• HOME
  • »
  • NEWS
  • »
  • kerala
  • »
  • COVID 19 | കൊറോണ ഭീതിയിൽ ആൾക്കൂട്ടം കാഴ്ചക്കാരായി; നടുറോഡില്‍ യുവാവ്‌ ചോര ഒലിപ്പിച്ച് കിടന്നത്‌ അരമണിക്കൂര്‍

COVID 19 | കൊറോണ ഭീതിയിൽ ആൾക്കൂട്ടം കാഴ്ചക്കാരായി; നടുറോഡില്‍ യുവാവ്‌ ചോര ഒലിപ്പിച്ച് കിടന്നത്‌ അരമണിക്കൂര്‍

ഒടുവിൽ രക്ഷകനായെത്തിയത് 23 കാരൻ

പ്രതീകാത്മക ചിത്രം

പ്രതീകാത്മക ചിത്രം

  • Share this:
    കൊച്ചി: സ്കൂട്ടർ അപകടത്തിൽ പരിക്കേറ്റ യുവാവ് നടുറോഡിൽ രക്തം വാർന്നുകിടന്നത് അരമണിക്കൂർ. കോവിഡ്‌ ഭീതിയെ തുടർന്ന് ആള്‍ക്കൂട്ടം കാഴ്‌ചക്കാരായി മാറി നിൽക്കുകയായിരുന്നു. തിരക്കേറിയ മുളന്തുരുത്തി-ചോറ്റാനിക്കര റോഡിലെ ബിവ്‌റേജസ്‌ ഔട്ട്‌ലെറ്റിന്‌ സമീപം കഴിഞ്ഞ ഞായറാഴ്‌ച വൈകിട്ട്‌ നാലിനാണു സംഭവം.

    അപകടത്തില്‍ പരിക്കേറ്റ്‌ റോഡില്‍ കിടന്ന കൈപ്പട്ടൂര്‍ സ്വദേശി മനോജി(40)നെ ആശുപത്രിയിലെത്തിക്കാന്‍ അവിടെക്കൂടിയവരാരും തയാറായില്ല. ഒടുവില്‍ രക്ഷകനായെത്തിയത് മുളന്തുരുത്തി കാരക്കാട്ടുകുന്നേല്‍ ഷിബിന്‍ ബാബുവാണ്. ഒരു ജീവന്‍ രക്ഷിച്ച ചാരിതാര്‍ഥ്യവുമായി യുവാവ് ഇന്നലെ ദോഹയിലേക്ക് മടങ്ങുകയും ചെയ്തു.

    കൊറോണ ഭീതിയോ തുടർന്ന് പരിക്കേറ്റ യുവാവിനെ സ്‌പര്‍ശിക്കാന്‍ ആളുകള്‍ മടിച്ചതാണു സഹായം നിഷേധിക്കപ്പെടാന്‍ കാരണമെന്നാണു സൂചന. ആള്‍ക്കൂട്ടം കണ്ടാണു ഷിബിന്‍ ബാബു അവിടെയെത്തിയത്‌. പരിക്കേറ്റയാള്‍ അബോധാവസ്‌ഥയിലാണെന്ന് മനസിലായതോടെ ഷിബിന്‍ സഹായമഭ്യര്‍ഥിച്ചെങ്കിലും ആരും തയാറായില്ല. കൈകാണിച്ചെങ്കിലും വാഹനങ്ങളൊന്നും നിര്‍ത്തിയില്ല. ഇതോടെ, പള്ളിത്താഴം കവലയില്‍നിന്ന്‌ ഓട്ടോറിക്ഷ വിളിച്ച്‌, മനോജിനെ മുളന്തുരുത്തിയിലെ സ്വകാര്യാശുപത്രിയില്‍ എത്തിച്ചു.

    You may also like:'COVID 19 | കൊറോണ വാക്സിൻ പരീക്ഷണാർത്ഥം ഉപയോഗിച്ച് അമേരിക്കൻ ഗവേഷകർ; ഫലത്തിനായി കാത്തിരിപ്പ് [PHOTOS]ഇന്നത്തെ നക്ഷത്രഫലം (17-03-2020) [VIDEO]മുൻ കാമുകനെ വീട്ടിൽ വിളിച്ചുവരുത്തി; മുളകുപൊടിയെറിഞ്ഞ് വെട്ടിവീഴ്ത്തി [PHOTOS]

    വിദഗ്‌ധചികിത്സയ്‌ക്കായി എറണാകുളം ജനറല്‍ ആശുപത്രിയിലേക്ക്‌ കൊണ്ടുപോയതും ഷിബിന്‍തന്നെ. മനോജിന്റെ ബന്ധുക്കള്‍ എത്തിയശേഷമാണു ഷിബിന്‍ മടങ്ങിയത്‌. ഇലക്‌ട്രീഷ്യനായി ജോലിയില്‍ പ്രവേശിക്കാന്‍ ഷിബിന്‍ ഇന്നലെ പുലര്‍ച്ചെ ദോഹയിലേക്കു പോയി. കഴിഞ്ഞമാസം 15ന്‌ റെയില്‍വേ ഗേറ്റിനു സമീപം അപകടത്തില്‍പ്പെട്ട കോട്ടയം സ്വദേശിയെ ഷിബിനും സുഹൃത്ത്‌ അക്ഷയും ചേർന്ന് രക്ഷിച്ചിരുന്നു.
    First published: