HOME » NEWS » Kerala » FROM SUNDAY MILMA WILL STORE MILK

ക്ഷീരകർഷകർക്ക് ആശ്വാസം; ഞായറാഴ്ച മുതൽ മിൽമ മുഴുവൻ പാലും സംഭരിക്കും

മിൽമയുടെ തിരുവനന്തപുരം, എറണാകുളം മേഖല യൂണിയനുകൾ മലബാറിൽ നിന്ന് പാൽ സ്വീകരിക്കാമെന്ന് അറിയിച്ചിട്ടുണ്ട്.

News18 Malayalam | news18
Updated: May 22, 2021, 3:50 PM IST
ക്ഷീരകർഷകർക്ക് ആശ്വാസം; ഞായറാഴ്ച മുതൽ മിൽമ മുഴുവൻ പാലും സംഭരിക്കും
പ്രതീകാത്മകചിത്രം
  • News18
  • Last Updated: May 22, 2021, 3:50 PM IST
  • Share this:
കോഴിക്കോട്: ക്ഷീര കർഷകരുടെ ദുരിതത്തിന് പരിഹാരം. ഞായറാഴ്ച മുതൽ മലബാറിലെ ക്ഷീരസംഘങ്ങളിൽ നിന്ന് മുഴുവൻ പാലും മിൽമ സംഭരിക്കും. മുഖ്യമന്ത്രി പിണറായി വിജയൻ, ക്ഷീര വികസന - മൃഗ സംരക്ഷണ വകുപ്പു മന്ത്രി ജെ ചിഞ്ചുറാണി എന്നിവരുമായി മിൽമ മലബാർ മേഖല യൂണിയൻ ചെയർമാൻ കെ എസ് മണി നടത്തിയ ചർച്ചയുടെ വെളിച്ചത്തിലാണ് മുഴുവൻ പാലും സംഭരിക്കാനുള്ള തീരുമാനം.

ത്രിതല പഞ്ചായത്തുകൾ, ട്രൈബൽ കമ്യൂണിറ്റി, അതിഥി തൊഴിലാളി ക്യാമ്പുകൾ, വൃദ്ധസദനങ്ങൾ, കോവിഡ് ആശുപത്രികൾ, അംഗൻവാടികൾ എന്നിവിടങ്ങളിലൂടെ പാൽ വിതരണം നടത്താനുള്ള നടപടികൾ സർക്കാർ തലത്തിൽ ഉണ്ടാവും. സംസ്ഥാനത്ത് ട്രിപ്പിൾ ലോക്ക്ഡൗൺ തുടരുന്ന മലപ്പുറം ജില്ലയൊഴിച്ച് മറ്റു ജില്ലകളിൽ പാലിന്റെയും ഇതര ഉൽപ്പന്നങ്ങളുടെയും വിപണനത്തിൽ പുരോഗതിയുണ്ട്.

45 കിലോയുള്ള ആ കാല് മുറിച്ചുമാറ്റിക്കൂടെ? ഭിന്നശേഷിക്കാരിയായ മോഡലിനെതിരെ സമൂഹ മാധ്യമങ്ങളിൽ അധിക്ഷേപം

അതിനാൽ മിൽമയുടെ തിരുവനന്തപുരം, എറണാകുളം മേഖല യൂണിയനുകൾ മലബാറിൽ നിന്ന് പാൽ സ്വീകരിക്കാമെന്ന് അറിയിച്ചിട്ടുണ്ട്. ഇതോടൊപ്പം പ്രതിദിനം രണ്ടു ലക്ഷം ലിറ്റർ പാൽ പൊടിയാക്കി നൽകാമെന്ന് തമിഴ്നാട്ടിലെയും കർണാടകയിലെയും പാൽപ്പൊടി നിർമാണ ഫാക്ടറികൾ സമ്മതിച്ചിട്ടുണ്ട്.

VD Satheesan | 'ഭരണം തടസപ്പെടുത്തുകയല്ല പ്രതിപക്ഷധർമ്മം; സർക്കാരിന് ഉപാധിരഹിതമായ പിന്തുണ': വിഡി സതീശൻ

ഇതിന്റെയെല്ലാം അടിസ്ഥാനത്തിലാണ് ഞായറാഴ്ച മുതൽ മുഴുവൻ പാലും സംഭരിക്കാൻ മിൽമ തീരുമാനമെടുത്തത്. രാജ്യത്തെ കാർഷിക മേഖലയിൽ വിശിഷ്യാ ക്ഷീരമേഖലയിൽ ഒന്നാകെ കോവിഡ് പ്രതിസന്ധി സൃഷ്ടിച്ചിട്ടുണ്ട്. ഇത് മിൽമയെയും ബാധിച്ചു.

ഈ ഘട്ടത്തിൽ മലബാറിലെ ക്ഷീര കർഷകർക്കു വേണ്ടി പ്രത്യേക താത്പര്യമെടുത്ത് പ്രശ്ന പരിഹാരത്തിനായി പ്രവർത്തിച്ച മുഖ്യമന്ത്രി, ക്ഷീര വികസന മൃഗ സംരക്ഷണ വകുപ്പു മന്ത്രി എന്നിവർക്ക് ക്ഷീര കർഷകരുടെ പേരിൽ നന്ദി അറിയിക്കുന്നതായി മലബാർ മേഖല യൂണിയൻ കെ എസ് മണിയും മാനേജിംഗ് ഡയറക്ടർ ഡോ പി മുരളിയും അറിയിച്ചു.
Published by: Joys Joy
First published: May 22, 2021, 3:50 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories