Cyclone Fani Live: ചുഴലിക്കാറ്റ് ഭീതിയകലുന്നു; കേരളത്തിൽ കനത്ത മഴയ്ക്ക് സാധ്യത; 8 ജില്ലകളിൽ യെല്ലോ അലെർട്ട്

ഫോനി ചുഴലിക്കാറ്റിന്‍റെ ആശങ്ക തെക്കേ ഇന്ത്യയില്‍ നിന്നും അകലുന്നതായ് സൂചന. ചുഴലിക്കാറ്റിന്‍റെ ദിശ തമിഴ്‌നാട് ആന്ധ്ര തീരത്തുനിന്ന് വടക്ക് കിഴക്കന്‍ ദിശയിലേക്ക് മാറുന്നതായി കാലാവസ്ഥ നിരീക്ഷണ കേന്ദ്രം അറിയിച്ചു. കേരളത്തില്‍ വരും ദിവസങ്ങളില്‍ ശക്തമായ കാറ്റിനും മഴയ്ക്കും സാധ്യത ഉള്ളതിനാല്‍ ദുരന്തനിവാരണ അതോറിറ്റിയുടെ ജാഗ്രത നിര്‍ദ്ദേശം തുടരും.

ബംഗാൾ ഉൾക്കടലിന്‍റെ തെക്കുഭാഗത്ത് രൂപപ്പെട്ട ഫോനി ചുഴലിക്കാറ്റ് 20 കിലോ മീറ്റർ വേഗതയിൽ വടക്ക് പടിഞ്ഞാറ് ദിശയിലാണ് സഞ്ചരിക്കുന്നത്. വരും മണിക്കൂറുകളിൽ കാറ്റിന് തീവ്രവവും അതിതീവ്രവുമായ ഗതി കൈവരും. ചൊവ്വാഴ്ചയോടെ തമിഴ്നാടിന്‍റെ വടക്കൻ തീരത്തും ആന്ധ്രയുടെ തെക്കൻ തീരത്തും ചുഴലിക്കാറ്റ് എത്തുമെന്നാണ് മുന്നറിയിപ്പ്. എന്നാൽ, ഇത് കരയിലേക്ക് വീശാൻ സാധ്യത കുറവാണ്. കടലിൽ 300 കിലോമീറ്റർ ഉള്ളിൽ നിന്ന് ചുഴലിക്കാറ്റ് ഗതി മാറി പോകാനാണ് സാധ്യതയെന്നും കേന്ദ്ര കാലാവസ്ഥാ നിരീക്ഷണ കേന്ദ്രം വ്യക്തമാക്കി