കോവിഡ് നോഡല്‍ ഓഫീസര്‍ എന്ന പേരില്‍ ആള്‍മാറാട്ടം; വിമുക്തി വളണ്ടിയര്‍ക്കെതിരെ പരാതി

കോഴിക്കോട്: കോവിഡ് 19 നോഡല്‍ ഓഫീസര്‍ എന്ന പേരില്‍ ആള്‍മാറാട്ടം നടത്തിയ ആള്‍ക്കെതിരെ എന്‍.എച്ച്.എം പ്രോഗ്രാം ഓഫീസര്‍ ജില്ലാ കളക്ടർക്ക് പരാതി നല്‍കി. ചാലിയം എഫ്.എച്ച്.സി ഓഫീസിന്റെയും ജീവനക്കാരുടെയും ഔദ്യോഗിക കാര്യങ്ങളില്‍ ഇടപെട്ടതായി വ്യക്തമായ സാഹചര്യത്തിലാണ് പരാതി. എന്‍.എച്ച്.എം ജില്ലാ പ്രോഗ്രാം മാനേജര്‍ നല്‍കിയ പരാതി നടപടി സ്വീകരിക്കുന്നതിനായി ജില്ലാ പൊലീസ് മേധാവിക്ക് കൈമാറി.

ഈ വ്യക്തി നാഷണല്‍ ഹെല്‍ത്ത് മിഷന്റെ ഔദ്യോഗിക പദവികളൊന്നും വഹിച്ചിരുന്നില്ല. എന്നാല്‍, കോവിഡ് 19 വളണ്ടിയറായി രജിസ്റ്റര്‍ ചെയ്തവരുടെ ലിസ്റ്റില്‍ നിന്നും വിമുക്തി പ്രവര്‍ത്തികളുടെ വളണ്ടിയറായി താത്ക്കാലികമായി നിയമിച്ചിരുന്നതായി എന്‍.എച്ച്.എം പ്രോഗ്രാം മാനേജര്‍ അറിയിച്ചു.
TRENDING:പ്രതാപൻ, ഷാഫി പറമ്പിൽ, രമ്യ ഹരിദാസ്, ശ്രീകണ്ഠൻ, അനിൽ അക്കര ക്വറന്റീനിൽ പോകണം: മെഡിക്കൽ ബോര്‍ഡ് [NEWS]ടിക് ടോക്ക് ആങ്ങളമാരെ റോസ്റ്റാക്കി; ഒരാഴ്ച്ച കൊണ്ട് വൺ മില്യൺ അടിച്ച ഈ അർജുൻ ആരാണ്? [NEWS]മേയ് 19 ന് ബാറുകളും മദ്യശാലകളും തുറന്നേക്കും; തീരുമാനം പ്രഖ്യാപിച്ച് സർക്കാർ [NEWS]
അതേസമയം, ഇയാൾ അഡീഷണൽ ഡിസ്ട്രിക് മജിസ്ട്രേറ്റിന്റെ പി.എ ആണെന്നും എ.ഡി.എമ്മിന്റെ കസേരയില്‍ ഇരുന്ന് ഫോട്ടോ എടുത്തതായും ചില മാധ്യമങ്ങളിൽ വാർത്ത വന്നിരുന്നു. ഇത് വാസ്തവവിരുദ്ധമാണെന്ന് അഡീഷണല്‍ ജില്ലാ മജിസ്ട്രേറ്റ് റോഷ്നി നാരായണന്‍ അറിയിച്ചു.