• HOME
  • »
  • NEWS
  • »
  • kerala
  • »
  • മുന്‍ ആരോഗ്യ - ടൂറിസം വകുപ്പ് മന്ത്രി ആർ സുന്ദരേശന്‍നായര്‍ അന്തരിച്ചു

മുന്‍ ആരോഗ്യ - ടൂറിസം വകുപ്പ് മന്ത്രി ആർ സുന്ദരേശന്‍നായര്‍ അന്തരിച്ചു

നെയ്യാറ്റിന്‍കര മണ്ഡലത്തിൽ നിന്ന് അഞ്ചും ആറും കേരള നിയമസഭകളിലേക്ക് തെരഞ്ഞെടുക്കപ്പെട്ടിരുന്നു.

  • Last Updated :
  • Share this:
    തിരുവനന്തപുരം: മുന്‍ ആരോഗ്യ - ടൂറിസം വകുപ്പ് മന്ത്രി
    ആർ സുന്ദരേശന്‍നായര്‍(82 )അന്തരിച്ചു . തിരുവനന്തപുരത്തെ വസതിയിലായിരുന്നു അന്ത്യം. 1981ലെ കരുണാകരന്‍ മന്ത്രിസഭയില്‍ എൻഡിപിയുടെ പ്രതിനിധിയായിരുന്നു . എന്‍ഡിപിയുടെ സ്ഥാനാര്‍ത്ഥിയായി നെയ്യാറ്റിന്‍കര മണ്ഡലത്തിൽ നിന്ന് അഞ്ചും ആറും കേരള നിയമസഭകളിലേക്ക് തെരഞ്ഞെടുക്കപ്പെട്ടിരുന്നു.

    എന്‍എസ്എസിന്റെ രാഷ്ട്രീയ പാര്‍ട്ടിയായ എന്‍ഡിപിയുടെ ജനറല്‍ സെക്രട്ടറി , എന്‍എസ്എസ് നെയ്യാറ്റിൻകര താലൂക്ക് യൂണിയൻ പ്രസിഡൻ്റ് , കേരള പബ്ലിക് സർവ്വീസ് കമ്മീഷൻ അംഗം , കേരള യൂണിവേഴ്‌സിറ്റി സെനറ്റ് അംഗം നെയ്യാറ്റിൻകര ജില്ലാ രൂപീകരണ സമിതി ചെയർമാനായും പ്രവര്‍ത്തിച്ചിട്ടുണ്ട് .

    ബിരുദാനന്തര ബിരുദധാരിയായ സുന്ദരേശന്‍ നായര്‍ തിരുവനന്തപുരത്തെ പ്രശസ്തമായ സമാന്തര വിദ്യാഭ്യാസ സ്ഥാപനമായ വിക്ടറി കോളേജിന്റെ ഉടമയും അധ്യാപകനുമായിരുന്നു.

    ഭാര്യ അഡിഷണല്‍ സെക്രട്ടറിയായി വിരമിച്ച ബി.ലീലാകുമാരി. മക്കള്‍: പ്രീത എസ് നായര്‍ (LIC), പ്രതിഭ എസ് നായര്‍ (MG കോളേജ് ), പ്രതീക് എസ് നായര്‍ (ഹോങ്കോങ്) മരുമക്കള്‍: അഡ്വ. എസ്. സുദീപ്, ഗോപകുമാര്‍.പി , നിഷ. ജി. ആര്‍
    Published by:Jayesh Krishnan
    First published: