നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • kerala
    • »
    • 'ജനപ്രതിനിധികൾ വിനയാന്വിതരാകണം'; കൃഷ്ണകുമാറിന്റെ പ്രസംഗം പാർട്ടി നിലപാടല്ലെന്ന് സി.പി.എം ഏരിയാ കമ്മിറ്റി

    'ജനപ്രതിനിധികൾ വിനയാന്വിതരാകണം'; കൃഷ്ണകുമാറിന്റെ പ്രസംഗം പാർട്ടി നിലപാടല്ലെന്ന് സി.പി.എം ഏരിയാ കമ്മിറ്റി

    പാർടിയുടെ പ്രഖ്യാപിത നയങ്ങളെ ലംഘിക്കാനും ജനങ്ങളെ വെല്ലുവിളിക്കാനുമുള്ള നീക്കം അനുവദിക്കില്ല. ഇതിനെതിരെ കർശന നടപടി സ്വീകരിക്കുമെന്ന്‌ ഏരിയാ സെക്രട്ടറി

    കൃഷ്ണകുമാർ

    കൃഷ്ണകുമാർ

    • Share this:
      ആലപ്പുഴ: വോട്ട് ചെയ‌്തവരല്ലാതെ ഒരാളും തന്നെ സമീപിക്കരുതെന്ന വിവാദ പ്രസംഗം നടത്തിയ കൗൺസിലറെ തള്ളി സി.പി.എം. ഹരിപ്പാട് നഗരസഭ ഒമ്പതാം വാർഡ് കൗൺസിലറായി തെരഞ്ഞെടുക്കപ്പെട്ട എസ് ക‌ൃഷ്‌ണകുമാറിന്റെ പ്രസംഗമാണ് വിവാദമായത്. വിജയാഹ്ലാദ പ്രകടനത്തിനിടെ നടത്തിയതായി സമൂഹമാധ്യമങ്ങളിൽ പ്രചരിക്കുന്ന പ്രസംഗത്തിലെ പരാമർശങ്ങൾ പാർടി ഉയർത്തിപ്പിടിക്കുന്ന നയങ്ങൾക്ക്‌ വിരുദ്ധമാണെന്ന്‌ സിപിഐ എം ഹരിപ്പാട് ഏരിയ കമ്മിറ്റി വ്യക്തമാക്കി.

      ജനപ്രതിനിധികൾ വിനയാന്വിതരാകണമെന്നും ജനങ്ങളെ ഒന്നായി കണ്ട് വികസന– -ക്ഷേമ പ്രവർത്തനങ്ങൾ പക്ഷപാതരഹിതമായി നടപ്പാക്കണമെന്നുമാണ് പാർടിയുടെ കാഴ്‌ചപ്പാട്.

      തെരഞ്ഞെടുപ്പുവേളയിലും തുടർന്നും പൊതുപ്രവർത്തകരും ജനപ്രതിനിധികളും ജനങ്ങളുടെ ദാസന്മാരും നിസ്വാർഥ സേവകരുമാകണം. പാർടിയുടെ പ്രഖ്യാപിത നയങ്ങളെ ലംഘിക്കാനും ജനങ്ങളെ വെല്ലുവിളിക്കാനുമുള്ള നീക്കം അനുവദിക്കില്ല. ഇതിനെതിരെ കർശന നടപടി സ്വീകരിക്കുമെന്ന്‌ സെക്രട്ടറി എൻ സോമൻ വ്യക്തമാക്കി.

      Also Read ‘ഹരേ റാം എന്നല്ല ഹരേ കൃഷ്ണകുമാർ എന്ന് വിളിക്കണം; വോട്ട് ചെയ‌്തവരല്ലാതെ ഒരാളും എന്നെ സമീപിക്കരുത്': സിപിഎം നേതാവിന്റെ പ്രസംഗം വിവാദത്തിൽ

      . തനിക്ക് വോട്ട് ചെയ‌്തവരല്ലാതെ ഒരാളുപോലും വരുന്ന അഞ്ചുവർഷക്കാലം ഒരാവശ്യത്തിനും തന്നെ സമീപിക്കരുതെന്നാണ് ഇയാൾ പ്രസംഗത്തിൽ ആവശ്യപ്പെടുന്നത്. പ്രസംഗത്തിന്റെ വീഡിയോ സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്. ആഹ്ളാദ പ്രകടനത്തിന്റെ ഭാഗമായി നടത്തിയ പ്രസംഗത്തിലാണ് നേതാവ് പ്രദേശവാസികളെ വെല്ലുവിളിച്ചത്.

      വിവാദ പ്രസംഗം ഇങ്ങനെ;

      'ഇടതുപക്ഷമുന്നണിയുടെ സ്ഥാനാർത്ഥിയായി ഞാൻ ഇവിടെ മത്സരിക്കാൻ വരുമ്പോൾ ഈ പ്രദേശത്തെ ഓരോ വീട്ടുകാരും അവരുടെ പുരയിടത്തിൽ നിന്ന് ഒരു കാൽ ഈ റോഡിലേക്ക് വയ‌ക്കുമ്പോൾ,​ കൃഷ്‌ണകുമാറിന്റെ നെഞ്ചത്തല്ല കൃഷ്‌ണകുമാർ ഉണ്ടാക്കിയ റോഡിലേക്കാണ് കാൽ വയ്‌ക്കുന്നതെന്ന ചിന്ത ഉണ്ടാകുന്നത് നന്നായിരിക്കും. രണ്ടാമത് എനിക്ക് പറയാനുള്ളത് ഈ കമ്മ്യൂണിസ്‌റ്റുകാരൻ കൊണ്ടുവന്ന പൈപ്പുലൈനിലെ വെള്ളം കുടിക്കുമ്പോൾ,​ അത് നന്ദിയോടുതന്നെ കുടിക്കണം എന്നാണ്. ആ വെള്ളം തൊണ്ടയിൽ നിന്നിറങ്ങുമ്പോൾ ഹരേ റാം ഹരേ റാം എന്നുപറയുന്നതിനു പകരം ഹരേ കൃഷ്‌ണകുമാർ എന്ന് ഉച്ചരിക്കാൻ പഠിക്കണം. വരുന്ന അഞ്ചുവർഷം ഈ പ്രദേശത്തെ മുഴുവൻ പേരുടെയും കൗൺസിലർ ആയിരിക്കില്ല. കൃഷ്‌ണകുമാർ കൊണ്ടുവന്നതല്ലാതെ,​ ഒരു ഉടയതമ്പുരാനും ഒരു ചുക്കും ഇവിടെ കൊണ്ടുവന്നിട്ടില്ല എന്ന ഓർമ്മ ഓരോ നിമിഷവും ഉണ്ടായിരിക്കണം'.

      ബിജെപി സ്ഥാനാർത്ഥിയുടെ കൈയിൽ നിന്ന് കാശു വാങ്ങിയാണ് തന്നെ ചിലർ ഒറ്റുകൊടുത്തതെന്ന് കൃഷ്‌ണകുമാർ പരസ്യമായി ആരോപിച്ചു. അവർ ആരൊക്കെ എന്ന് തനിക്ക് വ്യക്തമായി അറിയാമെന്നും, താൻ കൗൺസിലർ ആയി പ്രവർത്തിക്കുന്ന അടുത്ത അഞ്ചുവർഷം ഒരാവശ്യത്തിനു വേണ്ടിയും ഇവർ സമീപിക്കരുതെന്ന മുന്നറിയിപ്പും സിപിഎമ്മിന്റെ ജനപ്രതിനിഥി പരസ്യമായി തന്നെ വിളിച്ചുപറയുന്നുണ്ട്. വോട്ട് ചെയ‌്ത 375 പേരുടെ മാത്രം കൗൺസിലർ ആയിരിക്കും താനെന്നും, അതല്ലാതെ ഒരാളും സമീപിക്കരതെന്നും വീണ്ടും ആവർത്തിച്ചാണ് ഇയാൾ പ്രസംഗം അവസാനിപ്പിച്ചത്.
      Published by:Aneesh Anirudhan
      First published:
      )}