Jyotiraditya Scindia | ലങ്കൻ വിമാനങ്ങൾക്ക് നൽകിയ സഹായം ; കൊച്ചി-തിരുവനന്തപുരം വിമാനത്താവളങ്ങൾക്ക് കേന്ദ്രമന്ത്രിയുടെ അഭിനന്ദനം

കേന്ദ്ര വ്യോമയാനമന്ത്രി ജ്യോതിരാദിത്യ സിന്ധ്യ കൊച്ചി, തിരുവനന്തപുരം വിമാനത്താവളങ്ങളുടെ പ്രവർത്തനങ്ങൾക്ക് അഭിനന്ദനം അറിയിച്ചു.
ശ്രീലങ്കൻ വിമാനങ്ങൾക്ക് ടെക്നിക്കൽ ലാൻഡിങ് അനുവദിച്ചതിനാണ് കേന്ദ്രമന്ത്രി ഇരു വിമാനത്താവളങ്ങളെയും അഭിനന്ദിച്ചത്.
120ൽ അധികം വിമാനങ്ങൾക്കാണ് പ്രതിസന്ധി ഘട്ടത്തിൽ ഇരു വിമാനത്താവളങ്ങളിലുമായി ലാൻഡിങ് അനുവദിച്ചത്.

Kudos Trivandrum & Kochi airports for demonstrating the Indian spirit of वसुधैव कुटुम्बकम्!

The airports have gone beyond their call of duty by allowing technical landing to 120+ aircraft bound for Sri Lanka. The gesture will go a long way in furthering ties with our neighbour.

— Jyotiraditya M. Scindia (@JM_Scindia) July 13, 2022

''വസുധൈവ കുടുംബകം എന്ന ഇന്ത്യൻ പാരമ്പര്യം മുറുകെപ്പിടിച്ച തിരുവനന്തപുരം, കൊച്ചി വിമാനത്താവളങ്ങൾക്ക് അഭിനന്ദനം.
പതിവു ജോലിക്കപ്പുറം, ഇരു വിമാനത്താവളങ്ങളിലുമായി ശ്രീലങ്കയിലേക്കുള്ള 120ൽ അധികം വിമാനങ്ങൾക്കാണ് ടെക്നിക്കൽ ലാൻഡിങ് അനുവദിച്ചത്.
നമ്മുടെ അയൽക്കാരുമായുള്ള ബന്ധം കൂടുതൽ ദൃഢമാക്കുന്നതിൽ ഈ പ്രവൃത്തി തീർച്ചയായും സഹായിക്കും’ – സിന്ധ്യ ട്വിറ്ററിൽ കുറിച്ചു.