ചരിത്രകോൺഗ്രസ്: ഇർഫാൻ ഹബീബിന്‍റെ പ്രസംഗം പരിപാടിയിൽ ഉണ്ടായിരുന്നില്ല; പ്രോട്ടോകോൾ ലംഘനമുണ്ടായെന്ന് വൈസ് ചാൻസലർ

പരിപാടിയിൽ പല കാര്യങ്ങളും ശരിയായ രീതിയിലല്ല നടന്നതെന്നും വൈസ് ചാൻസലർ ഗോപിനാഥ് രവീന്ദ്രൻ

News18 Malayalam | news18-malayalam
Updated: December 29, 2019, 5:52 PM IST
ചരിത്രകോൺഗ്രസ്: ഇർഫാൻ ഹബീബിന്‍റെ പ്രസംഗം പരിപാടിയിൽ ഉണ്ടായിരുന്നില്ല; പ്രോട്ടോകോൾ ലംഘനമുണ്ടായെന്ന് വൈസ് ചാൻസലർ
gov
  • Share this:
കണ്ണൂർ: ഗവർണർ പങ്കെടുത്ത ചരിത്ര കോൺഗ്രസിൽ പ്രോട്ടോകോൾ ലംഘനമുണ്ടായെന്ന് കണ്ണൂർ സർവകലാശാല വി.സി ഗോപിനാഥ് രവീന്ദ്രൻ. ഇർഫാൻ ഹബീബിന്റെ പ്രസംഗം പരിപാടിയിൽ ഉൾപ്പെടുത്തിയിരുന്നില്ല. സ്ഥാന കൈമാറ്റ ചടങ്ങ് മാത്രമാണ് ഉണ്ടായിരുന്നത്. പരിപാടിയിൽ പല കാര്യങ്ങളും ശരിയായ രീതിയിലല്ല നടന്നതെന്നും വൈസ് ചാൻസലർ ഗോപിനാഥ് രവീന്ദ്രൻ വ്യക്തമാക്കി.

കഴിഞ്ഞ ദിവസമാണ് കണ്ണൂർ സർവകലാശാലയിൽ ചരിത്ര കോൺഗ്രസ് ഉദ്ഘാടന സെഷൻ അലങ്കോലപ്പെട്ടത്. ഗവർണർ പ്രസംഗിക്കുന്നതിനിടെ വേദിയിലും സദസിലും പ്രതിഷേധം ഉണ്ടാകുകയായിരുന്നു. പൌരത്വ നിയമ ഭേദഗതി വിഷയത്തിലുള്ള പരാമർശമാണ് പ്രതിഷേധത്തിന് ഇടയാക്കിയത്. ഇതിനു പിന്നാലെ വൈസ് ചാൻസലറെ ഗവർണർ വിളിപ്പിച്ചിരുന്നു.

അതേസമയം ഇർഫാൻ ഹബീബാണ് തന്‍റെ പ്രസംഗം ആദ്യം തടസപ്പെടുത്തിയതെന്നും, സുരക്ഷാ ഉദ്യോഗസ്ഥരെ തള്ളിമാറ്റിയെന്നും ഗവർണർ ആരോപിച്ചിരുന്നു. വ്യത്യസ്ത അഭിപ്രായം പറയുമ്പോൾ സഹിഷ്ണുത ഇല്ലാതിരിക്കുന്നത് ജനാധിപത്യപരമല്ലെന്നും ഗവർണർ കുറ്റപ്പെടുത്തിയിരുന്നു.
Published by: Anuraj GR
First published: December 29, 2019, 1:56 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading