ഭഗവൽ സിങ് പാർട്ടി അംഗമല്ല; പ്രവർത്തനങ്ങളിൽ ഏർപ്പെട്ടിട്ടുണ്ടാകാം: എം എ ബേബി

തിരുവനന്തപുരം: ഇലന്തൂരിലെ നരബലിയിൽ പിടിയിലായ ഭഗവൽ സിങ് പാർട്ടി അംഗമല്ലെന്ന് സിപിഎം പോളിറ്റ് ബ്യൂറോ അംഗം എം എ ബേബി. പാർട്ടിയുമായി ബന്ധപ്പെട്ട പ്രവർത്തനങ്ങളിൽ ഏർപ്പെട്ടിട്ടുണ്ടായേക്കാം. ദൈവ സങ്കല്പങ്ങളെ അപമാനിക്കുന്ന ഒരു സംഭവമാണെന്നും എം എ ബേബി.

സാമ്പത്തിക അഭിവൃദ്ധിയ്ക്ക് വേണ്ടി പത്തനംതിട്ട ഇലന്തൂരിലാണ് രണ്ടു സ്ത്രീകളെ തലയറുത്ത് കൊലപ്പെടുത്തിയത്. കടവന്ത്രയിൽ ലോട്ടറി കച്ചവടം നടത്തിയിരുന്ന പത്മ കാലടി സ്വദേശിനി റോസിലി എന്നിവരെയാണ് കൊലപ്പെടുത്തിയത്.

Also Read- 'കൊലയാളികളിൽ ഒരാൾ പുരോഗമന നിലപാട് അവകാശപ്പെടുന്ന രാഷ്ട്രീയ പ്രവർത്തകൻ'; ബാഹ്യ ഇടപെടലില്ലാതെ അന്വേഷണം വേണം: പ്രതിപക്ഷ നേതാവ്

ദമ്പതികളായ ഭഗവൽ സിംഗും, ലൈലയുമാണ് കൊല നടത്തിയത്. ശിഹാബ് ആണ് കുറ്റകൃത്യം ആസൂത്രണം ചെയ്തത്. കൊലനടത്തിയ ശേഷം മൃതദേഹം കഷണങ്ങളായി കുഴിച്ചിടുകയായിരുന്നു. മൂന്നുപേരെയും പൊലീസ്‌ അറസ്റ്റ് ചെയ്തു.

Also Read- 'അന്ധവിശ്വാസത്തിന്റെ ഭാഗമായി നടന്ന കൊലപാതകങ്ങള്‍'; ഇലന്തൂരിലേത് മനുഷ്യ മനസ്സാക്ഷിയെ ഞെട്ടിക്കുന്ന സംഭവമെന്ന് മുഖ്യമന്ത്രി

മൂന്ന് ജില്ലകളിലെ പൊലീസ്‌ സംയുക്തമായി അന്വേഷണം നടത്തുമെന്നും സാമ്പത്തിക നേട്ടത്തിനായി കൊല നടത്തിയതെന്നു പ്രതികൾ സമ്മതിച്ചതായും ദക്ഷിണ മേഖല ഐ ജി പി പ്രകാശ് പറഞ്ഞു.

ഞെട്ടിപ്പിക്കുന്ന സംഭവമെന്നും വിശദമായ അന്വേഷണം നടത്തുമെന്നും കൊച്ചി സിറ്റി പൊലീസ്‌ കമ്മീഷണർ സി എച്ച് നാഗരാജു പറഞ്ഞു.