• HOME
  • »
  • NEWS
  • »
  • kerala
  • »
  • 'സാറല്ല, മന്ത്രിയപ്പൂപ്പന്‍'; ഫോണില്‍ വിളിച്ച കുഞ്ഞിനെ തിരുത്തി വിദ്യാഭ്യാസ മന്ത്രി വി.ശിന്‍കുട്ടി

'സാറല്ല, മന്ത്രിയപ്പൂപ്പന്‍'; ഫോണില്‍ വിളിച്ച കുഞ്ഞിനെ തിരുത്തി വിദ്യാഭ്യാസ മന്ത്രി വി.ശിന്‍കുട്ടി

കൂട്ടുകാരുമൊത്ത് കളിക്കാന്‍ ആകുന്നില്ലായെന്നും ടീച്ചര്‍മാരുമായി നേരില്‍ കാണാനാകുന്നില്ലെന്നുമുള്ളതായിരുന്നു കുഞ്ഞാവയുടെ പരിഭവം

  • Last Updated :
  • Share this:
    സ്‌കൂള്‍ തുറക്കാത്തതില്‍ പരിഭവമറിയിച്ച യു.കെ.ജി വിദ്യാര്‍ത്ഥിനിയായ തന്‍ഹ ഫാത്തിമയുടെ വീഡിയോ സമൂഹമാധ്യമങ്ങളില്‍ കഴിഞ്ഞ ദിവസം വൈറലായിരുന്നു. ഇതിന് പിന്നാലെയാണ് കുഞ്ഞാവ എന്ന് വിളിപ്പേരുള്ള തന്‍ഹാ ഫാത്തിമയെ തേടി വിദ്യാഭ്യാസ മന്ത്രിയുടെ വിളിയെത്തിയത്.

    കൂട്ടുകാരുമൊത്ത് കളിക്കാന്‍ ആകുന്നില്ലായെന്നും ടീച്ചര്‍മാരുമായി നേരില്‍ കാണാനാകുന്നില്ലെന്നുമുള്ളതായിരുന്നു കുഞ്ഞാവയുടെ പരിഭവം. വയനാട്ടില്‍ വരുമ്പോള്‍ നേരില്‍ കാണുവാന്‍ വരുമെന്നും നവംബര്‍ ഒന്നിന് സ്‌കൂള്‍ തുറക്കുമെന്നും മന്ത്രി കുഞ്ഞാവയെ അറിയിച്ചു.

    ഫേസ്ബുക്ക് പോസ്റ്റിന്റെ പൂര്‍ണ്ണരൂപം

    "ഇനി എനിക്ക് പറ്റൂല
    ഉമ്മാ, ഇനി എനിക്ക് ഒരിക്കലും പറ്റൂല.. "; വയനാട്ടിലെ യുകെജി വിദ്യാർത്ഥിനിയെ വീഡിയോ കോളിൽ വിളിച്ചു ; സ്കൂൾ വേഗം തുറക്കണം എന്നാണ് കുഞ്ഞാവയുടെ ആവശ്യം




    വീടിന്റെ നാല് ചുമരുകൾക്കുള്ളിൽ ഒതുങ്ങി വീർപ്പുമുട്ടി കരയുന്ന വയനാട്ടിലെ മരിയനാട് സ്കൂളിൽ യുകെജിയിൽ പഠിക്കുന്ന കുഞ്ഞാവ എന്ന തൻഹ ഫാത്തിമയുടെ വീഡിയോ വൈറൽ ആയിരുന്നു. അത് ഫേസ്ബുക്ക് പേജിൽ ഞാൻ പങ്കുവെച്ചിരുന്നു. കുഞ്ഞാവയെ കണ്ടെത്തി വീഡിയോ കോൾ ചെയ്തു.




    സ്കൂൾ ഉടൻ തുറക്കണം എന്നായിരുന്നു കുഞ്ഞാവയുടെ ആവശ്യം. നവംബർ ഒന്നിന് സ്കൂൾ തുറക്കുന്ന കാര്യം കുഞ്ഞാവയെ അറിയിച്ചു. കൂട്ടുകാരുമൊത്ത് കളിക്കാൻ ആകുന്നില്ല എന്നും ടീച്ചർമാരുമായി നേരിൽ കാണാനാകുന്നില്ലെന്നുമുള്ള പരിഭവം കുഞ്ഞാവ പങ്കുവച്ചു. തനിക്ക് സ്കൂൾ തന്നെ കാണാൻ പറ്റിയിട്ടില്ലെന്നും കുഞ്ഞാവ പറഞ്ഞു. എല്ലാത്തിനും വഴിയുണ്ടാക്കാം എന്ന് കുഞ്ഞാവയെ ആശ്വസിപ്പിച്ചു. വയനാട്ടിൽ വരുമ്പോൾ തന്നെ നേരിൽ കാണുവാൻ വരണമെന്ന കുഞ്ഞാവയുടെ ആവശ്യവും അംഗീകരിച്ചു.





    കുട്ടികളുടെ സഹജമായ ശീലമാണ് കളിചിരിയും കൂട്ടുചേരലും. എന്നാൽ കോവിഡ് പശ്ചാത്തലത്തിൽ ഇതിനുള്ള സാധ്യത പരിമിതപ്പെട്ടു. വീടുകളുടെ നാലുചുമരുകൾക്കുള്ളിൽ ഒതുങ്ങിക്കഴിയുന്ന സാഹചര്യത്തിൽ വലിയ മാനസിക സമ്മർദമാണ് കുട്ടികൾ അനുഭവിക്കുന്നത്.


    മാനസികോല്ലാസത്തോടെ പഠന പാതയിൽ കുട്ടികളെ നിലനിർത്താനുള്ള പദ്ധതികളാണ് വിദ്യാഭ്യാസ വകുപ്പ് ആവിഷ്കരിച്ച് നടപ്പാക്കുന്നത്.
    Published by:Karthika M
    First published: