BJP വോട്ട് മറിച്ചത് ആർക്കെന്ന് മനസിലായി; ആദ്യ റൗണ്ട് കഴിഞ്ഞപ്പോൾ ടോം ജോസിന്റെ പ്രതികരണം

കോട്ടയം: പാലായിൽ ബിജെപി ഇടതുമുന്നണിക്ക് വോട്ടുമറിച്ചെന്ന് യുഡിഎഫ് സ്ഥാനാർഥി ജോസ് ടോം. ഏറെ നിർണായകമായ രാമപുരം പഞ്ചായത്തിലെ 14 ബൂത്തുകളിലെ വോട്ടെണ്ണിയപ്പോൾ വോട്ടുനിലയിൽ യുഡിഎഫ് പിന്നോട്ടുപോയതിനെ തുടർന്നാണ് പ്രതികരണം.

Also Read- പാലാ ഉപതെരഞ്ഞെടുപ്പ്; ആദ്യ റൗണ്ടിൽ മാണി സി. കാപ്പൻ മുന്നിൽ

ലോക്സഭാ തെരഞ്ഞെടുപ്പ് ഫലം നോക്കുമ്പോൾ 14 ബൂത്തുകളിൽ തന്നെ എൻഡിഎ വോട്ടുകളിൽ വലിയ കുറവുണ്ടായി. ഇത് അതേപടി ചെന്നിട്ടുള്ളത് എൽഡിഎഫിനാണ്. ആരുടെയും വോട്ട് ചോർന്നുവെന്ന് പറയാൻ ആളല്ല. വോട്ടിംഗിനെ ബാധിക്കുന്ന കാര്യമല്ലെന്നും ജോസ് ടോം പ്രതികരിച്ചു. 14 ബൂത്തുകളിൽ വോട്ടെണ്ണിയപ്പോൾ 162 വോട്ടിന് മാണി സി കാപ്പൻ മുന്നിലായിരുന്നു. വോട്ടുകച്ചവടം ഉണ്ടായിട്ടില്ലെന്നും എന്നാൽ, ബിഡിജെഎസിന്റെ വോട്ടുകളും ജോസഫ് വിഭാഗത്തിന്റെയും കോൺഗ്രസിന്റെയും വോട്ടുകൾ തനിക്ക് കിട്ടിയെന്ന് മാണി സി കാപ്പൻ പ്രതികരിച്ചു.