HOME » NEWS » Kerala » JACOBITE REPRESENTATIVES WILL HOLD TALKS WITH PRIME MINISTER TODAY ON CHURCH DISPUTE AA TV

സഭാതർക്കം: യാക്കോബായ പ്രതിനിധികൾ ഇന്ന് പ്രധാനമന്ത്രിയുമായി ചർച്ച നടത്തും

ഉച്ചക്ക് 12 മണിക്ക് പ്രധാനമന്ത്രിയുടെ വസതിയിലാണ് കൂടിക്കാഴ്ച്ച . ഗവർണർ പി.എസ്. ശ്രീധരൻ പിള്ളയും ചർച്ചയിൽ പങ്കെടുക്കും.

News18 Malayalam | news18-malayalam
Updated: December 29, 2020, 7:24 AM IST
സഭാതർക്കം: യാക്കോബായ പ്രതിനിധികൾ ഇന്ന് പ്രധാനമന്ത്രിയുമായി ചർച്ച നടത്തും
PM Narendra Modi.
  • Share this:
ന്യൂഡൽഹി: മലങ്കര സഭാ തർക്കത്തിൽ യാക്കോബായ പ്രതിനിധികൾ ഇന്ന് പ്രധാനമന്ത്രി നരേന്ദ്ര മോദിയുമായി ചർച്ച നടത്തും. ഇന്നലെ ഓർത്തഡോക്സ് സഭാധ്യക്ഷന്മാർ പ്രധാനമന്ത്രിയുമായി കൂടിക്കാഴ്ച നടത്തിയിരുന്നു. ചർച്ചയിൽ പങ്കെടുക്കാൻ യാക്കോബായ സുറിയാനി സഭ പ്രതിനിധികളായ മോർ ഗ്രീഗോറിയോസ് ജോസഫ്, മോർ തീമോത്തിയോസ് തോമസ്, മോർ തെയോഫിലോസ് കുര്യാക്കോസ് എന്നീ മെത്രാപ്പോലീത്തൻമാർ തിങ്കളാഴ്ച വൈകിട്ട് ഡൽഹിയിൽ എത്തി.

മിസോറാം ഹൗസിൽ ഗവർണർ പി.എസ് ശ്രീധരൻ പിള്ള വൈദികരെ സ്വീകരിച്ചു.  ഉച്ചക്ക് 12 മണിക്ക് പ്രധാനമന്ത്രിയുടെ വസതിയിലാണ് കൂടിക്കാഴ്ച്ച . ഗവർണർ പി.എസ്. ശ്രീധരൻ പിള്ളയും ചർച്ചയിൽ പങ്കെടുക്കും. ചർച്ചയ്ക്ക് ശേഷം ഇരു സഭാവിഭാഗങ്ങളിലേയും വൈദികർക്ക് മിസോറാം ഹൗസിൽ വിരുന്ന് സത്കാരവും ഒരിക്കിയിട്ടുണ്ട്.

ഇന്നലെ ഓർത്തോഡോക്സ് സഭാ പ്രതിനിധികളുമായി പ്രധാനമന്ത്രി ചർച്ച നടത്തിയിരുന്നു. കോടതി വിധിയുടെ അടിസ്ഥാനത്തിൽ ഇരു സഭകളും ഒരുമിച്ച് മുന്നോട്ട് പോകണമെന്ന് പ്രധാനമന്ത്രിയെ ധരിപ്പിച്ചതായി കണ്ടനാട് ഈസ്റ്റ് ഭദ്രാസന മെത്രാപ്പോലീത്ത ഡോ. തോമസ് മാർ അത്തനാസിയോസ് വ്യക്തമാക്കിയിരുന്നു. സിനഡ് സെക്രട്ടറി ഡോ. യൂഹാനോൻ മാർ ദിയസ്കോറസ്, ഡൽഹി ഭദ്രാസന മെത്രോപ്പോലീത്ത ഡോ. യൂഹാനോൻ മാർ ദിമിത്രിയോസ് എന്നിവരും ചർച്ചയിൽ പങ്കെടുത്തിരുന്നു.

Also Read മുഖ്യമന്ത്രിയുടെ പ്രിൻസിപ്പൽ സെക്രട്ടറിയെന്ന പദവി സ്വർണക്കടത്തിന് ദുരുപയോഗം ചെയ്തു; ശിവശങ്കറിനെതിരെ കസ്റ്റംസ്

യാക്കോബായ സഭ മുന്നോട്ട് വയ്ക്കുന്ന ശുപാർശകൾ കൂടി കണക്കിലെടുത്ത് തുടർ നടപടികൾ സ്വീകരിക്കും. ജനുവരി ആദ്യവാരം കത്തോലിക്ക സഭാ പ്രതിനിധികളുമായും പ്രധാനമന്ത്രിയുമായി കൂടിക്കാഴ്ച നടത്തുന്നുണ്ട്.
Published by: Aneesh Anirudhan
First published: December 29, 2020, 7:24 AM IST
കൂടുതൽ കാണുക
അടുത്തത് വാര്‍ത്തകള്‍

Top Stories