെന്നില്ലെന്നും തിരുവനന്തപുരത്ത് മാധ്യമങ്ങളോട് സംസാരിക്കവെ കാനം വ്യക്തമാക്കി.