പള്ളികൾ തുറക്കുന്ന ഇടങ്ങളിൽ സർക്കാർ നിർദേശം കർശനമായി പാലിക്കണം: പാണക്കാട് ഹൈദരലി ശിഹാബ് തങ്ങൾ

സർക്കാർ നിബന്ധനകൾ കർശനമായും പാലിക്കാൻ കഴിയുന്നിടങ്ങളിലാണ് പള്ളികൾ തുറക്കേണ്ടതെന്ന് പാണക്കാട് ഹൈദരലി ശിഹാബ് തങ്ങൾ. കൂട്ടം കൂടാതിരിക്കൽ, സാമുഹിക അകലം പാലിക്കൽ, പങ്കെടുക്കുന്നവരുടെ പേരുവിവരങ്ങൾ ശേഖരിക്കൽ, തുടങ്ങിയ സർക്കാർ നിർദ്ദേശങ്ങൾ കർശനമായും പാലിക്കണമെന്ന് അദ്ദേഹം പ്രസ്തവനയിൽ വ്യക്തമാക്കി.

കോവിഡ് -19 രോഗം ക്രമാധീതമായി വർധിച്ച് വരുന്ന സാഹചര്യത്തിൽ നിർദ്ദേശങ്ങൾ കർശനമായും പാലിക്കണം. വ്യവസ്ഥകൾ പാലിച്ചാൽ മാത്രമേ ആരാധനാ കർമ്മങ്ങൾ നല്ലനിലയിൽ മുന്നോട്ട് കൊണ്ടുപോകാൻ സാധിക്കുകയുള്ളൂ.

TRENDING:Anju P Shaji Death Case| വിദ്യാർഥിനിയുടെ ആത്മഹത്യ; കോളജിന് വീഴ്ചപറ്റിയെന്ന് എം.ജി സര്‍വകലാശാല വി.സി[NEWS]Athirappilly | 'ആഗ്രഹങ്ങള്‍ക്ക് കടിഞ്ഞാണില്ലല്ലോ'; മന്ത്രി മണിയെ പരിഹസിച്ച് കാനം [NEWS]‍‍'എന്റെ ഇംഗ്ലീഷ് കേട്ട് പലരും ചോദിക്കുന്നു വിദേശത്താണോ പഠിച്ചതെന്ന്'; ഭാഷാ പ്രാവീണ്യത്തെ കുറിച്ച് ഐശ്വര്യ റായ് [NEWS]
ചെറിയ വീഴ്ചകൾക്ക് പോലും വലിയ വില നൽകേണ്ടിവരും എന്നും നിർദ്ദേശങ്ങൾ കർശനമായും പാലിക്കുന്നതിന് മഹല്ല് കമ്മറ്റികൾ നടപടികൾ സ്വീകരിക്കേണ്ടതാണെന്നും അദ്ദേഹം നിർദേശിച്ചു. കോവിഡ് -19 മഹാമാരിയുടെ ശമനത്തിനായി പ്രത്യേക പ്രാർത്ഥനകളും നടത്തണം എന്ന് കൂടി പറഞ്ഞാണ് ഹൈദരലി ശിഹാബ് തങ്ങളുടെ പ്രസ്താവന അവസാനിക്കുന്നത്.