ആറ് മണിക്കൂറോളം തുടർച്ചയായി മഴ; തിരുവനന്തപുരത്ത് താഴ്ന്ന പ്രദേശങ്ങളില്‍ വെള്ളത്തിനടിയിലായി

തിരുവനന്തപുരം: രാത്രിയോടെ തുടങ്ങിയ മഴ നെടുമങ്ങാട് 6 മണിക്കൂർ വരെയാണ് നീണ്ട് നിന്നത്. ചുരുങ്ങിയ സമയത്തിനുള്ളിലാണ് 223.8 മില്ലീമീറ്റർ മഴ നെടുമങ്ങാട് ലഭിക്കുന്നത്. ഇതുതന്നെയാണ് പെട്ടന്ന് വെള്ളമുയരാൻ കാരണമായതും.

സീസണിലെ ഏറ്റവും ഉയർന്ന മഴയാണ് നെടുമങ്ങാട് രേഖപ്പെടുത്തിയത്. ഉംപുൻ ചുഴലിക്കാറ്റിന്‍റെ സ്വാധീനത്തിൽ ശക്തമായ മഴ കേരളത്തിൽ ലഭിച്ചപ്പോൾ പോലും ഒരു സ്ഥലത്തും 200 മില്ലീമീറ്ററിന് മുകളിൽ മഴ പെയ്തിരുന്നില്ല. തിരുവനന്തപുരം നഗരത്തിൽ ഇന്ന് രാവിലെ വരെ 93.7 മില്ലീമീറ്ററും, നെയ്യാറ്റിൻകരയിൽ 96 മില്ലീമീറ്ററും മഴ ലഭിച്ചിരുന്നു.
TRENDING:ലോക്ക് ഡൗൺ: വായ്പാ മൊറട്ടോറിയം ഓഗസ്റ്റ് വരെ നീട്ടി റിസർവ് ബാങ്ക് [NEWS]'ആടു ജീവിതം' കഴിഞ്ഞ് മടങ്ങിയെത്തി; പൃഥ്വിരാജും ബ്ലെസിയും ഉൾപ്പെടെ 58 പേർ ക്വാറന്റീനിൽ [NEWS]ബല്ലാല ദേവയുടെ വിവാഹ നിശ്ചയം ആഘോഷിച്ച് ആരാധകർ; കൂടുതൽ ചിത്രങ്ങൾ കാണാം [PHOTOS]
ഏപ്രിൽ 29 ന് തൃശൂർ ജില്ലയിലെ ഏനാമാക്കൽ പ്രദേശത്ത് പെയ്ത 158.8 മില്ലീമീറ്റർ മഴയായിരുന്നു ഇതിന് മുൻപ് കൂടിയ മഴ. അന്ന് തന്നെ പെരിന്തൽ മണ്ണയിൽ 138.2 മില്ലീമീറ്റർ മഴ ലഭിച്ചിരുന്നു. ഈ മാസം 19 ന് ചേർത്തലയിൽ 24 മണിക്കൂറിൽ 140 മില്ലീമീറ്റർ മഴയും ലഭിച്ചിരുന്നു

മാർച്ച് 1 മുതൽ മെയ്യ് 21 വരെ കേരളത്തിൽ ലഭിക്കേണ്ട വേനൽ മഴയിലും കുറവുണ്ടായിട്ടുണ്ട്. 18 ശതമാനം വേനൽ മഴയുടെ കുറവാണ് രേഖപ്പെടുത്തിയത്. 314 മില്ലീമീറ്റർ മഴ ലഭിക്കേണ്ട സ്ഥാനത്ത് 265 മില്ലീമീറ്റർ മഴ മാത്രമാണ് ലഭിച്ചത്.