നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • kerala
    • »
    • Digital University | സംവരണ വിഭാഗങ്ങള്‍ക്കും ഭിന്നശേഷിക്കാര്‍ക്കും പി ജി കോഴ്‌സുകളിൽ സ്‌പോട്ട് അഡ്മിഷന് അപേക്ഷിക്കാം

    Digital University | സംവരണ വിഭാഗങ്ങള്‍ക്കും ഭിന്നശേഷിക്കാര്‍ക്കും പി ജി കോഴ്‌സുകളിൽ സ്‌പോട്ട് അഡ്മിഷന് അപേക്ഷിക്കാം

    സ്‌പോട്ട് അഡ്മിഷനുള്ള ഓണ്‍ലൈന്‍ പരീക്ഷ നവംബര്‍ 1 ന് നടക്കും. അപേക്ഷകള്‍ ഓണ്‍ലൈനായി സമര്‍പ്പിക്കേണ്ട അവസാന തീയതി ഒക്ടോബര്‍ 31

    • Share this:
      തിരുവനന്തപുരം: പട്ടികജാതി(sc) പട്ടികവര്‍ഗ്ഗ(ST) വിഭാഗങ്ങളില്‍ നിന്നുള്ളവര്‍ക്കും ഭിന്നശേഷിക്കാര്‍ക്കും(people with disability) ഡിജിറ്റല്‍ യൂണിവേഴ്‌സിറ്റിയുടെ(Digital University) ഫുള്‍ ടൈം പോസ്റ്റ് ഗ്രാജുവേറ്റ് കോഴ്‌സുകളിലേക്ക് നടത്തുന്ന സ്‌പോട്ട് അഡ്മിഷന് അപേക്ഷിക്കാം.

      ടെക്‌നോസിറ്റി ആസ്ഥാനമാക്കി പ്രവര്‍ത്തിക്കുന്ന ഡിജിറ്റല്‍ സര്‍വകലാശാലയുടെ എം ടെക് ഇന്‍ കമ്പ്യൂട്ടര്‍ സയന്‍സ് ആന്‍ഡ് എഞ്ചിനീയറിംഗ്, എം ടെക് ഇന്‍ ഇലക്ട്രോണിക്‌സ് എഞ്ചിനീയറിംഗ്, എം എസ് സി ഇന്‍ കമ്പ്യൂട്ടര്‍ സയന്‍സ്, എം എസ് സി ഇന്‍ എക്കോളജി (എക്കോളജിക്കല്‍ ഇന്‍ഫോര്‍മാറ്റിക്‌സ് ) എന്നീ കോഴ്‌സുകളിലേക്കാണ് സ്‌പോട്ട് അഡ്മിഷന്‍ നടക്കുന്നത്.

      കമ്പ്യൂട്ടര്‍ സയന്‍സില്‍ എം എസ് സി ചെയ്യുന്നവര്‍ക്ക് സൈബര്‍ സെക്യൂരിറ്റി, ഡാറ്റ അനലിറ്റിക്‌സ്, ജിയോസ്‌പേഷ്യല്‍ അനലിറ്റിക്‌സ്, മെഷീന്‍ ഇന്റലിജന്‍സ് എന്നീ വിഷയങ്ങളില്‍ സ്‌പെഷ്യലൈസ് ചെയ്യാം.

      സ്‌പോട്ട് അഡ്മിഷനുള്ള ഓണ്‍ലൈന്‍ പരീക്ഷ നവംബര്‍ 1 ന് നടക്കും. അപേക്ഷകള്‍ ഓണ്‍ലൈനായി സമര്‍പ്പിക്കേണ്ട അവസാന തീയതി ഒക്ടോബര്‍ 31. കൂടുതല്‍ വിവരങ്ങള്‍ക്ക് www.duk.ac.in/admission.



      കൊറിയയിൽ ഒരു മാസം ഒരുലക്ഷം രൂപ ശമ്പളത്തിൽ ഉളളികൃഷി ചെയ്യാൻ തള്ളിക്കയറി മലയാളികൾ

      പത്താം ക്ലാസ് പാസായവർക്ക് ഒരു ലക്ഷം രൂപ ശമ്പളത്തോടെ ദക്ഷിണകൊറിയയിൽ ജോലി എന്ന വാർത്ത കഴിഞ്ഞ ദിവസങ്ങളിൽ ഏറെ ചർച്ചയായിരുന്നു. റിക്രൂട്ട് ചെയ്യുന്നതിന് മുന്നോടിയായി നടത്തിയ സെമിനാറിൽ പങ്കെടുക്കാൻ ഉദ്യോഗാർഥികളുടെ തിരക്കായിരുന്നു. ഉള്ളി കൃഷി പദ്ധതിയിലേക്കാണ് സർക്കാരിന്‍റെ വിദേശ റിക്രൂട്ട്മെന്‍റ് ഏജൻസിയായ ഒഡെപെക് നിയമനം നടത്തുന്നത്. എന്നാൽ ജോലി പ്രതീക്ഷിച്ച് എത്തിയവർ സെമിനാറിൽ പങ്കെടുത്തതോടെ മുഖം വാടി. മാസത്തിൽ രണ്ടു ദിവസം മാത്രം അവധിയും കൊറിയയിലെ കൊടുംതണുപ്പിൽ ഒരു ദിവസം ഒമ്പത് മണിക്കൂർ ജോലി ചെയ്യണമെന്നുമുള്ള വ്യവസ്ഥയാണ് മിക്കവരെയും നിരാശരാക്കിയത്. മുപ്പതിലേറെ പേർ ഇത് കേട്ടതോടെ സ്ഥലം വിട്ടു. 1.12 ലക്ഷം രൂപയാണ് ശമ്പളം.

      വിവിധ ജില്ലകളിൽനിന്നായി എഴുന്നൂറോളം പേരാണ് തിരുവനന്തപുരത്ത് നടത്തിയ സെമിനാറിൽ പങ്കെടുക്കാൻ എത്തിയത്. ഇതിൽ 100 വനിതകളും ഉണ്ടായിരുന്നു. ഉദ്യോഗാർഥികൾ തള്ളിക്കയറിയതോടെ മൂന്നു ബാച്ചുകളിലായാണ് സെമിനാർ നടത്തിയത്. 100 ഒഴിവുകളിലേക്കാണ് കരാർ അടിസ്ഥാനത്തിൽ നിയമനം നടത്തുന്നത്. വിദേശ ജോലി ലഭിക്കാൻ സഹായം ലഭ്യമാക്കുന്ന സംസ്ഥാന സർക്കാർ ഏജൻസിയായ ഒഡെപെക് മുഖേനയാണു നിയമനം. ദക്ഷിണകൊറിയയിലേക്ക് ഇതാദ്യമായാണ് ഒഡെപെക് മുഖേന റിക്രൂട്ട്മെന്‍റ് നടത്തുന്നത്. കൊറിയൻ സർക്കാരിന്‍റെ ആഭിമുഖ്യത്തിലുള്ള കാർഷിക പദ്ധതിയുടെ ഭാഗമാകാനാണ് തൊഴിലാളികളെ തേടുന്നത്. പ്രധാനമായും സവാള കൃഷിയാണ് ചെയ്യുന്നത്. ആയിരം തൊഴിലാളികളെയാണ് ആവശ്യപ്പെട്ടതെങ്കിലും തുടക്കത്തിൽ 100 പേർക്കാണ് നിയമനം. കൊറിയൻ ചേംബർ ഓഫ് കൊമേഴ്സുമായി ചേർന്നാണു നിയമനം നടത്തുന്നതെന്ന് ഒഡെപെക് വ്യക്തമാക്കുന്നു.

      25 മുതൽ 40 വയസ് പ്രായമുള്ളവരെയാണ് ഈ ജോലിക്കായി പരിഗണിക്കുന്നത്. അപേക്ഷകർ പത്താം ക്ലാസ് പാസ് ആയിരിക്കണം. അടിസ്ഥാനപരമായി ഇംഗ്ലിഷ് ഭാഷ കൈകാര്യം ചെയ്യാൻ അറിഞ്ഞിരിക്കണം. രണ്ട് ഡോസ് കോവിഷീൽഡ് വാക്സീൻ എടുത്തിരിക്കണം. കാർഷിക വൃത്തിയിൽ മുൻ പരിയമുള്ളവർക്കു മുൻഗണന ഉണ്ടാകും.

      Also Read- South Korea Job | കൊറിയയിൽ ഒരു ലക്ഷം രൂപ ശമ്പളം കേട്ട് ഉള്ളിക്കൃഷിക്ക് വളമിടാൻ മലയാളികളുടെ തള്ളിക്കയറ്റം

      അടുത്ത സെമിനാർ നാളെ (ഒക്ടോബർ 29ന്) എറണാകുളം മുനിസിപ്പൽ ടൗൺ ഹാളിലും സെമിനാർ നടത്തും. തൊഴിൽദാതാവിനെകുറിച്ച് അപേക്ഷകരിൽ അവബോധം സൃഷ്ടിക്കുക എന്ന ലക്ഷ്യത്തോടെയാണ് ഒഡെപെക് സെമിനാർ നടത്തുന്നതെന്ന് മാനേജിങ് ഡയറക്ടർ കെ.എ.അനൂപ് പറഞ്ഞു. കൊറിയയിലെ ജീവിത രീതി, കൃഷി രീതികൾ, ജീവിതച്ചെലവ്, താമസ സൗകര്യം, കറൻസി, സംസ്കാരം, തൊഴിൽ സമയം, തൊഴിൽ നിയമങ്ങൾ തുടങ്ങിയ കാര്യങ്ങളെല്ലാം അപേക്ഷകർക്കു ബോധ്യപ്പെടുന്നതിനാണു സെമിനാറുകൾ സംഘടിപ്പിക്കുന്നത്. കൊറിയൻ സാഹചര്യങ്ങൾ ബോധ്യപ്പെട്ട ശേഷം അപേക്ഷിക്കുന്നവരിൽ നിന്നാണ് യോഗ്യരായ ആളുകളെ തെരഞ്ഞെടുക്കുന്നത്.
      Published by:Jayashankar AV
      First published:
      )}