• HOME
  • »
  • NEWS
  • »
  • kerala
  • »
  • DISTRIBUTION OF COVID VACCINE IN KOCHI CORPORATION STOPPED DUE TO SHORTAGE OF NEEDLES KM TV

കുത്തിവെയ്പ്പിന് സൂചിയില്ല; കൊച്ചി കോർപറേഷനിലെ വാക്സിൻ വിതരണം നിലച്ചു

സൂചി ഇല്ലെന്ന വിവരം കോർപ്പറേഷൻ അറിയിച്ചിരുന്നുന്നില്ലെന്ന് ആരോഗ്യവകുപ്പ് 

സൂചി ഇല്ലെന്ന വിവരം കോർപ്പറേഷൻ അറിയിച്ചിരുന്നുന്നില്ലെന്ന് ആരോഗ്യവകുപ്പ് 

സൂചി ഇല്ലെന്ന വിവരം കോർപ്പറേഷൻ അറിയിച്ചിരുന്നുന്നില്ലെന്ന് ആരോഗ്യവകുപ്പ് 

  • Share this:
കൊച്ചി: സൂചി ക്ഷാമത്തെ തുടര്‍ന്ന് കൊച്ചി കോര്‍പറേഷനിലെ കോവിഡ് വാക്‌സിന്‍ വിതരണം മുടങ്ങി. ആവശ്യത്തിന് സൂചി ഇല്ലെന്ന വിവരം കോര്‍പ്പറേഷന്‍ അധികൃതര്‍ ആരോഗ്യവകുപ്പിനെ അറിയിക്കാന്‍ വൈകിയതാണ് വീഴ്ച്ചക്ക് കാരണമെന്നാണ് ആരോപണം. എന്നാല്‍ ജില്ലയില്‍ വാക്‌സിന്‍ നല്‍കുന്നതിന് ആവശ്യത്തിന് സൂചി സ്റ്റോക്ക് ഉണ്ടെന്നാണ് ആരോഗ്യവകുപ്പ് നല്‍കിയ വിശദീകരണം.

വ്യാപാരികള്‍, ഓട്ടോ ഡ്രൈവര്‍മാര്‍ തുടങ്ങിയവര്‍ക്ക് വാക്‌സിന്‍ നല്‍കുന്നതിനായിരുന്നു കൊച്ചി കോര്‍പ്പറേഷന്‍ നേതൃത്വത്തില്‍ പ്രത്യേക വാക്‌സിന്‍ ഡ്രൈവ് സംഘടിപ്പിച്ചത്. ഇതനുസരിച്ച് നിരവധി ആളുകളെ വാക്‌സിന്‍ എടുക്കുന്നതിനായി തയ്യാറാക്കുകയും ചെയ്തിരുന്നു.

ഇതിനുപിന്നാലെയാണ് സൂചിയുടെ ലഭ്യതക്കുറവ് ഉണ്ടെന്ന് ചൂണ്ടിക്കാട്ടി മേയര്‍ എം.അനില്‍കുമാര്‍ കൗണ്‍സിലര്‍മാര്‍ക്ക് ഓഡിയോ സന്ദേശം അയച്ചത്. സൂചി ലഭ്യത കുറവ് ആരോഗ്യ വകുപ്പ് അധികൃതരെ അറിയിച്ചിരുന്നുവെന്നാണ് മേയര്‍ എം അനില്‍കുമാര്‍ നല്‍കുന്ന വിശദീകരണം. എന്നാല്‍ ആവശ്യത്തിന് സൂചി സ്റ്റോക്ക് ഉണ്ടെന്നും ലഭ്യത കുറവ് വിവരം ആരും അറിയിച്ചിരുന്നിലെന്നും ആരോഗ്യ വകുപ്പ് അധികൃതര്‍ വ്യക്തമാക്കി. സൂചിയുടെ ലഭ്യതകുറവ് വന്ന സാഹചര്യത്തില്‍ ഇനിമുതല്‍ വാക്‌സിന്‍ ഒപ്പം സൂചിയും നല്‍കുമെന്ന് വാക്സിന്റെ ചുമതലയുള്ള നോഡല്‍ ഓഫീസര്‍ ഡോ. ശിവദാസ് അറിയിച്ചു.

വാക്‌സിന്‍ വിതരണം മുടങ്ങാന്‍ കാരണം കോര്‍പ്പറേഷന്റെ വീഴ്ചയാണെന്നാണ് കോണ്‍ഗ്രസിന്റെ ആരോപണം. ഇതില്‍ പ്രതിഷേധിച്ച് കോര്‍പറേഷന്‍ ഓഫീസിലേക്ക് മാര്‍ച്ച് നടത്തി. ആരോഗ്യ വകുപ്പ് ഉദ്യോഗസ്ഥരുടെ ഭാഗത്തു നിന്നും വീഴ്ച പറ്റിയിട്ടുണ്ടോയെന്നു പരിശോധിക്കാനും തീരുമാനിച്ചിട്ടുണ്ട്. സ്‌പെഷ്യല്‍ വാക്സിന്‍ ഡ്രൈവ് മറ്റൊരു ദിവസം നടത്തുമെന്ന് മേയര്‍ എം.അനില്‍കുമാര്‍ അറിയിച്ചു.



Also read - സമ്പൂര്‍ണ ആദ്യ ഡോസ് വാക്‌സിനേഷന്‍ നേടിയ ആദ്യ ജില്ലയായി വയനാട്; ലക്ഷ്യമിട്ട മുഴുവന്‍ പേര്‍ക്കും വാക്‌സിന്‍ നല്‍കി; മന്ത്രി വീണാ ജോര്‍ജ്

തിരുവനന്തപുരം: വയനാട് ജില്ലയില്‍ 18 വയസിന് മുകളില്‍ പ്രായമുള്ളവരില്‍ ലക്ഷ്യം വച്ച മുഴുവന്‍ പേര്‍ക്കും ആദ്യ ഡോസ് വാക്സിന്‍ നല്‍കിയതായി ആരോഗ്യ വകുപ്പ് മന്ത്രി വീണാ ജോര്‍ജ് അറിയിച്ചു. വാക്സിനേഷന്‍ യജ്ഞത്തില്‍ ലക്ഷ്യം കൈവരിച്ച ആദ്യ ജില്ലയായി വയനാട് മാറി. കോവിഡ് പോസിറ്റീവായവര്‍, ക്വാറന്റൈനിലുള്ളവര്‍, വാക്സിന്‍ നിഷേധിച്ചവര്‍ എന്നിവരെ ഈ വിഭാഗത്തില്‍ നിന്നും ഒഴിവാക്കിയിട്ടുണ്ട്.

6,16,112 പേര്‍ക്കാണ് ആദ്യ ഡോസ് വാക്സിന്‍ നല്‍കിയത്. 2,13,311 പേര്‍ക്കാണ് രണ്ടാം ഡോസ് (31.67 ശതമാനം) വാക്സിന്‍ നല്‍കിയത്. കുറഞ്ഞ കാലയളവ് കൊണ്ട് ലക്ഷ്യം കൈവരിച്ച ജില്ലയിലെ എല്ലാ ആരോഗ്യ പ്രവര്‍ത്തകര്‍, ഉദ്യോഗസ്ഥര്‍, ജനപ്രതിനിധികള്‍, മറ്റ് സന്നദ്ധ പ്രവര്‍ത്തകര്‍ തുടങ്ങിയ എല്ലാവരേയും മന്ത്രി അഭിനന്ദിച്ചു.

വാക്സിനേഷനായി വലിയ പ്രവര്‍ത്തനമാണ് വയനാട് ജില്ല നടത്തുന്നത്. ഓരോ തദ്ദേശസ്വയംഭരണ പ്രദേശങ്ങളും തയ്യാറാക്കിയ വാക്സിനേഷന്‍ പ്ലാന്‍ അനുസരിച്ചാണ് വാക്സിനേഷന്‍ പ്രക്രിയ പുരോഗമിക്കുന്നത്. ദുഷ്‌കരമായ പ്രദേശങ്ങളില്‍ പോലും വാക്സിനേഷന്‍ ഉറപ്പാക്കാന്‍ 28 മൊബൈല്‍ ടീമുകളെയാണ് സജ്ജമാക്കിയിട്ടുണ്ട്.

ആദിവാസി ഊരുകള്‍ കേന്ദ്രീകരിച്ച് മൊബൈല്‍ ടീമുകള്‍ പ്രത്യേക ദൗത്യത്തിലൂടെയാണ് വാക്സിന്‍ നല്‍കിയത്. കിടപ്പ് രോഗികള്‍ക്ക് വീടുകളിലെത്തി വാക്സിനേഷന്‍ നല്‍കാനായും പ്രത്യേകം ശ്രദ്ധിച്ചു. 636 കിടപ്പ് രോഗികള്‍ക്ക് വീട്ടിലെത്തി വാക്സിന്‍ നല്‍കി. ജില്ലാ ഭരണകൂടം, തദ്ദേശ സ്വയംഭരണ സ്ഥാപനങ്ങള്‍, ട്രൈബല്‍ വകുപ്പ്, കുടുംബശ്രീ, ആശാ വര്‍ക്കര്‍മാര്‍ എന്നിവര്‍ ദൗത്യത്തിന്റെ ഭാഗമായി.
Published by:Karthika M
First published:
)}