കേരളത്തിലെ കർഷകരെ ഇസ്രയേലിൽ കൊണ്ടുപോയി കൃഷിപഠിപ്പിക്കാൻ കൃഷിവകുപ്പ്

തിരുവനന്തപുരം: ഇസ്രയേലിൽ പോയി കൃഷിപഠിക്കാൻ കേരളത്തിലെ കർഷകർക്ക് അവസരമൊരുക്കുകയാണ് സംസ്ഥാന കൃഷിവകുപ്പ് . തിങ്കളാഴ്ച മുതൽ 29 വരെ അപേക്ഷിക്കാവുന്നതിൽ പരമാവധി 20 കർഷകർക്ക് മാത്രമാണ് അവസരം.
ഇസ്രയേൽ കൃഷിയിലെ സാങ്കേതികവിദ്യകൾ നേരിട്ടുകണ്ടു മനസ്സിലാക്കാനാണ് അവസരം.

താത്പര്യമുള്ള കർഷകർ കൃഷിവകുപ്പിന്റെ എയിംസ് പോർട്ടൽ ആയ https://www.aimsnew.kerala.gov.in/ മുഖേന അപേക്ഷിക്കാം. 10 വർഷത്തിനുമുകളിൽ കൃഷിപരിചയവും ഒരു ഏക്കറിന് മുകളിൽ കൃഷിയുമുള്ള, 50 വയസ്സിന് താഴെയുള്ള, നൂതന രീതികൾ പ്രയോഗിക്കാൻ താത്പര്യമുള്ള കർഷകരെ ആയിരിക്കും തിരഞ്ഞെടുക്കുക