ഗുരുവായൂരമ്പലത്തിൽ കോവിഡ് കാലത്തെ വിവാഹം എങ്ങനെ? മാർഗ നിർദേശങ്ങൾ എന്തൊക്കെ

തൃശ്ശൂർ: ലോക്ക്ഡൗൺ ഇളവുകളുടെ ഭാഗമായി ഗുരുവായൂർ ക്ഷേത്രത്തിൽ വിവാഹങ്ങൾ നടത്താൻ സർക്കാർ അനുമതി നൽകിയിരുന്നു. ഇന്ന് ചേർന്ന ഗുരുവായൂർ ദേവസ്വം ഭരണ സമിതിയാണ് വിവാഹങ്ങൾ നടത്താൻ മാർഗ നിർദേശങ്ങൾ പുറപ്പെടുവിച്ചത്.

വധുവും വരനും ഉൾപ്പെടെ പത്ത് പേർക്ക് പങ്കെടുക്കാം. ഒരു ദിവസം 60 വിവാഹങ്ങൾ മാത്രമേ അനുവദിക്കുകയുള്ളൂ. മുൻകൂട്ടി ബുക്ക് ചെയ്ത വിവാഹങ്ങൾ മാത്രം നടത്തും. പെട്ടന്ന് വരുന്നവർക്ക് വിവാഹം നടത്താൻ അനുമതി നൽകില്ല.

രണ്ട് ഫോട്ടോഗ്രാഫർ / വിഡിയോ ഗ്രാഫർമാരെ മാത്രം അനുവദിക്കും. നിലവിൽ രണ്ട് മണ്ഡപങ്ങൾ ഉണ്ടെങ്കിലും ഒരു സമയം ഒരു മണ്ഡപത്തിൽ മാത്രം വിവാഹം നടത്തുകയുള്ളൂ. ഓരോ വിവാഹത്തിന് ശേഷവും മണ്ഡപം സാനിറ്റെസ് ചെയ്യും.
TRENDING:George Floyd Murder | വംശവെറിക്കെതിരെയുള്ള നൂറ്റാണ്ടിലെ ചെറുത്തു നിൽപ്പ്[PHOTOS]ദേവിക: കോവിഡ് കാലത്തെ കണ്ണീർക്കണം; ഒന്നിനും കാത്ത് നിൽക്കാതെ അവൾ യാത്രയായി [NEWS]അധ്യാപികമാരെ സമുഹ മാധ്യമങ്ങൾ വഴി അവഹേളിച്ച സംഭവം: വനിതാ കമ്മീഷൻ കേസെടുത്തു [NEWS]
ഒരു മണ്ഡപത്തിൽ വിവാഹം നടന്നു കഴിഞ്ഞ് അത് സാനിറ്റൈസ് ചെയ്തതിന് ശേഷമാണ് അടുത്ത മണ്ഡപത്തിൽ വിവാഹം നടത്തുക. ഈ മാസം നാലാം തീയതിയോടെ വിവാഹങ്ങൾ നടത്താൻ തയ്യാറാണെന്ന് ഗുരുവായൂർ  ദേവസ്വം ബോർഡ് പ്രസിഡണ്ട് കെ ബി മോഹൻദാസ് അറിയിച്ചു.

എന്നാൽ തീയതി സംബന്ധിച്ച അന്തിമ തീരുമാനം ജില്ല ഭരണകൂടവുമായുള്ള ചർച്ചയ്ക്ക് ശേഷമാണ് എടുക്കുക. ജില്ല ഭരണകൂടവുമായി ഇന്ന് ചർച്ച നടത്തും. മെയ് 21 ന് വിവാഹങ്ങൾ ആരംഭിക്കാൻ ദേവസ്വം ബോർഡ് നേരത്തെ തീരുമാനിച്ചിരുന്നെങ്കിലും സർക്കാർ ഇടപെട്ട് തടയുകയായിരുന്നു.