• HOME
  • »
  • NEWS
  • »
  • kerala
  • »
  • സബ് കളക്ടറെ 'തെമ്മാടി' എന്ന് വിളിച്ച് എം എം മണി; പ്രതിഷേധവുമായി ഐഎഎസ് അസോസിയേഷൻ

സബ് കളക്ടറെ 'തെമ്മാടി' എന്ന് വിളിച്ച് എം എം മണി; പ്രതിഷേധവുമായി ഐഎഎസ് അസോസിയേഷൻ

‘‘സബ് കളക്ടർ, തെമ്മാടി, മുഖ്യമന്ത്രിയുടെ വാക്കിനു വിലയുണ്ടോ എന്നു ഞങ്ങൾ കാണിച്ചുതരാം’’

  • Share this:
തൊടുപുഴ: ദേവികുളം സബ് കളക്ടർ രാഹുൽ കൃഷ്ണ ശർമയെ തെമ്മാടിയെന്ന് വിളിച്ചാക്ഷേപിച്ച് ഉടുമ്പൻചോല എംഎൽഎ എം എം മണി. ദേവികുളത്ത് സിപിഎം സംഘടിപ്പിച്ച ആർഡിഒ ഓഫീസ് വളയൽ സമരം ഉദ്ഘാടനം ചെയ്യുമ്പോഴായിരുന്നു മണിയുടെ വിവാദ പരാമർശം. ഈ പരാമർശത്തിൽ പ്രതിഷേധിച്ച് കേരള ഐഎഎസ് ഓഫീസേഴ്സ് അസോസിയേഷൻ രംഗത്തെത്തി.

Also Read- കേരളം 1500 കോടി കൂടി കടമെടുക്കുന്നു; ഈവർഷം ഇതുവരെ എടുത്തത് 11,436 കോടി

ഇടുക്കി ജില്ലയിലെ ഭൂമി പ്രശ്നത്തിൽ റവന്യു വകുപ്പിന്റെ നടപടി നിർത്തിവയ്ക്കണമെന്ന മുഖ്യമന്ത്രിയുടെ നിർദേശം അവഗണിച്ച് ഇടുക്കി കളക്ടറും ദേവികുളം സബ് കളക്ടറും നടപടികൾ തുടരുകയാണെന്നായിരുന്നു മണിയുടെ വിമർശനം. തുടർന്ന് മണി പറഞ്ഞത് ഇങ്ങനെ: ‘‘സബ് കളക്ടർ, തെമ്മാടി, മുഖ്യമന്ത്രിയുടെ വാക്കിനു വിലയുണ്ടോ എന്നു ഞങ്ങൾ കാണിച്ചുതരാം’’.

Also Read- 'ഗോമാതാ ഉലത്ത്' എന്ന പേരിൽ പാചക വീഡിയോ : രഹന ഫാത്തിമക്കെതിരായ കേസ് സ്റ്റേ ചെയ്യാനാകില്ലെന്ന് ഹൈക്കോടതി

മണിയുടെ പരാമർശം ദൗർഭാഗ്യകരമാണെന്ന് കേരള ഐഎഎസ് ഓഫീസേഴ്സ് അസോസിയേഷൻ പ്രതികരിച്ചു. വിമർശനങ്ങളോട് തുറന്ന മനസ്സാണ്. എന്നാൽ വിമർശിക്കുമ്പോൾ ഭാഷയിലും പെരുമാറ്റത്തിലും പാലിക്കേണ്ട മര്യാദകളുണ്ട്. ഈ പരാമർശം സംസ്ഥാനത്തെ മുഴുവൻ ഐഎഎസ് ഉദ്യോഗസ്ഥരുടെയും മനോവീര്യം തകർക്കുന്നതാണ്. ഇതു പിൻവലിക്കാനും ഭാവിയിൽ ആവർത്തിക്കാതിരിക്കാനും മുഖ്യമന്ത്രി ഇടപെടണമെന്നും അസോസിയേഷൻ പ്രസിഡന്റ് ഡോ. ബി. അശോക്, സെക്രട്ടറി എം ജി രാജമാണിക്യം എന്നിവർ ആവശ്യപ്പെട്ടു.
Published by:Rajesh V
First published: