നമ്പി നാരായണനെതിരായ പരാമർശം: സെൻകുമാറിനെതിരെ കേസെടുത്തേക്കും

തിരുവനന്തപുരം: ഐഎസ്ആര്‍ഒ മുൻ ശാസ്ത്രജ്ഞൻ നമ്പി നാരായണനെതിരെ മുൻ ഡിജിപി ടി പി സെൻകുമാർ നടത്തിയ പരാമർശങ്ങളുടെ പേരിൽ കെസടുക്കാൻ സാധ്യത. സെൻകുമാറിന്റെ പരാമർശത്തിൽ കേസെടുക്കാനാകുമോയെന്ന് പൊലീസ് പരിശോധിക്കുകയാണ്. സെൻകുമാറിനെതിരെ ഡിജിപി ലോക്നാഥ് ബെഹ്റക്ക് ലഭിച്ച പരാതിയിൽ നിയമോപദേശം തേടി.

• 'ഗോവിന്ദച്ചാമിക്കും അമീറുള്‍ ഇസ്ലാമിനും മറിയം റഷീദക്കും പത്മ പുരസ്‌കാരം നല്‍കുമോ?'

നമ്പി നാരായണന് പത്മപുരസ്‌കാരം നല്‍കിയവര്‍
ഗോവിന്ദച്ചാമിക്കും അമീറുള്‍ ഇസ്ലാമിനും മറിയം റഷീദക്കും പുരസ്‌കാരം നല്‍കുമോയെന്നാിയരുന്നു സെന്‍ കുമാര്‍ ചോദിച്ചത്.
ഐ.എസ്.ആര്‍.ഒ ചാരക്കേസുമായി ബന്ധപ്പെട്ട നടന്ന കാര്യങ്ങള്‍ സുപ്രീകോടതി നിയോഗിച്ച സമിതി പരിശോധിച്ചു കൊണ്ടിരിക്കെ എങ്ങനെയാണ് പുരസ്‌കാരത്തിന് പരിഗണിച്ചതെന്നും അമൃതില്‍ വിഷം വീണ പോലെയാണ് നമ്പി നാരായണന് പുരസ്‌കാരം നല്‍കിയതെന്നും സെൻകുമാർ ആരോപിച്ചിരുന്നു.

• സെൻകുമാറിന്റെ ആരോപണങ്ങൾ അപക്വം, ആരുടെ ഏജന്റായാണ് സംസാരിക്കുന്നതെന്ന് അറിയില്ല: നമ്പി നാരായണൻ

എന്നാൽ തന്നെക്കുറിച്ച് സെൻകുമാർ പറഞ്ഞതെല്ലാം അബദ്ധമാണെന്നും ആരുടെ ഏജന്റായാണ് സെൻകുമാർ സംസാരിക്കുന്നതെന്ന് അറിയില്ലെന്നുമായിരുന്നു നമ്പി നാരായണൻ ഇതിനോട് പ്രതികരിച്ചത്. സെൻകുമാർ‌ പറയുന്നതുപോലെ ചാരക്കേസ് വീണ്ടും അന്വേഷിക്കുകയല്ല സുപ്രീംകോടതി നിയോഗിച്ച കമ്മിറ്റി ചെയ്യുന്നത്. ചാരക്കേസിൽ തന്നെ കുടുക്കിയ ഉന്നത ഉദ്യോഗസ്ഥരുടെ ലക്ഷ്യമെന്തെന്നാണ് സമിതി പരിശോധിക്കുന്നതെന്നും അദ്ദേഹം പറഞ്ഞു. സെൻകുമാറിന്റെ പരാമർശം കോടതിയലക്ഷ്യമാണെന്നും നമ്പി നാരായണൻ പറഞ്ഞു.