പിറവത്ത് ഒത്തുതീർപ്പ്; ശബരിമലയിൽ ചർച്ചയില്ല: സർക്കാരിന് ഇരട്ടത്താപ്പെന്ന് ഹൈക്കോടതി

കൊ​ച്ചി: സുപ്രീം കോടതി വിധി നടപ്പാക്കുന്നതിൽ സർക്കാരിന് ഇരട്ടത്താപ്പെന്ന രൂക്ഷ വിമർശനവുമായി ഹൈക്കോടതി. പി​റ​വം പ​ള്ളി​ത്തർക്ക കേസിൽ സുപ്രീം കോടതി വി​ധി ന​ട​പ്പാ​ക്കാ​ത്തതു ചോദ്യം ചെയ്ത്  സമർപ്പിച്ച ഹർജിയിലാണ്  സംസ്ഥാന സർക്കാരിനെ ഹൈക്കോടതി രൂക്ഷമായി വിമർശിച്ചത്.

ശ​ബ​രി​മ​ല​യി​ൽ ആ​യി​ര​ക്ക​ണ​ക്കി​നു പോ​ലീ​സി​നെ വി​ന്യ​സി​ക്കു​ന്ന സ​ർ​ക്കാ​രിന്  പി​റ​വ​ത്ത് 200 പേ​ർ​ക്ക് പോലും  സം​ര​ക്ഷ​ണം ന​ൽ​കാനാകുന്നില്ല. പ്ര​ശ്ന​ത്തി​ൽ ഒ​ത്തു​തീ​ർ​പ്പ് ച​ർ​ച്ച​യ്ക്കു ശ്ര​മി​ച്ചു​കൊ​ണ്ടി​രി​ക്കു​ക​യാ​ണെന്നാണ് സർക്കാർ പറയുന്നത്. എ​ന്നാ​ൽ ശ​ബ​രി​മ​ല​യി​ൽ എ​ന്തു​കൊ​ണ്ടാ​ണ് ഇ​ത്ത​രം ച​ർ​ച്ച​ക​ളൊ​ന്നും ന​ട​ത്താ​തി​രു​ന്നതെന്നും കോടതി ചോദിച്ചു.

ഓര്‍ത്തഡോക്‌സ് വിഭാഗത്തിന് അനുകൂലമായ വിധി നടപ്പാക്കാന്‍ ശ്രമിക്കാതെ സർക്കാർ എന്തിന് അനുരജ്ഞന ശ്രമം നടത്തുന്നു?  മറ്റുചില കേസുകളില്‍ സുപ്രീംകോടതി വിധി നടപ്പിലാക്കാതെ മറ്റുമാര്‍ഗമില്ലെന്നു പറയുന്ന സര്‍ക്കാര്‍ പിറവം കേസില്‍ എന്തുകൊണ്ട് ഈ നിലപാട് സ്വീകരിക്കുന്നെന്നും ഹൈക്കോടതി ചോദിച്ചു.

വി​ധി ന​ട​പ്പാ​ക്കാ​തി​രി​ക്കാ​ൻ വി​ചി​ത്ര ന്യാ​യ​ങ്ങ​ൾ സ​ർ​ക്കാ​ർ നി​ര​ത്തു​ക​യാ​ണെ​ന്നും കോ​ട​തി ചൂ​ണ്ടി​ക്കാ​ട്ടി. പിറവം പള്ളിയിലേത് സവിശേഷമായ സാഹചര്യമെന്നായിരുന്നു എ.ജിയുടെ വിശദീകരണം. എന്നാൽ  ഭൂരിപക്ഷ, ന്യൂനപക്ഷ വ്യത്യാസമാണോ ഈ സവിശേഷ സാഹചര്യമെന്ന് കോടതി ചോദിച്ചു. നിങ്ങളുടെ അജണ്ട നടപ്പാക്കാന്‍ കോടതിയെ കൂട്ടുപിടിക്കേണ്ടെന്നും  എ.ജിയോട്  ഹൈക്കോടതി പറഞ്ഞു.

'കേസുകളെല്ലാം പാർട്ടി തന്നെ അന്വേഷിച്ചാൽ പണിയില്ലാതാവുന്നത് പോലീസുകാർക്കും വക്കീല്മാർക്കും'

അതേസമയം നേരത്തെയുണ്ടായ ഹൈ​ക്കോ​ട​തി​ നി​രീ​ക്ഷ​ണ​ത്തി​നു വി​രു​ദ്ധ​മാ​യ പ​രാ​മ​ർ​ശ​ങ്ങ​ളാ​ണ് ഇ​ന്നു​ണ്ടാ​യ​ത്. പി​റ​വം പ​ള്ളി​ക്കേ​സ് വി​ധി​യും ശ​ബ​രി​മ​ല​ക്കേ​സി​ലെ വി​ധി​യും താ​ര​ത​മ്യം ചെ​യ്യാ​നാ​വി​ല്ലെന്നായിരുന്നു  ഡി​വി​ഷ​ൻ​ബെ​ഞ്ച് ചൂ​ണ്ടി​ക്കാ​ട്ടി​യി​രുന്നത്.

പി​റ​വം പ​ള്ളി​ക്കേ​സ് ര​ണ്ടു​വി​ഭാ​ഗ​ങ്ങ​ൾ ത​മ്മി​ലു​ള്ള​താ​ണ്. അ​തി​ൽ സ​ർ​ക്കാ​ർ ക​ക്ഷി​യ​ല്ല. ക്ര​മ​സ​മാ​ധാ​ന​ച്ചു​മ​ത​ല മാ​ത്ര​മേ സ​ർ​ക്കാ​രി​നു​ള്ളൂ. ശ​ബ​രി​മ​ല​യി​ൽ പ്രാ​യ​ഭേ​ദ​മെ​ന്യേ സ്ത്രീ ​പ്ര​വേ​ശനം അനുവദിച്ച ഹ​ർ​ജി​യി​ൽ സ​ർ​ക്കാ​ർ ക​ക്ഷി​യാ​ണെ​ന്നും കോ​ട​തി ചൂ​ണ്ടി​ക്കാ​ട്ടിയിരുന്നു.