കിണറിന്റെ മതിലിൽ ഇരുന്ന് ഫുട്ബോൾ കളി കണുന്നതിനിടെ പന്ത് നേരെ വന്നപ്പോൾ പിന്നോട്ടാഞ്ഞ് കിണറ്റിൽ വീണ് ബാലൻ

തൊടുപുഴ: ഫുട്ബോൾ കളി കാണുന്നതിനിടെ കിണറ്റിൽ വീണ് ബാലൻ. ഇന്നലെ രാവിലെ 11 മണിയോടെയാണ് സംഭവം. ഇടവെട്ടി സ്വദേശിയായ പതിനാലുകാരനാണ് 35 അടിയോളം താഴ്ചയുള്ള കിണറ്റിൽ വീണത്. സുഹൃത്തുക്കളുടെ ഫുട്ബോൾ കളി കിണറിന്റെ മതിലിൽ ഇരുന്ന് കാണുന്നതിനിടെയാണ് കുട്ടി കിണറ്റിൽ വീണത്.

കൂട്ടുകാർ ഫുട്ബോൾ കളിക്കുന്നത് കണ്ട് കിണറിന്റെ മതിലിൽ ഇരുന്ന ബാലൻ പന്ത് നേരെ വന്നപ്പോൾ പിന്നോട്ട് ആഞ്ഞപ്പോൾ‌ കിണറ്റിലേക്ക് വീഴുകയായിരുന്നെന്നാണ് വിവരം. ഓടിയെത്തിയ നാട്ടുകാരിലൊരാൾ കയർ ഉപയോഗിച്ച് കിണറ്റിലിറങ്ങി കുട്ടിക്കു പിടിച്ചുനിൽക്കാൻ ചെറിയ ഏണിയിറക്കി നല്‍കി.

Also Read-അമ്മയുടെ മരണവിവരം അറിഞ്ഞ് കുടുംബ സമേതം നാട്ടില്‍ നിന്നും പുറപ്പെട്ട മകൻ ട്രെയിനില്‍ കുഴഞ്ഞു വീണ് മരിച്ചു

തുടർന്ന്, അഗ്നിരക്ഷാ സേന എത്തി വലയിലാക്കി കരയിലെത്തിച്ചു. വീഴ്ചയിൽ ചെറിയ പരുക്കേറ്റ കുട്ടിയെ ആശുപത്രിയില്‍ പ്രവേശിപ്പിച്ചു.