വെടിയുണ്ടകളുടെ കണക്കെടുപ്പ് തിങ്കളാഴ്ച; എസ്എപി ക്യാമ്പിലെ മുഴുവൻ വെടിയുണ്ടകളും പരിശോധിക്കും

വ്യാജ കാർട്രിഡ്ജുകൾ തിരുകിക്കയറ്റിയ സംഭവത്തിൽ അറസ്റ്റിലായ എസ് ഐ റെജി ബാലചന്ദ്രനെ ഇന്ന് കസ്റ്റഡിയിൽ വാങ്ങും.

News18 Malayalam | news18-malayalam
Updated: February 28, 2020, 4:12 PM IST
വെടിയുണ്ടകളുടെ കണക്കെടുപ്പ് തിങ്കളാഴ്ച; എസ്എപി ക്യാമ്പിലെ മുഴുവൻ വെടിയുണ്ടകളും പരിശോധിക്കും
വെടിയുണ്ടകളുടെ കണക്കെടുപ്പ് തിങ്കളാഴ്ച;
  • Share this:
തിരുവനന്തപുരം: എസ് എ പി ക്യാമ്പിലുള്ള മുഴുവൻ വെടിയുണ്ടകളുടെയും കണക്കെടുക്കാൻ ക്രൈംബ്രാഞ്ച് തീരുമാനം. തിങ്കളാഴ്ച എ ഡി ജി പി ടോമിൻ ജെ തച്ചങ്കരിയുടെ നേതൃത്വത്തിലാണ് പരിശോധന. രാവിലെ 11ന് നടക്കുന്ന പരിശോധനയിൽ ഐ ജി ശ്രീജിത്ത് ഉൾപ്പെടെയുള്ള മുതിർന്ന ഉദ്യോഗസ്ഥരും പങ്കെടുക്കും.

1996-മുതൽ ചീഫ് സ്റ്റോറിൽ നിന്നും എസ് എ പി ക്യാമ്പിലേക്ക് അനുവദിച്ച വെടിയുണ്ടകളുടെ കണക്കുൾപ്പെടെ പരിശോധിക്കും. എ കെ 47-ൽ ഉപയോഗിക്കുന്ന 7.62 എംഎം ബുള്ളറ്റുകൾ, 9 എം എം ഡ്രിൽ കാർട്രിഡ്ജ്, സെൽഫ് ലോഡിംഗ് റൈഫിളിൽ ഉപയോഗിക്കുന്ന 7.62 എം എം ബുള്ളറ്റുകൾ ഉൾപ്പെടെ 12,061 എണ്ണം കാണാനില്ലെന്നായിരുന്നു സി എ ജി കണ്ടെത്തൽ.

ALSO READ: അഞ്ചു വയസ്സുള്ള മകളുടെ അമ്മയാണ് ഞാൻ; ദേവനന്ദയുടെ വേർപാടിൽ നൊന്ത് സുപ്രിയ മേനോൻ

അതേസമയം വ്യാജ കാർട്രിഡ്ജുകൾ തിരുകിക്കയറ്റിയ സംഭവത്തിൽ അറസ്റ്റിലായ എസ് ഐ റെജി ബാലചന്ദ്രനെ ഇന്ന് കസ്റ്റഡിയിൽ വാങ്ങും. വ്യാജ വെടിയുണ്ടകൾ എവിടെ നിന്ന് ലഭിച്ചെന്നത് കേന്ദ്രീകരിച്ചാണ് അന്വേഷണം. വ്യാജ വെടിയുണ്ടകൾ നിർമ്മിച്ചു നൽകുന്നവരുണ്ടോയെന്നും അന്വേഷിക്കുന്നുണ്ട്.

ചില  ഓൺലൈൻ വ്യാപാര സൈറ്റുകളിൽ ഡ്രിൽ കാർട്രിഡ്ജ് വാങ്ങാൻ ലഭിക്കുമെന്ന് കണ്ടെത്തിയിട്ടുണ്ട്. ഈ സാധ്യതയും പരിശോധിക്കുമെന്ന് അന്വേഷണ ഉദ്യോഗസ്ഥർ വ്യക്തമാക്കി. ഏഴ് ഇൻസ്പെക്ടർമാരുടെ കാലത്താണ് വെടിയുണ്ടകൾ കാണാതായത്.

ഇവരടക്കം ആ സമയത്ത് ചുമതലയുണ്ടായിരുന്ന മുതിർന്ന ഉദ്യോഗസ്ഥരുടെ മൊഴിയും രേഖപ്പെടുത്തും. കേസിൽ കൂടുതൽ അറസ്റ്റ് ഉടനുണ്ടാകും. പ്രതികളായ പൊലീസുകാരെ വീണ്ടും ചോദ്യം ചെയ്യാൻ വിളിപ്പിക്കും. വീഴ്ചയുണ്ടെന്ന് കണ്ടെത്തിയാൽ അറസ്റ്റ് നടപടികളിലേക്ക് കടക്കാനാണ് തീരുമാനം.
First published: February 28, 2020, 4:12 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading