Sabarimala: ശുചിത്വമില്ലാത്ത ഹോട്ടലുകള്‍ക്കെതിരെ നടപടി; ഒരു ലക്ഷം രൂപ പിഴ

ശബരിമല: ശബരിമലയിൽ  ശുചിത്വം പാലിക്കാതിരിക്കുകയും ക്രമക്കേട് കാട്ടുകയും ചെയ്ത  ഹോട്ടലുകള്‍ക്കും മറ്റ് കടകള്‍ക്കുമെതിരെ നടപടി. സന്നിധാനം ഡ്യൂട്ടി മജിസ്ട്രേറ്റ് അനില്‍കുമാറിന്റെ നേതൃത്വത്തിലുള്ള സ്‌ക്വാഡാണ് പരിശോധന നടത്തിയത്. 1,11,000 രൂപ ഹോട്ടലുകളിൽ നിന്ന് പിഴ ഈടാക്കി.

Also Read- ജനുവരി 14ന് ശബരിമല ക്ഷേത്ര നട അടയ്ക്കില്ല; മകരസംക്രമപൂജയ്ക്ക് ഇത്തവണ ഏറെ പ്രത്യേകതകൾ

പൂര്‍ണ്ണമായും വൃത്തിയാക്കിയ ശേഷമാണ് ഹോട്ടലുകൾ പ്രവര്‍ത്തിക്കാന്‍ അനുവദിച്ചത്. ചരല്‍മേട് ജംഗ്ഷന്‍, മരക്കൂട്ടം-ശരംകുത്തി റോഡ് എന്നിവടങ്ങളിലാണ് വ്യാഴാഴ്ച പുലര്‍ച്ചെ മുതല്‍ റെയ്ഡ് നടത്തിയത്. റെയ്ഡില്‍ ലീഗല്‍ മെട്രോളജി,ഹെല്‍ത്ത്, റവന്യൂ,റേഷനിംഗ്,എക്‌സൈസ് വകുപ്പ് ഉദ്യോഗസ്ഥരും പങ്കെടുത്തു.