കോഴികൾ ചത്തത് ന്യുമോണിയ ബാധിച്ചെന്ന് ആദ്യ പോസ്റ്റ്മോർട്ടം റിപ്പോർട്ട്; പക്ഷിപ്പനി പടരാൻ കാരണം മൃഗസംരക്ഷണ വകുപ്പിന്റെ ജാഗ്രതക്കുറവ്

കോഴിക്കോട് : കൊടിയത്തൂരില്‍ പക്ഷിപ്പനി ബാധിച്ച് കോഴികൾ ചത്ത സംഭവത്തിൽ മൃഗസംരക്ഷണ വകുപ്പിലെ ജാഗ്രത കുറവിന്റെ തെളിവുകൾ പുറത്ത്. കോഴികൾ ചത്തത് ന്യുമോണിയ ബാധിച്ചെന്നായിരുന്നു പോസ്റ്റ്മോർട്ടം റിപ്പോർട്ട്.

കോഴികളെ പോസ്റ്റ്മോർട്ടം ചെയ്ത പൂക്കോട് വെറ്ററിനറി കോളജിലെ സർജന്റെ വീഴ്ച്ചയാണ് പക്ഷിപ്പനി പടരാൻ കാരണമായതെന്നാണ് വിവരം. മാർച്ച് രണ്ടിലെ പോസ്റ്റ്മോർട്ടം റിപ്പോർട്ടിലാണ് ന്യുമോണിയ ബാധിച്ചാണ് കോഴികൾ ചത്തതെന്ന് പറയുന്നത്.
BEST PERFORMING STORIES:സ്വാമി സന്ദീപാനന്ദ ഗിരിയുടെ ആശ്രമത്തിലെ തീവെപ്പ്: ആരെയും പ്രതി ചേർത്തിട്ടില്ലെന്ന് മുഖ്യമന്ത്രി [NEWS]COVID 19 | കോവിഡ് 19, പക്ഷിപ്പനി; ഓൺലൈൻ വഴിയുള്ള ഭക്ഷണ വിതരണത്തിലും വൻ കുറവ് [PHOTO] കൊറോണ: ഊതിക്കരുത്, ബ്രെത് അനലൈസർ ടെസ്റ്റിൽ നിന്നും ഒഴിവാക്കണമെന്ന് എയർ ഇന്ത്യ പൈലറ്റുമാർ [NEWS]

വീണ്ടും കോഴികൾ കൂട്ടത്തോടെ ചാവാൻ തുടങ്ങിയപ്പോൾ പാലക്കാടുള്ള മറ്റൊരു ലാബിൽ പരിശോധന നടത്തിയെങ്കിലും മരണകാരണം വ്യക്തമായില്ല. ചത്ത കോഴിയെ ജില്ലാ മൃഗസംരക്ഷണ വകുപ്പ് ഓഫീസില്‍ എത്തിച്ചു ചീഫ് വെറ്ററിനറി ഓഫീസര്‍ സാമ്പിളെടുത്ത് പരിശോധനയ്ക്ക് അയച്ചതിന് ശേഷമാണ് പക്ഷിപ്പനി സ്ഥിരീകരണമുണ്ടായത്.

തുടക്കത്തില്‍ മൃഗസംരക്ഷണ വകുപ്പ് ജാഗ്രതപുലര്‍ത്തിയിരുന്നെങ്കില്‍ പക്ഷിപ്പനി കൂടുതല്‍ മേഖലയിലേക്ക് വ്യാപിക്കില്ലായിരുന്നുവെന്ന തെളിവാണ് പുറത്ത് വന്നിരിക്കുന്നത്. വെസ്റ്റ് കൊടിയത്തൂരിൽ ആദ്യമായി പക്ഷിപ്പനി സ്ഥിരീകരിച്ചത് ഷറീനയുടെ പൗൾട്രി ഫാമിലാണ്. പിന്നീടിത് മറ്റിടങ്ങളിലേക്ക് പടരുകയായിരുന്നു.