നെടുങ്കണ്ടം കസ്റ്റഡി മരണം; രാജ് കുമാറിനെ പൊലീസ് അതിക്രൂരമായി മർദിച്ചുവെന്ന് സർക്കാർ കോടതിയിൽ

കൊച്ചി: നെടുങ്കണ്ടം കസ്റ്റഡി മരണക്കേസിൽ പൊലീസിനെതിരെ സർക്കാർ ഹൈക്കോടതിയിൽ. രാജ് കുമാറിനെ പൊലീസ് അതിക്രൂരമായി മർദിച്ചുവെന്ന് സർക്കാർ കോടതിയിൽ വ്യക്തമാക്കി. ഇയാൾക്ക് നടക്കാൻ പോലും സാധിക്കാത്ത അവസ്ഥ ആയിരുന്നുവെന്നും സർക്കാർ കോടതിയെ അറിയിച്ചു.

also read: പരീക്ഷാസമയത്ത് പൊലീസ് 'റാങ്കുകാരുടെ' ഫോണിലേക്ക് വന്നത് 174 എസ്എംഎസുകൾ‌; അയച്ചത് ആര് ?

കേസിലെ മുഖ്യപ്രതി എസ്ഐ സാബുവിന്റെ ജാമ്യാപേക്ഷ പരിഗണിക്കവെയാണ് സർക്കാർ ഇക്കാര്യം കോടതിയെ അറിയിച്ചത്. നെടുങ്കണ്ടം കസ്റ്റഡി കൊലക്കേസിലെ എല്ലാ മെഡിക്കൽ സർട്ടിഫിക്കറ്റുകളും വ്യാഴാഴ്ചക്കകം ഹാജരാക്കാൻ സർക്കാരിന് ഹൈക്കോടതി നിർദേശം നൽകി.

മജിസ്‌ട്രേറ്റിന്റെ മുൻപിൽ വന്ന നടപടികളുടെ വിശദാംശങ്ങളും അറിയിക്കണമെന്നും കോടതി വ്യക്തമാക്കി. മജിസ്‌ട്രേറ്റിന്റെ എല്ലാ ഉത്തരവുകളും ഹാജരാക്കാൻ സർക്കാരിന് നിർദേശം നൽകിയിട്ടുണ്ട്.