• HOME
  • »
  • NEWS
  • »
  • kerala
  • »
  • K Rail Protest | കല്ലായിയില്‍ കല്ലിടലിനെതിരെയുള്ള പ്രതിഷേധം ശക്തമായി; നടപടികള്‍ നിര്‍ത്തി ഉദ്യോഗസ്ഥര്‍ മടങ്ങി

K Rail Protest | കല്ലായിയില്‍ കല്ലിടലിനെതിരെയുള്ള പ്രതിഷേധം ശക്തമായി; നടപടികള്‍ നിര്‍ത്തി ഉദ്യോഗസ്ഥര്‍ മടങ്ങി

പ്രതിഷേധം ശക്തമാകുമ്പോഴും പദ്ധതിയുമായി മുന്നോട്ട് പോകുമെന്ന് തന്നെയാണ് കെ-റെയില്‍ അധികൃതര്‍ പറയുന്നത്.

  • Share this:
    കല്ലായി: കെ റെയില്‍ പദ്ധതിയ്‌ക്കെതിരെ(K-Rail Project) സംസ്ഥാനത്തുടനീളം പ്രതിഷേധം(Protest) ശക്തമായി. കല്ലായിയില്‍ കല്ലിടാനെത്തിയ ഉദ്യോഗസ്ഥരും നാട്ടുകാരും തമ്മില്‍ വാക്കേറ്റമുണ്ടായി. സ്ഥലത്ത് വന്‍ പൊലീസ്(Police) സന്നാഹമാണ് നിലയുറപ്പിച്ചിരിക്കുന്നത്. കല്ലിടാന്‍ ഉദ്യോഗസ്ഥരെത്തിയതോടെ നാട്ടുകാര്‍ സംഘടിച്ചെത്തുകയായിരുന്നു.

    നാട്ടുകാര്‍ പ്രതിഷേധവുമായി രംഗത്തെത്തിയതോടെ രാവിലെ കല്ലിടല്‍ നടപടികള്‍ നിര്‍ത്തിവെച്ചിരുന്നു. വീണ്ടും കല്ലിടാനെത്തിയതോടെ സംഘര്‍ഷമുണ്ടായി. ഒരു അറിയിപ്പുമില്ലാതെ കല്ലിടുന്നത് അംഗീകരിക്കില്ലെന്ന് നാട്ടുകാര്‍ വ്യക്തമാക്കി. പ്രതിഷേധം ശക്തമായതോടെ കല്ലിടല്‍ നടപടികള്‍ നിര്‍ത്തി ഉദ്യോഗസ്ഥര്‍ മടങ്ങി.

    അതേസമയം സാമൂഹികാഘാത പഠനത്തിന് വേണ്ടിയാണ് കല്ലിടല്‍ നടത്തുന്നതെന്ന് കെ-റെയില്‍ എംഡി വി.അജിത് കുമാര്‍ പറഞ്ഞു. പ്രതിഷേധം ശക്തമാകുമ്പോഴും പദ്ധതിയുമായി മുന്നോട്ട് പോകുമെന്ന് തന്നെയാണ് കെ-റെയില്‍ അധികൃതര്‍ പറയുന്നത്.

    Also Read-K-RAIL | കെ റെയില്‍ സമരം; മണ്ണെണ്ണയൊഴിച്ച് ഭീഷണി മുഴക്കിയതിന് മാടപ്പള്ളിയിലെ 150 പേർക്കെതിരെ കേസ്

    സംസ്ഥാനത്ത് കോഴിക്കോട്, മലപ്പുറം, കോട്ടയം, എറണാകുളം ജില്ലകളിലാണ് ശക്തമായ പ്രതിഷേധങ്ങള്‍ അരങ്ങേറിയത്. കോണ്‍ഗ്രസിന്റെയും ബി.ജെ.പി.യുടെയും നേതൃത്വത്തില്‍ സര്‍വേ കല്ലുകള്‍ പിഴുതെറിയുകയും ചെയ്തു.

    Also Read-K-RAIL | കെറെയില്‍ സമരം: പോലീസ് സംയമനം പാലിക്കണം, പ്രകോപനമുണ്ടാക്കരുത്; ഡിജിപി

    കെ റെയില്‍ സമരത്തില്‍നിന്ന് പിന്നോട്ടില്ലെന്ന് പ്രതിപക്ഷ നേതാവ് വി.ഡി. സതീശന്‍ പറഞ്ഞു. സര്‍വേ കല്ലുകള്‍ പിഴുതെറിഞ്ഞ് ജയിലില്‍ പോകുമെന്നും സാധാരണക്കാരെ ജയിലിലേക്ക് വിടില്ലെന്നും യുഡിഎഫ് നേതാക്കള്‍ ജയിലില്‍ പോകാന്‍ തയ്യാറാണെന്നും വി ഡി സതീശന്‍ പറഞ്ഞു.

    കെ റയില്‍ കേരളത്തിന്റെ സമ്പദ്ഘടനയെ ബാധിക്കുന്ന പ്രശ്‌നമാണ്. പോലീസിനെ ഉപയോഗിച്ച് സമരത്തെ അടിച്ചമര്‍ത്താന്‍ ശ്രമിച്ചാല്‍ കൈയും കെട്ടി നോക്കി നില്‍ക്കില്ലെന്നും ബിജെപി സംസ്ഥാന അധ്യക്ഷന്‍ സുരേന്ദ്രന്‍ പറഞ്ഞു.

    Also Read-K Rail | പൊലീസുകാരുടെ യൂണിഫോമില്‍ നെയിംബോര്‍ഡില്ലാത്തത് ദുരൂഹതയെന്ന് ആക്ഷേപം; നഷ്ടപ്പെടാതിരിക്കാനെന്ന് വിശദീകരണം

    കെ റെയില്‍ സില്‍വര്‍ലൈന്‍ പദ്ധതിക്കെതിരായ സമരങ്ങളെ രൂക്ഷമായി വിമര്‍ശിച്ച് മന്ത്രി സജി ചെറിയാന്‍. സര്‍വ്വേ കല്ല് ഊരിയാല്‍ വിവരമറിയും, ഒരു സംശയവും വേണ്ട, തീവ്രവാദ സംഘടനകളുടെ സഹായത്തോടെ ആളുകളെ ഇളക്കി വിടുകയാണെന്നും മന്ത്രി ആരോപിച്ചു. അതാണ് ചെങ്ങന്നൂരില്‍ ഉള്‍പ്പടെ കാണുന്നത്. ജനങ്ങളുടെ വൈകാരിക പ്രതികരണം മനസ്സിലാകുമെന്നും മന്ത്രി പറഞ്ഞു.
    Published by:Jayesh Krishnan
    First published: