മട്ടന്നൂരിലെ ദുരിത ബാധിതർക്ക് ഡിഎംകെയുടെ സഹായം; 140 ക്വിന്റൽ അരി നൽകി

കണ്ണൂർ: വ്യവസായ മന്ത്രി ഇ. പി ജയരാജന്റെ മണ്ഡലത്തിലേക്ക് സഹായവുമായി ഡിഎംകെ. മട്ടന്നൂർ മണ്ഡലത്തിലെ പ്രളയബാധിതർക്ക് തമിഴ്നാടിന്റെ സഹായമായി അരി എത്തിച്ചു. 140 ക്വിന്റൽ അരിയാണ് ഡിഎംകെ അയച്ചത്.

also read: ദുരിതാശ്വാസ ക്യാംപിൽ പണപ്പിരിവ്: സിപിഎം പ്രാദേശിക നേതാവിനെതിരെ ജാമ്യമില്ലാ വകുപ്പ് പ്രകാരം കേസ്

25 കിലോ വീതമുള്ള 560 ചാക്ക് അരി ലോറി മാർഗമാണ് തമിഴ്നാട്ടിൽ നിന്ന് വെള്ളിയാഴ്ച മട്ടന്നൂരിൽ എത്തിയതെന്ന് വ്യവസായ മന്ത്രി ഇ പി ജയരാജൻ അറിയിച്ചു.

മട്ടന്നൂർ മണ്ഡലത്തിലെ പ്രളയബാധിതർക്ക് തദ്ദേശ സ്ഥാപനങ്ങൾ വഴി ഈ അരി വിതരണം ചെയ്യുമെന്ന് മന്ത്രി പറഞ്ഞു. ഇതിനായി തദ്ദേശ സ്ഥാപനങ്ങൾക്ക് ശനിയാഴ്ച അരി കൈമാറുമെന്നും അദ്ദേഹം അറിയിച്ചു.