പൊലീസുകാരിയെ തീവെച്ചു കൊന്ന കേസ്; അമ്മയ്ക്ക് അജാസിൽ നിന്ന് ഭീഷണി ഉണ്ടായിരുന്നതായി മകന്‍റെ മൊഴി

മാവേലിക്കര: പൊലീസുകാരിയെ തീ വെച്ചു കൊന്ന കേസിൽ നിർണായകമായി സൗമ്യയുടെ മകന്‍റെ മൊഴി. അമ്മയ്ക്ക് അജാസിൽ നിന്ന് ഭീഷണി ഉണ്ടായിരുന്നതായി മകൻ പൊലീസിന് മൊഴി നൽകി. അമ്മയ്ക്ക് എന്തെങ്കിലും സംഭവിച്ചാൽ അജാസാണ് കാരണമെന്ന് പറഞ്ഞിരുന്നു.

ഇക്കാര്യങ്ങൾ പൊലീസിനോട് പറയാൻ പറഞ്ഞിരുന്നുവെന്നും മകൻ മൊഴി നൽകി.

സൗമ്യക്ക് അജാസിൽ നിന്ന് ഏറെ നാളുകളായി ഭീഷണി ഉണ്ടായിരുന്നു. അജാസ് നിരന്തരം ഫോണിൽ ഭീഷണിപ്പെടുത്തിയിരുന്നുവെന്നും മകൻ പൊലീസിന് മൊഴി നൽകി.

മാവേലിക്കര കൊലപാതകം: ക്രൂരകൃത്യത്തിന് കാരണമായത് സൗഹൃദത്തിൽ ഉണ്ടായ വിള്ളലും പകയും

അതേസമയം, സൗമ്യയുടെ പോസ്റ്റുമോർട്ടം ഇന്ന് നടക്കും. സൗമ്യയെ ആക്രമിക്കുന്നതിനിടെ പൊള്ളലേറ്റ അജാസിന്‍റെ നില ഗുരുതരമായി തുടരുകയാണ്.