• HOME
  • »
  • NEWS
  • »
  • kerala
  • »
  • വീട്ടുമുറ്റത്ത് മനുഷ്യ കൈപ്പത്തി; മൃതദേഹം റെയിൽവേ ട്രാക്കിൽ

വീട്ടുമുറ്റത്ത് മനുഷ്യ കൈപ്പത്തി; മൃതദേഹം റെയിൽവേ ട്രാക്കിൽ

ട്രെയിൻ തട്ടി മരിച്ചയാളുടെ മുറിഞ്ഞ കൈപ്പത്തി നായ വീട്ടുമുറ്റത്ത് കൊണ്ടിടുകയായിരുന്നെന്നു പൊലീസ് പറഞ്ഞു

  • Last Updated :
  • Share this:
    കൊച്ചി: വീട്ടുമുറ്റത്ത് മനുഷ്യ കൈപ്പത്തി കണ്ടെത്തിയതിന് പിന്നാലെ നടത്തിയ അന്വേഷണത്തിൽ റെയിൽവേ ട്രാക്കിൽ മൃതദേഹം കണ്ടെടുത്തു. നെടുമ്പാശേരി അകപ്പറമ്പിൽ വീട്ടുമുറ്റത്താണ് മനുഷ്യ കൈപ്പത്തി കണ്ടെത്തിയത്. വീട്ടിൽ നിന്ന് ഏതാനും മീറ്റർ അകലെ റെയിൽവേ ട്രാക്കിൽ ട്രെയിനിടിച്ച നിലയിൽ മൃതദേഹം കണ്ടെത്തിയത്. വാപ്പാലശേരി സ്വദേശി അബുവിന്റെ മൃതദേഹമാണ് കണ്ടെത്തിയത്.

    അബുവിനെ കഴിഞ്ഞ ദിവസം മുതൽ കാണാതായിരുന്നു. അകപ്പറമ്പ് ആറു സെന്റ് കോളനി നിവാസി അശോകന്റെ വീട്ടുമുറ്റത്താണ് കൈപ്പത്തി കണ്ടെത്തിയത്. മുറിഞ്ഞ കൈപ്പത്തി നായ വീട്ടുമുറ്റത്ത് കൊണ്ടിടുകയായിരുന്നെന്നു പൊലീസ് പറഞ്ഞു.

    ഒരാഴ്ച മുമ്പ് സാമാനമായ മറ്റൊരു സംഭവത്തിൽ ട്രെയിൻ തട്ടി മരിച്ചയാളുടെ തല നായ കടിച്ചെടുത്ത് വീടിന് മുന്നിലിട്ടിരുന്നു. ഹരിപ്പാട് കാഞ്ഞൂർ അമ്പലത്തിന് സമീപത്ത് ട്രെയിൻ തട്ടി മരിച്ചയാളുടെ തലയാണ് നായ കടിച്ചെടുത്തുകൊണ്ടുവന്നത്. നായ തല കടിച്ചെടുത്ത് കൊണ്ടുപൊകുന്ന സിസിടിവി ദൃശ്യങ്ങൾ ലഭിച്ചത്.

    രാത്രി ട്രെയിൻ തട്ടി മരിച്ചയാളുടെ തലയാണ് തെരുവ് നായ്ക്കൾ കടിച്ചെടുത്ത് തൊട്ടടുത്തുള്ള വീടന് മുന്നിൽ കൊണ്ടിട്ടത്. മരിച്ചയാളുടെ ബാക്കി ശരീരഭാഗങ്ങൾ ട്രാക്കില്‍ നിന്ന് കണ്ടെത്തി. ഇലവന്‌കുളങ്ങര കിഴക്ക് റെയിൽവേ ലൈനിന് സമീപമാണ് മൃതദേഹം കണ്ടെത്തിയത്. ഹരിപ്പാട് കാഞ്ഞൂർ അമ്പലത്തിന് സമീപത്തുള്ള വീടിന് മുറ്റത്താണ് നായ തല കൊണ്ടിട്ടത്. സംഭവത്തിൽ പൊലീസ് അന്വേഷണം നടന്നുവരികയാണ്.

    ലഹരിക്ക് മാനസികാസ്വാസ്ഥ്യമുള്ളവര്‍ക്കുള്ള മരുന്ന്; കൊച്ചി സ്വദേശികളായ യുവതിയും യുവാവും പിടിയില്‍

    കൊച്ചി: മാനസികാസ്വാസ്ഥ്യമുള്ളവര്‍ക്ക് നല്‍കുന്ന മരുന്നുകളുമായി കൊച്ചിയില്‍ യുവതിയും യുവാവും പിടിയില്‍. ഡോക്ടറുടെ നിര്‍ദേശാനുസരണം രോഗികള്‍ക്ക് നല്‍കുന്ന മരുന്നുകളുമായാണ് യുവാക്കള്‍ പിടിയിലായത്. ഒന്നിച്ചു കഴിച്ചാല്‍ മണിക്കൂറുകളോളം ലഹരി ലഭിക്കുന്ന ഗുളികകളാണിവ.

    ഉദയംപേരൂര്‍ കൊച്ചു പറമ്പില്‍ കെഎസ് വിഷ്ണു(25), തിരുവാങ്കുളം കരിങ്ങാച്ചിറ പാലത്തിങ്കല്‍ സൂര്യപ്രഭ(18) എന്നിവരാണ് പിടിയിലായത്. കുത്തിയതോട് എക്‌സൈസ് ഉദ്യോഗസ്ഥരാണ് ഇവരെ പിടികൂടിയത്.

    Also Read- KSRTC സ്റ്റാഫ് 10000 രൂപയുടെ ഡീസലടിച്ചു; 'മിന്നല്‍' വഴിയിലാകാതെ രക്ഷപെട്ടു

    ഡോക്ടറുടെ വ്യാജ കുറിപ്പുകളുമായി അരൂര്‍ മേഖലയിലെ മെഡിക്കല്‍ സ്റ്റോറുകളില്‍ ഇവര്‍ എത്തിയിരുന്നു. തുടര്‍ന്ന് സംശയം തോന്നിയ മെഡിക്കല്‍ സ്റ്റോര്‍ ഉടമയാണ് എക്‌സൈസ് സംഘത്തെ വിവരം അറിയിച്ചത്. ദേശീയപാതയില്‍ തുറവൂര്‍ ജംഗ്ഷന് കിഴക്കുവശത്തു നിന്നാണ് ഇരുവരേയും പിടികൂടിയത്. ഇവര്‍ സഞ്ചരിച്ച ഇരുചക്ര വാഹനവും കസ്റ്റഡിയിലെടുത്തിട്ടുണ്ട്. ഇരുവരെയും കോടതിയില്‍ ഹാജരാക്കി റിമാന്‍ഡ് ചെയ്തു.

    കുത്തിയതോട് റേഞ്ച് എക്‌സൈസ് എസ്‌ഐ സി.എസ്.സുനില്‍കുമാറും സംഘവുമാണ് പ്രതികളെ പിടികൂടിയത്.
    Published by:Anuraj GR
    First published: