ദുബായിലേക്ക് വിനോദസഞ്ചാരം: ഇനി കപ്പൽ മാര്‍ഗവും

കേരളത്തിലെത്തുന്ന സഞ്ചാരികളെ ദുബായ് അടക്കമുള്ള സ്ഥലങ്ങളിലേക്ക് കൊണ്ടു പോകാൻ വിനോദസഞ്ചാര കപ്പൽ ഒരുങ്ങുന്നു. കേരള ഷിപ്പിംഗ് ആൻഡ് ഇൻലാൻഡ് നാവിഗേഷൻ കോര്‍പ്പറേഷനാകും കപ്പൽ നിർമ്മിക്കുക.

Also Read-400 വർഷം മുൻപ് തകര്‍ന്ന പോർച്ചുഗീസ് കപ്പൽ കണ്ടെത്തി; ഇന്ത്യയിൽ നിന്ന് കൊണ്ടുപോയ സുഗന്ധവ്യഞ്ജനങ്ങൾ സുരക്ഷിതം

ദുബായ്ക്ക് പുറമെ ലക്ഷദ്വീപ്, ആന്‍ഡമാൻ നിക്കോബാർ എന്നിവിടങ്ങളിലേക്കും സഞ്ചാരികളെ എത്തിക്കും. ഉല്ലാസയാത്രകൾക്ക് ഉണര്‍വേകാൻ നേരത്തെ നെഫര്‍റ്റിറ്റി എന്ന ആഢംബര നൗക പുറത്തിറക്കിയും കേരള ശ്രദ്ധ ആകർഷിച്ചിരുന്നു. കടലിലൂടെയുള്ള ഉല്ലാസയാത്രയ്ക്ക് ഈജിപ്ഷ്യൻ തീമിലായിരുന്നു അത്യാധുനിക സൗകര്യങ്ങളോട് കൂടിയുള്ള കപ്പൽ കേരള ഷിപ്പിംഗ് ആൻഡ് ഇൻലാൻഡ് നാവിഗേഷൻ കോര്‍പ്പറേഷൻ നെഫർറ്റീറ്റി ഒരുക്കിയത്.തീരത്തു നിന്നും 20 നോട്ടിക്കല്‍ മൈല്‍ പരിധിയില്‍ ഇന്ത്യയില്‍ എവിടേയും ഇതിന് സര്‍വീസ് നടത്താം. പിന്നാലെയാണ് രാജ്യത്തിന് പുറത്തേക്കും സർവീസുകൾ നടത്താൻ കപ്പൽ ഒരുങ്ങുന്നത്.