സുധാകരൻ്റെ നീക്കം സാമുദായിക ധ്രുവീകരണലക്ഷ്യത്തോടെയെന്ന് ഐ.എൻ.എൽ.
പ്രസ്താവനയുമായി കാസിം ഇരിക്കൂർ
കെ. സുധാകരൻ
കോഴിക്കോട്: ന്യൂനപക്ഷ സമുദായങ്ങളെ തമ്മിലടിപ്പിക്കാനുള്ള ഗൂഢലക്ഷ്യത്തോടെയാണ് കെ. പി. സി. സി പ്രസിഡൻറ് കെ. സുധാകരൻ പ്രതിപക്ഷ നേതാവിനെയും കൂട്ടി മതനേതാക്കളെ സന്ദർശിച്ച് രാഷ്ട്രീയ നാടകം കളിക്കുന്നതെന്ന് ഐ.എൻ.എൽ. സംസ്ഥാന ജനറൽ സെക്രട്ടറി കാസിം ഇരിക്കൂർ അഭിപ്രായപ്പെട്ടു.
സംഘപരിവാറുമായി അടുത്തിടപഴകുന്ന സുധാകരൻ്റെ മതേതതര പ്രതിബദ്ധത കേരളീയ സമൂഹത്തിെന്റെ മുന്നിൽ എന്നോ തുറന്നുകാട്ടപ്പെട്ടതാണ്. കോൺഗ്രസിെന്റെ പൂർണ ഹിന്ദുത്വവത്കരണം ഭയന്ന് നേതാക്കൾ പാർട്ടി വിട്ടു കൊണ്ടിരിക്കുമ്പോഴാണ് ഇടതുസർക്കാരിനെ പഴി ചാരാനുള്ള ദുഷ്ടലാക്കുമായി സുധാകരൻ അലഞ്ഞു തിരിയുന്നത്.
വിവാദ പരാമർശങ്ങൾ നടത്തിയ പാലാ ബിഷപ്പിനെ ആദ്യമായി സന്ദർശിച്ച് അദ്ദേഹത്തെ നിരപരാധിയായി അവതരിപ്പിക്കാൻ നടത്തിയ ശ്രമങ്ങളോടുള്ള അമർഷം പല ഭാഗങ്ങളിൽ നിന്നും ഉയർന്നപ്പോഴാണ് ഇക്കാണുന്ന പിത്തലാട്ടങ്ങൾ പുറത്തെടുത്തതും സമാധാനദൂതന്റെ മേലങ്കി സ്വയം എടുത്തണിഞ്ഞതും. മതനേതാക്കൾ തങ്ങളുടെ വിവാദ നിലപാടുകൾ പുനഃപരിശോധിച്ച് സ്വയം തിരുത്താനും മുറിവേറ്റ ഹൃദയങ്ങളെ സാന്ത്വനപ്പെടുത്താനും ശ്രമിക്കുകയുമാണ് വേണ്ടത്. അതല്ലാതെ കൂടുതൽ കോലാഹലങ്ങൾ സൃഷ്ടിക്കുന്നത് സംഘപരിവാറിനേ ഗുണം ചെയ്യൂ.
ഇപ്പോഴത്തെ വിവാദങ്ങൾ കൂടുതൽ ചർച്ച ചെയ്ത് വഷളാക്കരുത് എന്ന മുസ്ലിം ലീഗിൻ്റെ നിലപാടിനെ തള്ളിയാണ് പുണ്യവാളൻ ചമയാൻ കെ.സുധാകരൻ ഒരുമ്പെട്ടിറങ്ങിയിരിക്കുന്നതെന്നും രാഷ്ട്രീയ ലക്ഷ്യത്തോടെയുള്ള ഇത്തരം നീക്കങ്ങൾ പ്രബുദ്ധസമൂഹം തിരിച്ചറിയുന്നുണ്ടെന്നും കാസിം ഇരിക്കൂർ പ്രസ്താവനയിൽ പറഞ്ഞു.
എൽ.ഡി.എഫിൻ്റെ ഘടകകക്ഷിയാണെങ്കിലും കാന്തപുരം എ.പി. വിഭാഗത്തോട് കൂറ് പുലർത്തുന്ന ഐ.എൻ.എല്ലിൻ്റെ രാഷ്ട്രീയ നിലപാട് ഏറെ ശ്രദ്ധേയമാണ്. ഇന്നലെ കോൺഗ്രസ് നേതാക്കളുടെ സന്ദർശനത്തിന് ശേഷം മാധ്യമങ്ങളെ കണ്ട കാന്തപുരം അബൂബക്കര്‍ മുസ്ലിയാര്‍ വ്യക്തമാക്കിയത്, ലൗ ജിഹാദ് അല്ലെങ്കില്‍ മറ്റൊരു ജിഹാദ് എന്നതൊന്നും ഇസ്ലാം മതത്തിലില്ല. നാർക്കോട്ടിക്ക് ജിഹാദിൻ്റെ പേരുപറഞ്ഞ് ഒരു സമുദായത്തെ മോശപ്പെടുത്തുവാനുള്ള നീക്കമാണ് ഉണ്ടായത്. മുസ്ലിം സമുദായം ഇത്തരതിലുള്ള ഒരു ജിഹാദിനും ആഹ്വാനം ചെയ്തിട്ടില്ല, ഇനി ചെയ്യുകയുമില്ല.
പാലാ ബിഷപ്പ് വിവാദ പ്രസ്താവന പിന്‍വലിക്കണം. അത് ചര്‍ച്ചയാക്കാന്‍ ആരും മുന്നോട്ട് വരാന്‍ പാടില്ല. ഞങ്ങളിവിടെ സമാധാനമാണ് ഉദ്ദേശിക്കുന്നത്. ഭിന്നിപ്പുണ്ടാക്കി കലഹിച്ച് പോകാന്‍ താത്പര്യമില്ല. ബിഷപ്പ് പറഞ്ഞത് തെറ്റാണ്. മധ്യസ്ഥ ചര്‍ച്ചകളല്ല വേണ്ടത്. മുസ്ലിം സമുദായത്തിനെതിരെ ഉന്നയിച്ച തെറ്റായ വാദമാണ്. അത് ഉന്നയിച്ചയാള്‍ ആ തെറ്റായ വാദം എത്രയും വേഗം പിന്‍വലിച്ച് മാപ്പു പറയുകയാണ് വേണ്ടതെന്നായിരുന്നു കാന്തപുരം പറഞ്ഞത്.
ഈ നിലപാടിനോട് ചേർന്ന് നിൽക്കുന്നതാണ് ദിവസങ്ങൾ നീണ്ട മൗനത്തിന് ശേഷം ഐ.എൻ.എൽ. സ്വീകരിച്ച നിലപാട്. ഭിന്നിപ്പ് മാറ്റാൻ ഇതിനായി ആര് നീക്കം നടത്തിയാലും ആശ്വാസകരമാണെന്നും കാന്തപുരം ഇന്നലെ വ്യക്തമാക്കിയിരുന്നു. നിര്‍ബന്ധിത മതപരിവര്‍ത്തനം ഇസ്ലാം അനുവദിക്കുന്നില്ല. ലൗജിഹാദ് ഇല്ല എന്നത് വ്യക്തമായപ്പോള്‍ നാര്‍കോട്ടിക്ക് ജിഹാദ് എന്ന് പുതിയ പേര് വലിച്ചിടുകയാണ്. ഈ പേരുകൊണ്ടൊന്നും ഒരു പ്രയോജനവുമില്ല.
മുസ്ലിം സമുദായം ഒരിക്കലും ഭീകരവാദത്തിനോ തീവ്രവാദത്തിനോ കൂട്ടുനിന്നിട്ടില്ല. നില്‍ക്കുകയുമില്ല. എപ്പോഴും അതിനെതിരെ സംസാരിക്കുന്നവരാണ് ഞങ്ങളെന്നും തെറ്റ് ചെയ്യുന്ന വ്യക്തികള്‍ എല്ലാ മതങ്ങളിലുമുണ്ടാകാമെന്നും കാന്തപുരം പറഞ്ഞു.
സംഘപരിവാറുമായി അടുത്തിടപഴകുന്ന സുധാകരൻ്റെ മതേതതര പ്രതിബദ്ധത കേരളീയ സമൂഹത്തിെന്റെ മുന്നിൽ എന്നോ തുറന്നുകാട്ടപ്പെട്ടതാണ്. കോൺഗ്രസിെന്റെ പൂർണ ഹിന്ദുത്വവത്കരണം ഭയന്ന് നേതാക്കൾ പാർട്ടി വിട്ടു കൊണ്ടിരിക്കുമ്പോഴാണ് ഇടതുസർക്കാരിനെ പഴി ചാരാനുള്ള ദുഷ്ടലാക്കുമായി സുധാകരൻ അലഞ്ഞു തിരിയുന്നത്.
വിവാദ പരാമർശങ്ങൾ നടത്തിയ പാലാ ബിഷപ്പിനെ ആദ്യമായി സന്ദർശിച്ച് അദ്ദേഹത്തെ നിരപരാധിയായി അവതരിപ്പിക്കാൻ നടത്തിയ ശ്രമങ്ങളോടുള്ള അമർഷം പല ഭാഗങ്ങളിൽ നിന്നും ഉയർന്നപ്പോഴാണ് ഇക്കാണുന്ന പിത്തലാട്ടങ്ങൾ പുറത്തെടുത്തതും സമാധാനദൂതന്റെ മേലങ്കി സ്വയം എടുത്തണിഞ്ഞതും. മതനേതാക്കൾ തങ്ങളുടെ വിവാദ നിലപാടുകൾ പുനഃപരിശോധിച്ച് സ്വയം തിരുത്താനും മുറിവേറ്റ ഹൃദയങ്ങളെ സാന്ത്വനപ്പെടുത്താനും ശ്രമിക്കുകയുമാണ് വേണ്ടത്. അതല്ലാതെ കൂടുതൽ കോലാഹലങ്ങൾ സൃഷ്ടിക്കുന്നത് സംഘപരിവാറിനേ ഗുണം ചെയ്യൂ.
ഇപ്പോഴത്തെ വിവാദങ്ങൾ കൂടുതൽ ചർച്ച ചെയ്ത് വഷളാക്കരുത് എന്ന മുസ്ലിം ലീഗിൻ്റെ നിലപാടിനെ തള്ളിയാണ് പുണ്യവാളൻ ചമയാൻ കെ.സുധാകരൻ ഒരുമ്പെട്ടിറങ്ങിയിരിക്കുന്നതെന്നും രാഷ്ട്രീയ ലക്ഷ്യത്തോടെയുള്ള ഇത്തരം നീക്കങ്ങൾ പ്രബുദ്ധസമൂഹം തിരിച്ചറിയുന്നുണ്ടെന്നും കാസിം ഇരിക്കൂർ പ്രസ്താവനയിൽ പറഞ്ഞു.
എൽ.ഡി.എഫിൻ്റെ ഘടകകക്ഷിയാണെങ്കിലും കാന്തപുരം എ.പി. വിഭാഗത്തോട് കൂറ് പുലർത്തുന്ന ഐ.എൻ.എല്ലിൻ്റെ രാഷ്ട്രീയ നിലപാട് ഏറെ ശ്രദ്ധേയമാണ്. ഇന്നലെ കോൺഗ്രസ് നേതാക്കളുടെ സന്ദർശനത്തിന് ശേഷം മാധ്യമങ്ങളെ കണ്ട കാന്തപുരം അബൂബക്കര്‍ മുസ്ലിയാര്‍ വ്യക്തമാക്കിയത്, ലൗ ജിഹാദ് അല്ലെങ്കില്‍ മറ്റൊരു ജിഹാദ് എന്നതൊന്നും ഇസ്ലാം മതത്തിലില്ല. നാർക്കോട്ടിക്ക് ജിഹാദിൻ്റെ പേരുപറഞ്ഞ് ഒരു സമുദായത്തെ മോശപ്പെടുത്തുവാനുള്ള നീക്കമാണ് ഉണ്ടായത്. മുസ്ലിം സമുദായം ഇത്തരതിലുള്ള ഒരു ജിഹാദിനും ആഹ്വാനം ചെയ്തിട്ടില്ല, ഇനി ചെയ്യുകയുമില്ല.
പാലാ ബിഷപ്പ് വിവാദ പ്രസ്താവന പിന്‍വലിക്കണം. അത് ചര്‍ച്ചയാക്കാന്‍ ആരും മുന്നോട്ട് വരാന്‍ പാടില്ല. ഞങ്ങളിവിടെ സമാധാനമാണ് ഉദ്ദേശിക്കുന്നത്. ഭിന്നിപ്പുണ്ടാക്കി കലഹിച്ച് പോകാന്‍ താത്പര്യമില്ല. ബിഷപ്പ് പറഞ്ഞത് തെറ്റാണ്. മധ്യസ്ഥ ചര്‍ച്ചകളല്ല വേണ്ടത്. മുസ്ലിം സമുദായത്തിനെതിരെ ഉന്നയിച്ച തെറ്റായ വാദമാണ്. അത് ഉന്നയിച്ചയാള്‍ ആ തെറ്റായ വാദം എത്രയും വേഗം പിന്‍വലിച്ച് മാപ്പു പറയുകയാണ് വേണ്ടതെന്നായിരുന്നു കാന്തപുരം പറഞ്ഞത്.
ഈ നിലപാടിനോട് ചേർന്ന് നിൽക്കുന്നതാണ് ദിവസങ്ങൾ നീണ്ട മൗനത്തിന് ശേഷം ഐ.എൻ.എൽ. സ്വീകരിച്ച നിലപാട്. ഭിന്നിപ്പ് മാറ്റാൻ ഇതിനായി ആര് നീക്കം നടത്തിയാലും ആശ്വാസകരമാണെന്നും കാന്തപുരം ഇന്നലെ വ്യക്തമാക്കിയിരുന്നു. നിര്‍ബന്ധിത മതപരിവര്‍ത്തനം ഇസ്ലാം അനുവദിക്കുന്നില്ല. ലൗജിഹാദ് ഇല്ല എന്നത് വ്യക്തമായപ്പോള്‍ നാര്‍കോട്ടിക്ക് ജിഹാദ് എന്ന് പുതിയ പേര് വലിച്ചിടുകയാണ്. ഈ പേരുകൊണ്ടൊന്നും ഒരു പ്രയോജനവുമില്ല.
മുസ്ലിം സമുദായം ഒരിക്കലും ഭീകരവാദത്തിനോ തീവ്രവാദത്തിനോ കൂട്ടുനിന്നിട്ടില്ല. നില്‍ക്കുകയുമില്ല. എപ്പോഴും അതിനെതിരെ സംസാരിക്കുന്നവരാണ് ഞങ്ങളെന്നും തെറ്റ് ചെയ്യുന്ന വ്യക്തികള്‍ എല്ലാ മതങ്ങളിലുമുണ്ടാകാമെന്നും കാന്തപുരം പറഞ്ഞു.
