HOME » NEWS » Kerala »

നായരുടെ വിപരീത പദമല്ല ഈഴവന്‍; വെളളാപ്പളളിയുടെ വിപരീത പദമാണ് സുകുമാരന്‍ നായരെന്ന് ജയശങ്കര്‍

News18 Malayalam
Updated: December 18, 2018, 2:09 PM IST
നായരുടെ വിപരീത പദമല്ല ഈഴവന്‍; വെളളാപ്പളളിയുടെ വിപരീത പദമാണ് സുകുമാരന്‍ നായരെന്ന് ജയശങ്കര്‍
  • Share this:
തിരുവനന്തപുരം:  വനിതാ മതിലിനെ പിന്തുണയ്ക്കുന്ന എസ്.എന്‍.ഡി.പി ജനറല്‍ സെക്രട്ടറി വെള്ളാപ്പള്ളി നടേശനെയും എതിര്‍ക്കുന്ന എന്‍.എസ്.എസ് ജനറല്‍ സെക്രട്ടറി സുകുമാരന്‍ നായരെയും വിമര്‍ശിച്ച് അഡ്വക്കേറ്റ് എ.ജയശങ്കര്‍.

വെളളാപ്പളളി നടേശന്‍ നായാടി മുതല്‍ നമ്പൂതിരി വരെ സകല ഹിന്ദു സമുദായങ്ങളെയും ഒരു ചരടിലിണക്കി കോര്‍ത്ത് സമത്വ മുന്നേറ്റ യാത്ര നടത്തുകയും തുടര്‍ന്ന് BDJS രൂപീകരിക്കുകയും ചെയ്തപ്പോള്‍ സുകുമാരന്‍ നായരും സര്‍വീസ് സൊസൈറ്റിയും സഹകരിച്ചില്ല. അവര്‍ മതേതരത്വവും സമദൂര സിദ്ധാന്തവും മുറുകെ പിടിച്ചെന്നു ജയശങ്കര്‍ പറയുന്നു.

നായരുടെ വിപരീത പദമല്ല ഈഴവന്‍. പക്ഷേ NSSന്റെ വിപരീത പദമാണ് SNDP, വെളളാപ്പളളി നടേശന്റെ വിപരീത പദമാണ് സുകുമാരന്‍ നായര്‍.

Also Read മുഖ്യമന്ത്രിക്ക് ധാര്‍ഷ്ട്യം; ഇങ്ങനെയാണോ നവോത്ഥാനം ഉണ്ടാക്കേണ്ടതെന്ന് സുകുമാരന്‍ നായര്‍

വെളളാപ്പളളി നടേശന്‍ നായാടി മുതല്‍ നമ്പൂതിരി വരെ സകല ഹിന്ദു സമുദായങ്ങളെയും ഒരു ചരടിലിണക്കി കോര്‍ത്ത് സമത്വ മുന്നേറ്റ യാത്ര നടത്തുകയും തുടര്‍ന്ന് BDJS രൂപീകരിക്കുകയും ചെയ്തപ്പോള്‍ സുകുമാരന്‍ നായരും സര്‍വീസ് സൊസൈറ്റിയും സഹകരിച്ചില്ല. അവര്‍ മതേതരത്വവും സമദൂര സിദ്ധാന്തവും മുറുകെ പിടിച്ചു.

വെളളാപ്പളളി നടേശന്‍ ഇടതുപക്ഷ മുന്നണിയോട് അടുക്കുകയും നവോത്ഥാന നായകത്വം ഏറ്റെടുക്കുകയും ചെയ്തപ്പോള്‍ സുകുമാരന്‍ നായര്‍ വിപരീത നിലപാടില്‍ ഉറച്ചു നില്‍ക്കുകയാണ്.

പിണറായി- വെളളാപ്പളളി ടീമിന്റെ നവോത്ഥാനം ശുദ്ധ തട്ടിപ്പാണ്, വനിതാ മതില്‍ വര്‍ഗീയ മതിലാണ്, ഡിസംബര്‍ 26ന് അയ്യപ്പ ജ്യോതി തെളിയിക്കും, ശബരിമലയിലെ ആചാരങ്ങള്‍ സംരക്ഷിക്കാന്‍ സമദൂരം വെടിയും ശരിദൂരം കണ്ടെത്തും: ഇങ്ങനെ പോകുന്നു നായരുടെ വീരവാദം.

സമദൂരം വെടിഞ്ഞ NSS ഏതു മുന്നണിയെ പിന്‍തുണയ്ക്കും? വെളളാപ്പളളി LDFലും തുഷാര്‍ NDAയിലും നില്ക്കുന്നതിനാല്‍ നായരുടെ വോട്ട് UDFനാണ്. ശബരിമല അയ്യപ്പനാണെ രമേശ് ചെന്നിത്തലയാണെ സത്യം, സത്യം, സത്യം!

First published: December 18, 2018, 2:09 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories