• HOME
  • »
  • NEWS
  • »
  • kerala
  • »
  • Thrikkakara By-Election | 'പൂഞ്ഞാറുകാരനായതിനാല്‍ പിസി ജോര്‍ജിനെ അറിയാം, അത്രമാത്രമേ ബന്ധമുളളൂ'; ഡോ. ജോ ജോസഫ്

Thrikkakara By-Election | 'പൂഞ്ഞാറുകാരനായതിനാല്‍ പിസി ജോര്‍ജിനെ അറിയാം, അത്രമാത്രമേ ബന്ധമുളളൂ'; ഡോ. ജോ ജോസഫ്

ഇത്തവണ എല്‍.ഡി.എഫ് തൃക്കാക്കരയില്‍ സെഞ്ച്വറിയടിക്കുമെന്നും ഡോ. ജോ ജോസഫ് പറഞ്ഞു

  • Share this:
    കൊച്ചി: പൂഞ്ഞാറുകാരനായതിനാല്‍ പി.സി. ജോര്‍ജിനെ അറിയാം, അത്രമാത്രമേ തങ്ങള്‍ക്കിടയില്‍ ബന്ധമുള്ളൂവെന്ന് തൃക്കാക്കര എല്‍ഡിഎഫ് സ്ഥാനാര്‍ഥി ഡോ. ജോ ജോസഫ്. ഡോ. ജോ ജോസഫ് നമ്മുടെ സ്വന്തം ആളാണെന്നാണ് കഴിഞ്ഞദിവസം പി.സി. ജോര്‍ജ് പറഞ്ഞിരുന്നു. ഇതിനെ തുടര്ന്നാണ് ജോ ജോസഫിന്റെ പ്രതികരണം.

    തൃക്കാക്കരയില്‍ 100 ശതമാനം ആത്മവിശ്വാസമുണ്ടെന്നും വികസന രാഷ്ട്രീയം മാത്രമാണ് ചര്‍ച്ചയെന്നും അദ്ദേഹം പറഞ്ഞു. ഇത്തവണ എല്‍.ഡി.എഫ് തൃക്കാക്കരയില്‍ സെഞ്ച്വറിയടിക്കുമെന്നും ഡോ. ജോ ജോസഫ് പറഞ്ഞു.

    പ്രഖ്യാപനമുണ്ടായി മണിക്കൂറുകള്‍ക്കകം ഈ സ്ഥാനാര്‍ഥി എന്റെ സ്വന്തം പയ്യനാണെന്ന് പി.സി ജോര്‍ജ് പറഞ്ഞു. എന്നെക്കണ്ട് കെട്ടിപ്പിടിച്ച് ഉമ്മ വച്ചിട്ടാണ് സ്ഥാനാര്‍ഥിയാകാന്‍ എറണാകുളത്തേക്ക് പോയതെന്നാണ് പറഞ്ഞത്.

    Also Read-Thrikkakara By-Election | 'സഭയുടെ പേര് വലിച്ചിഴച്ചതും ദുരുപയോഗം ചെയ്യാന്‍ ശ്രമിച്ചതും മന്ത്രി പി രാജീവ്'; വി ഡി സതീശന്‍

    വാ തുറന്നാല്‍ വിഷം മാത്രം വമിക്കുന്ന പി.സി ജോര്‍ജിനെ കെട്ടിപ്പിടിച്ച് ഉമ്മവച്ചിട്ട് വരുന്നയാളെയാണോ സി.പി.എം സ്ഥാനാര്‍ഥിയാക്കുന്നതെന്ന് യു.ഡി.എഫ് ചോദ്യം ഉന്നയിച്ചിരുന്നു. സി.പി.എമ്മും പി.സി ജോര്‍ജും തമ്മില്‍ രഹസ്യബന്ധമുണ്ടല്ലോ. കോണ്‍ഗ്രസിനല്ല പൂഞ്ഞാറിലെ പഞ്ചായത്തില്‍ ജോര്‍ജ് പിന്തുണ നല്‍കിയത്. എന്നിട്ടാണ് അറസ്റ്റ് നാടകം നടത്തിയത്.

    Also Read-'പാചകവാതകത്തിന്റെ അനിയന്ത്രിത വിലക്കയറ്റത്തിന് കടിഞ്ഞാണിടാന്‍ അങ്ങേയ്ക്ക് കഴിയില്ലേ?' പ്രധാനമന്ത്രിയോട് മേയര്‍ ആര്യ രാജേന്ദ്രന്‍

    തൃക്കാക്കര ഉപതെരഞ്ഞെടുപ്പില്‍ സഭയുടെ പേര് വലിച്ചിഴച്ചതും ദുരുപയോഗം ചെയ്യാന്‍ ശ്രമിച്ചതും മന്ത്രി പി രാജീവെന്ന് പ്രതിപക്ഷ നേതാവ് വി ഡി സതീശന്‍ ആരോപിച്ചു. സഭയുടെ ചിഹ്നമുള്ള ബാക്ക്ഡ്രോപ്പിന് മുന്നില്‍ സഭയിലെ വൈദികനായ ഡയറക്ടറെയും കൂട്ടി പത്രസമ്മേളനം നടത്തിയ മന്ത്രി പി രാജീവാണ് സഭയെ ഇതിലേക്ക് വലിച്ചിഴച്ചത്. എന്തിന് വേണ്ടിയാണ് ഇങ്ങനെയൊരു പത്രസമ്മേളനം നടത്തിയത്? സി.പി.എമ്മിന്റെ ചരിത്രത്തില്‍ എവിടെയെങ്കിലും പാര്‍ട്ടി കമ്മിറ്റി ഓഫീസിന് പുറത്ത് സ്ഥാനാര്‍ഥിയെ പ്രഖ്യാപിച്ചിട്ടുണ്ടോ? മനഃപൂര്‍വം ഈ സ്ഥാനാര്‍ഥി സഭയുടേതാണെന്ന് വരുത്തിത്തീര്‍ക്കാന്‍ സഭയുടെ പ്ലാറ്റ്ഫോമിനെ മന്ത്രി ദുരുപയോഗം ചെയ്യുകയായിരുന്നു.
    Published by:Jayesh Krishnan
    First published: