HOME » NEWS » Kerala » FORMER MP A SAMPATH APPOINTED AS PRIVATE SECRETARY OF MINISTER K RADHAKRISHNAN

മുൻ എംപി എ. സമ്പത്ത് മന്ത്രി കെ. രാധാകൃഷ്ണന്റെ പ്രൈവറ്റ് സെക്രട്ടറിയായി

ഒന്നാം പിണറായി സർക്കാരിന്റെ കാലത്ത് ഡൽഹിയിൽ കേരളത്തിന്റെ പ്രത്യേക പ്രതിനിധിയായിരുന്നു സമ്പത്ത്.

News18 Malayalam | news18-malayalam
Updated: July 16, 2021, 9:05 PM IST
മുൻ എംപി എ. സമ്പത്ത് മന്ത്രി കെ. രാധാകൃഷ്ണന്റെ പ്രൈവറ്റ് സെക്രട്ടറിയായി
എ സമ്പത്ത്
  • Share this:
തിരുവനന്തപുരം: മന്ത്രി കെ.രാധാകൃഷ്ണന്റെ പ്രൈവറ്റ് സെക്രട്ടറിയായി മുൻ എംപിയും ഡൽഹിയിൽ കേരളത്തിന്റെ പ്രതിനിധിയുമായിരുന്ന എ. സമ്പത്തിനെ നിയമിച്ചു. സിപിഎം സംസ്ഥാന സെക്രട്ടേറിയറ്റ് യോഗത്തിലാണ് തീരുമാനം. ഒന്നാം പിണറായി സർക്കാരിന്റെ കാലത്ത് ഡൽഹിയിൽ കേരളത്തിന്റെ പ്രത്യേക പ്രതിനിധിയായിരുന്നു സമ്പത്ത്.

ആറ്റിങ്ങല്‍ എംപിയായിരുന്ന സമ്പത്ത് കഴിഞ്ഞ ലോക്സഭാ തെരഞ്ഞെടുപ്പില്‍ 38,247 വോട്ടിന് യുഡിഎഫിന്റെ അടൂര്‍ പ്രകാശിനോട് പരാജയപ്പെട്ടിരുന്നു. ഇതിനുശേഷമാണ് പ്രത്യേക പ്രതിനിധിയായി കാബിനറ്റ് റാങ്കോടെ ഡൽഹി കേരള ഹൗസിൽ നിയമിച്ചത്. കേന്ദ്രസർക്കാരിന്റെ പദ്ധതികളും സഹായങ്ങളും വേഗത്തിൽ നേടിയെടുക്കാനുള്ള പ്രവർത്തനങ്ങൾ ഏകോപിപ്പിക്കാനാണ് ചുമതല എന്നതായിരുന്നു പാർട്ടി വിശദീകരണം. എന്നാൽ തിരുമാനം വലിയ വിവാദങ്ങൾക്ക് വഴിവെച്ചിരുന്നു.

Also Read- ബക്രീദ്: സംസ്ഥാനത്ത് ഞായറാഴ്ച മുതൽ മൂന്ന് ദിവസം ലോക്ഡൗണിൽ ഇളവ്

പ്രളയകാലത്ത് നടത്തിയ നിയമനത്തിനെതിരെ പ്രതിപക്ഷവും രംഗത്തെത്തിയിരുന്നു. ഇതിനിടയിൽ കോവിഡ് വ്യാപന സമയത്ത് ഡൽഹിയിൽ മലയാളികളെ സഹായിക്കുന്നതിന് പകരം കേരളത്തിൽ തുടർന്ന സമ്പത്തിനെതിരെ പ്രതിപക്ഷം വിമർശനം ഉന്നയിച്ചിരുന്നു. അതിനിടെ നിയമസഭ തെരഞ്ഞെടുപ്പിന് തൊട്ട് മുൻപ് അദ്ദേഹം പദവി രാജിവെച്ചു. ഇതോടെ സമ്പത്ത് നിയമസഭ തെരഞ്ഞെടുപ്പിൽ മത്സരിച്ചേക്കുമെന്നുള്ള അഭ്യൂഹങ്ങൾ ഉണ്ടായിരുന്നു. എന്നാൽ തെരഞ്ഞെടുപ്പ് ചുമതലയെ തുടര്‍ന്നാണ് രാജിവെച്ചതെന്നായിരുന്നു സമ്പത്ത് പ്രതികരിച്ചത്.

ലെ​യ്​​സ​ൺ ഓ​ഫീ​സ​ർ എ​ന്ന നി​ല​യി​ൽ സമ്പത്ത് കൈ​പ്പ​റ്റി​യ​ത്​ 22,74,346

ഡ​ൽ​ഹി​യി​ലെ കേ​ര​ള​ത്തി​ന്റെ ലെ​യ്​​സ​ൺ ഓ​ഫീ​സ​ർ എ​ന്ന നി​ല​യി​ൽ സമ്പത്ത് കൈ​പ്പ​റ്റി​യ​ത്​ 22,74,346 രൂ​പ​യെ​ന്ന്​ വി​വ​രാ​വ​കാ​ശ രേ​ഖ പുറത്തുവന്നിരുന്നു. ശ​മ്പ​ളം, യാ​ത്ര​ബ​ത്ത, മെ​ഡി​ക്ക​ൽ ആ​നു​കൂ​ല്യം എ​ന്നി​ങ്ങ​നെ 2019 ആ​ഗ​സ്​​റ്റ്​ മൂ​ന്നു​മു​ത​ൽ 2021 മാ​ർ​ച്ച്​ ഒ​ന്നു​വ​രെ 19 മാ​സ​ത്തി​നിടെയാ​ണ്​ ഇ​ത്ര​യും രൂ​പ കൈ​പ്പ​റ്റി​യ​തെ​ന്ന്​ കൊ​ച്ചി​യി​ലെ പ്രോ​പ്പ​ർ ചാ​ന​ൽ വി​വ​രാ​വ​കാ​ശ നി​യ​മ​പ്ര​കാ​രം ന​ൽ​കി​യ അ​പേ​ക്ഷ​ക്കു​ള്ള മ​റു​പ​ടി​യി​ൽ​ ഡ​ൽ​ഹി​യി​ലെ കേ​ര​ള ഹൗ​സ്​ റെ​സി​ഡ​ൻ​റ്​ ക​മ്മീഷണ​റു​ടെ കാ​ര്യാ​ല​യം വ്യ​ക്ത​മാ​ക്കി.

Also Read- മുഖ്യമന്ത്രിയെ കണ്ടപ്പോൾ മലക്കം മറിഞ്ഞ് വ്യാപാരികൾ

ശ​മ്പ​ള ഇ​ന​ത്തി​ൽ 14,88,244 രൂ​പ, യാ​ത്ര​ബ​ത്ത 8,51,952 രൂ​പ, മെ​ഡി​ക്ക​ൽ ആ​നു​കൂ​ല്യം 4150 രൂ​പ എ​ന്നി​ങ്ങ​നെ​യാ​ണ്​ കൈ​പ്പ​റ്റി​യ​ത്. ഈ ​കാ​ല​യ​ള​വി​ൽ ശ​രാ​ശ​രി മാ​സ​ശ​മ്പ​ളം 1,19,000 രൂ​പ കൈ​പ്പ​റ്റി​യ​താ​യി ക​ണ​ക്കാ​ക്കാ​മെ​ന്നും പ്രോ​പ്പ​ർ ചാ​ന​ൽ പ്ര​സി​ഡ​ൻ​റ്​ എം കെ ഹ​രി​ദാ​സ്​ ചൂ​ണ്ടി​ക്കാ​ട്ടി. ലെ​യ്​​സ​ൺ ഓഫീസ​ർ എ​ന്ന നി​ല​യി​ൽ സ​മ്പ​ത്ത്​ കോ​ടി​ക​ൾ ആ​നു​കൂ​ല്യ​മാ​യി കൈ​പ്പ​റ്റി​യെ​ന്ന ആ​രോ​പ​ണ​മാ​ണ്​ ഇതോടെ പൊളിഞ്ഞതെന്നും അദ്ദേഹം പറഞ്ഞു.
Published by: Rajesh V
First published: July 16, 2021, 9:05 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories