ചിങ്ങമാസം മുതൽ തിരുവിതാംകൂർ ദേവസ്വം ക്ഷേത്രങ്ങളിൽ ഭക്തർക്ക് പ്രവേശനം; ഒരു സമയം 5 പേർക്ക് ദർശനം

10 വയസിന് താഴെയുള്ള കുട്ടികൾക്കും 65 വയസിന് മുകളിൽ ഉള്ളവർക്കും ദർശനം അനുവദിക്കില്ല

News18 Malayalam | news18-malayalam
Updated: August 11, 2020, 4:19 PM IST
ചിങ്ങമാസം മുതൽ തിരുവിതാംകൂർ ദേവസ്വം ക്ഷേത്രങ്ങളിൽ ഭക്തർക്ക് പ്രവേശനം; ഒരു സമയം 5 പേർക്ക് ദർശനം
Travancore Devaswom
  • Share this:
തിരുവനന്തപുരം: മലയാള മാസം ഒന്നുമുതൽ ശബരിമല ഒഴികെയുള്ള തിരുവിതാംകൂർ ദേവസ്വം ബോർഡിന് കീഴിലെ ക്ഷേത്രങ്ങളിൽ നിയന്ത്രണങ്ങളോടെ ഭക്തർക്ക് ദർശനം അനുവദിക്കാൻ തീരുമാനം. ഒരുസമയം 5 പേർക്ക് ദർശനം നടത്താം. 10 വയസിന് താഴെയുള്ള കുട്ടികൾക്കും 65 വയസിന് മുകളിൽ ഉള്ളവർക്കും ദർശനം അനുവദിക്കില്ല.

ദർശന സമയത്തിലും ക്രമീകരണങ്ങളുണ്ട്. നിർമ്മാല്യ സമയത്തും ദീപാരാധന സമയത്ത് ദർശനം അനുവദിക്കില്ല. തിരക്ക് ഒഴിവാക്കാനാണിത്. രാവിലെ 6 മുൻപ് ദർശനം അനുവദിക്കില്ല. വൈകിട്ട് 6:30 മുതൽ 7 വരെയും ഭക്തർക്ക് പ്രവേശനമില്ല. വഴിപാടുകൾ നടത്താമെങ്കിലും ശ്രീകോവിലിനുള്ളിൽ നിന്ന് പ്രസാദം ലഭിക്കയില്ല. ക്ഷേത്രത്തിന് പുറത്ത് പ്രസാദ കൗണ്ടർ ക്രമീകരിക്കും.

വരുമാനം മാത്രം കണക്കിലെടുത്തല്ല തീരുമാനമെന്ന് തിരുവിതാംകൂർ ദേവസ്വം ബോർഡ് പ്രസിഡൻറ് എൻ വാസു പറഞ്ഞു. ക്ഷേത്രങ്ങളുടെ ആധ്യാത്മിക അന്തരീക്ഷത്തിൽ വ്യതിയാനം വന്നിരിക്കുന്നു എന്ന തോന്നൽ ഭക്തർക്കിടയിലും ജീവനക്കാർക്കും ഉണ്ടായി തുടങ്ങിയെന്നും ബോർഡ് വിലയിരുത്തി. ക്ഷേത്രങ്ങളിലെ വഴിപാട് നിരക്കുകൾ വർധിക്കും. വഴിപാട് നിരക്കുകൾ സംബന്ധിച്ച് ശുപാർശ നൽകാൻ ഒരു സമിതിയെ നിശ്ചയിച്ചിട്ടുണ്ട്. റിപ്പോർട്ട് ലഭിക്കുന്ന മുറക്ക് ഇക്കാര്യത്തിൽ തീരുമാനമെടുക്കും.ക്ഷേത്രക്കുളത്തിൽ കുളിക്കുന്നതിനും അനുമതിയില്ല.
TRENDING രാജസ്ഥാനിലെ കൂട്ടമരണം; പൊലീസ് അതിക്രമങ്ങൾക്ക് നേരെ വിരൽ ചൂണ്ടി ആത്മഹത്യാ കുറിപ്പ് [NEWS]Shooting outside White House| ട്രംപിന്റെ വാർത്താസമ്മേളനത്തിനിടെ വൈറ്റ് ഹൗസിന് പുറത്ത് വെടിവയ്പ്പ് [NEWS] Sushant Singh Rajput Case| 'മാധ്യമ വിചാരണ അന്യായം' സുപ്രീം കോടതിയിൽ സത്യവാങ്ങ്മൂലം സമർപ്പിച്ച് റിയ ചക്രബർത്തി
[NEWS]

മാർച്ച് അവസാനത്തോടെ ക്ഷേത്രങ്ങൾ അടച്ചെങ്കിലും ഇടയ്ക്ക് ഒരാഴ്ചക്കാലം പൊതുജനങ്ങൾക്ക് പ്രവേശനം നൽകിയിരുന്നു. രോഗവ്യാപനം കൂടിയതോടെ ആണ് തീരുമാനം പിൻവലിച്ചത്. അഞ്ചുമാസമായി ഭക്തജനങ്ങൾക്ക് ദർശനത്തിന് നിയന്ത്രണം തുടരുകയാണ്. രണ്ടാഴ്ചക്ക് മുമ്പ് നാലമ്പലത്തിനു പുറത്ത് വരെ ഭക്തജനങ്ങൾക്ക് എത്തി ദർശനം നടത്താൻ അനുമതി നൽകിയിരുന്നു.

മണ്ഡല മകരവിളക്ക് കാലത്ത് എല്ലാവർക്കും പ്രവേശനം അനുവദിക്കാനാവില്ല.പരിമിതികൾക്കുള്ളിൽ നിന്ന് ശബരിമല ദർശനം അനുവദിക്കും. പമ്പയിൽ കുളി അനുവദിക്കാൻ കഴിയില്ലെന്നും ദേവസ്വം ബോർഡ് പ്രസിഡണ്ട് അറിയിച്ചു. നവംബറിലെ കൊവിഡ് സാഹചര്യം കണക്കിലെടുത്ത് നിയന്ത്രണങ്ങളിൽ അന്തിമ തീരുമാനമെടുക്കും.
Published by: user_49
First published: August 11, 2020, 4:18 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading