Jebi Mather | 'ദിലീപിനൊപ്പം സെല്‍ഫിയെടുത്തതില്‍ ഖേദമില്ല; എല്ലാവര്‍ക്കും വിമര്‍ശിക്കാന്‍ സ്വാതന്ത്ര്യമുണ്ട്'; ജെബി മേത്തര്‍

കൊച്ചി: നടന്‍ ദിലീപിനൊപ്പം(Actor Dileep) സെല്‍ഫിയെടുത്തതില്‍ ഖേദമില്ലെന്ന് കോണ്‍ഗ്രസ്(Congress) രാജ്യസഭാ സ്ഥാനാര്‍ഥി ജെബി മേത്തര്‍(Jebi Mather). നഗരസഭാ കമ്മിറ്റി ക്ഷണിച്ച പരിപാടിക്ക് ദിലീപ് എത്തിയപ്പോഴാണ് താന്‍ ഉള്‍പ്പെടെ ഒരുപാടുപേര്‍ സെല്‍ഫി എടുത്തതെന്ന് ജെബി പറഞ്ഞു. അതില്‍ ദുഃഖമില്ല. കോടതിയിലിരിക്കുന്ന വിഷയമാണ്.

രാഷ്ട്രീയരംഗത്തുള്ളവരും പല കേസുകളിലും പ്രതിയാകാറുണ്ട്. അവര്‍ക്കൊപ്പം വേദി പങ്കിടാറുണ്ടെന്നും ജെബി പറഞ്ഞു. തന്റെ സ്ഥാനാന്‍ഥിത്വത്തിന് എതിരായ വിമര്‍ശനങ്ങള്‍ ഉള്‍ക്കൊള്ളുന്നുവെന്ന് അവര്‍ പറഞ്ഞു. വിമര്‍ശിക്കാന്‍ കോണ്‍ഗ്രസ് പാര്‍ട്ടിയിലെ എല്ലാവര്‍ക്കും സ്വാതന്ത്ര്യമുണ്ടെന്നും പത്മജാ വേണുഗോപാലിന്റെ ഫെയ്‌സ്ബുക്ക് കുറിപ്പ് ശ്രദ്ധയില്‍പ്പെട്ടിട്ടില്ലെന്നും ജെബി പറഞ്ഞു.

Also Read-Padmaja Venugopal | 'എന്റെ മനസ്സ് വല്ലാതെ മടുത്തിരിക്കുന്നു'; നേതൃത്വത്തോടുള്ള അതൃപ്തി പരസ്യമാക്കി പദ്മജ വേണുഗോപാല്‍

ആര്‍ക്കും ലഭിക്കാത്ത ഭാഗ്യം തനിക്ക് ലഭിച്ചു. അതില്‍ അസഹിഷ്ണുത തോന്നേണ്ടതില്ല. കോണ്‍ഗ്രസിലെ അന്തിമ തീരുമാനം നേതൃത്വത്തിന്റേതാണ്. വിമര്‍ശിക്കുന്നവരും അതത് അംഗീകരിക്കേണ്ടിവരുമെന്നും അവര്‍ പറഞ്ഞു.

Also Read-Congress | 'പ്രായമായ അപ്പനെ കൊന്ന് കോൺഗ്രസിനെ രക്ഷിക്കൂ'; മഹിളാ കോൺഗ്രസ് പ്രവർത്തകയ്ക്ക് കെ.വി തോമസിന്‍റെ മറുപടി

പരിഗണിച്ചവരെല്ലാം കോണ്‍ഗ്രസിന്റെ പ്രധാനപ്പെട്ട, മുന്‍നിരയില്‍ നില്‍ക്കുന്ന നേതാക്കളാണ്. പല മാനദണ്ഡങ്ങള്‍ കണക്കിലെടുത്താകാം എന്നിലേക്ക് എത്തിയതെന്ന് ജെബി കൂട്ടിച്ചേര്‍ത്തു.

Also Read-Congress | 'ഹിന്ദി അറിയാവുന്നവർ ദേശീയ രാഷ്ട്രീയത്തിൽ വേണം; ചെന്നിത്തലയ്ക്ക് ഹിന്ദി അറിയാം; എനിക്ക് അറിയില്ല;' കെ. മുരളീധരൻ

മഹിളാ കോണ്‍ഗ്രസ് സംസ്ഥാന അധ്യക്ഷയും ആലുവ നഗരസഭാംഗവുമായ ജെബി, അന്‍വര്‍ സാദത്ത് എംഎല്‍എക്ക് ഒപ്പം വോട്ടര്‍മാരെ കാണാനെത്തിയപ്പോഴാണ് വിമര്‍ശനങ്ങളില്‍ ജെബി മേത്തര്‍ പ്രതികരിച്ചത്.